Jayamma Panchayathi: ఏడిపించేస్తున్న సుమక్క పాట, 'గొలుసుకట్టు గోసలు' సాంగ్ రిలీజ్

సుమ నటించిన 'జయమ్మ పంచాయితీ' సినిమా నుంచి కొత్త పాటను విడుదల చేశారు. 

'గొలుసుకట్టు గోసలు' సాంగ్ రిలీజ్

ప్రముఖ యాంకర్, టీవీ హోస్ట్ సుమ ప్రధాన పాత్రలో నటిస్తున్న చిత్రం 'జయమ్మ పంచాయతీ'. ఈ సినిమాతో విజయ్ కుమార్ కలివారపు దర్శకుడిగా పరిచయం అవుతున్నారు. ఈ సినిమాను వెన్నెల క్రియేషన్స్ పతాకంపై ప్రొడక్షన్ నెంబర్ 2గా బలగ ప్రకాష్ నిర్మిస్తున్నారు. ఇప్పటికే ఈ సినిమా నుంచి కొన్ని పాటలను, మేకింగ్ వీడియోను రిలీజ్ చేశారు. రీసెంట్ గా ట్రైలర్ ను కూడా విడుదల చేశారు. నాని, రాజమౌళి, పవన్ కళ్యాణ్ లాంటి సెలబ్రిటీలు ఈ సినిమాను ప్రమోట్ చేశారు. 

మే 6న సినిమా ప్రేక్షకుల ముందుకు రానుంది. దీంతో ప్రమోషన్స్ మొదలుపెట్టింది. ఈ క్రమంలో తాజాగా సినిమా నుంచి 'గొలుసు కట్టు గోసలు' లిరికల్‌ సాంగ్‌ని విడుదల చేశారు. 'కలిసి బతికే కాలమేమాయే నేడే..పగటి వేళ పీడ కలలాయే, అలసి పోని ఆశలేమాయే అయ్యో... గొలుసు కట్టు గోసలైపోయే' అంటూ చాలా ఎమోషనల్‌గా సాగింది ఈ పాట. సినిమాలో సుమ పరిస్థితిని ఈ పాట వివరిస్తుంది. 

ఈ పాటకు కీరవాణి అద్భుతమైన సంగీతాన్ని అందించారు. అలానే హరిహరన్ తో కలిసి ఆలపించారు. చైతన్య ప్రసాద్ లిరిక్స్ అందించారు. పల్లెటూరి వాతావరణం నేపథ్యంలో తెరకెక్కించిన చిత్రమిది. ఇదివరకు క్యారెక్టర్ ఆర్టిస్ట్ గా కొన్ని సినిమాల్లో నటించింది సుమ. ఆ తరువాత పూర్తిగా బుల్లితెరకే పరిమితమైంది. టీవీ షోలు, సినిమా ఈవెంట్స్ తో బిజీగా గడుపుతోంది. అయినప్పటికీ నటిగా రీఎంట్రీ ఇవ్వడానికి రెడీ అయింది. మరి 'జయమ్మ పంచాయతీ'తో సుమ ఎలాంటి హిట్ అందుకుంటుందో చూడాలి!

 

 

 

 

 

View this post on Instagram

 

 

 

 

 

 

 

 

 

 

 

A post shared by Suma K (@kanakalasuma)