AR Rahman: ప్రముఖ సంగీత దర్శకుడు రెహ్మాన్ కూతురి నిశ్చితార్థం, వరుడు ఎవరంటే...

ఆస్కార్ విన్నర్, ప్రముఖ సంగీత దర్శకుడు రెహ్మాన్ కూతురి నిశ్చితార్థం ఘనంగా జరిగింది.

Written By : ABP Desam | Edited By: harithac | Updated at : 02 Jan 2022 04:43 PM (IST)

Famous music director Rahman's daughter is engaged AR Rahman: ప్రముఖ సంగీత దర్శకుడు రెహ్మాన్ కూతురి నిశ్చితార్థం, వరుడు ఎవరంటే...

ఖతీజా రెహ్మాన్ (Image credit: Instagram)

మ్యూజిక్ మాంత్రికుడు ఏఆర్ రెహ్మాన్ ఇంట్లో పెళ్లి భాజాలు మోగాయి. అతని కూతురు ఖతీజా రెహమాన్ నిశ్చితార్థం డిసెంబర్ 29న ఘనంగా జరిగింది. ఈ విషయాన్ని ఖతీజా స్వయంగా సోషల్ మీడియాలో ప్రకటించింది. తనకు కాబోయే భర్తను రియాసిద్దీన్ షేక్ మహ్మద్‌గా పరిచయం చేసింది. అతను ఒక ఆంత్రప్రెన్యూర్ అని తెలిపింది. పెళ్లి తేదీ ఇంకా ఖరారు కాలేనట్టు సమాచారం. వీరిద్దరిది ప్రేమ వివాహమా లేక పెద్దలు కుదిర్చిన పెళ్లా కూడా తెలియలేదు. నిశ్చితార్థానికి కేవలం కుటుంబసభ్యులు, బంధువులు మాత్రమే హాజరయ్యారు. అందుకే ఫోటోలు కూడా బయటికి రాలేదు. రెహ్మాన్ కు ఇద్దరు కూతుళ్లు ఒక కొడుకు. వారిలో ఖతీజా పెద్ద కూతురు. చిన్నకూతురు పేరు రహీమా. ఇక కొడుకు అమీన్ రెహ్మాన్.

ఖతీజా కూడా మంచి గాయనే. రోబోలో ‘ఓ మరమనిషి’ పాటను ఈమెనే పాడింది. 14 ఏళ్ల వయసులోనే ఆమె ఈ పాట పాడింది. ఆ పాట తమిళం, తెలుగులో కూడా ఖతీజానే పాడింది. ఆమె ‘ఫరిష్టోన్’ అనే మ్యూజిక్ ఆల్బమ్‌ను కూడా విడుదల చేసింది. ఈ మ్యూజిక్ వీడియో ఉత్తమ యానిమేషన్ మ్యూజిక్ వీడియోగా గుర్తింపు పొందింది. ఇక చిన్న కూతురు రహీమా బాలీవుడ్లో హీరోయిన్‌గా ఎంట్రీ ఇచ్చేందుకు సిద్ధమవుతున్నట్టు సమాచారం. నటనలో శిక్షణ కూడా తీసుకుంది.