Extraction 2 telugu trailer: అదిరిపోయే యాక్షన్ సీన్లతో వచ్చేస్తున్న 'ఎక్స్‌ట్రాక్షన్ 2' - తెలుగు ట్రైలర్ వచ్చేసింది చూశారా?

క్రిస్ హెమ్స్‌ వ‌ర్త్‌ కనీవినీ ఎరుగని యాక్షన్ సీక్వెన్స్ తో 'ఎక్స్‌ ట్రాక్షన్ 2' తాజా ట్రైలర్ ఆకట్టుకుంటోంది. సామ్ హ‌ర్‌గ్రేవ్ దర్శకత్వం వహించిన ఈ చిత్రం జూన్ లో నేరుగా ఓటీటీలో రిలీజ్ కానున్నది.

Photo Credit: Chris Hemsworth/Instagram

క్రిస్ హేమ్స్ వర్త్ 'ఎక్స్‌ ట్రాక్షన్ 2' ట్రైలర్ విడుదల

క్రిస్ హేమ్స్ వర్త్  తాజా చిత్రం  'ఎక్స్‌ ట్రాక్షన్ 2' చిత్రానికి సంబంధించి మరో ట్రైలర్ విడుదల అయ్యింది. తొలి భాగం మాదిరిగానే రెండో పార్ట్ ను కూడా నేరుగా ఓటీటీ విడుదల చేసేందుకు మేకర్స్ రెడీ అయ్యారు. ప్రముఖ ఓటీటీ ఫ్లాట్ ఫామ్ నెట్ ఫ్లిక్స్ వేదికగా ఈ మూవీని జూన్ 16న నెట్ ఫ్లిక్స్ లో రిలీజ్ చేయనున్నారు. ఇంగ్లీష్, హిందీ, తెలుగు, తమిళ భాషల్లో ఈ చిత్రం విడుదలకానుంది. తాజాగా ఈ సినిమాకు సంబంధించిన మరో ట్రైలర్ ను రిలీజ్ చేశారు. 'ఎక్స్‌ ట్రాక్షన్'  మొదటి భాగానికి ఏ మాత్రం తగ్గకుండా రెండో భాగాన్ని తీర్చిదిద్దారు. ఈ ట్రైలర్ యాక్షన్ లవర్స్ ను బాగా ఆకట్టుకుంటోంది. ‘టైలర్ రేక్’ పాత్రలో క్రిస్ హేమ్స్ వర్త్ సూపర్బ్ పెర్ఫార్మెన్స్ అలరిస్తోంది.

'అవెంజర్స్' సినిమాతో హాలీవుడ్ ఓ సంచలనం సృష్టించిన  క్రిస్ హేమ్స్ వర్త్.. 'థార్' పాత్రలో నటించి ప్రపంచ యాక్షన్ సినీ లవర్స్ ను ఆకట్టుకున్నారు. యాక్షన్ సన్నివేశాల్లో నటించడంలో తనను మించిన వారెవ్వరూ ఉండరనే పేరు తెచ్చుకున్నారు. 2020లో సామ్ హ‌ర్‌గ్రేవ్ దర్శకత్వంలో 'ఎక్స్‌ ట్రాక్షన్' సినిమాలో హీరోగా తన అద్భుతన నటనను కనబర్చారు. ఈ సినిమా పార్ట్ 1 ఎండింగ్ లో క్రిస్ చనిపోయినట్టుగా చూపిస్తారు. ఆ తర్వాత ఏమైందన్న ఉత్కంఠను కలిగించేలా, మరో పార్ట్ కోసం వెయిట్ చేసేలా మొదటి భాగాన్ని చిత్రీకరించారు. ఈ మూవీ మొదటి భాగం తెలుగులో కూడా అందుబాటులో ఉంది. సీక్వెల్‌ను సైతం తెలుగులోనే రిలీజ్ చేస్తున్నారు. ఈ సందర్భంగా నెట్‌ఫ్లిక్ బుధవారం తెలుగు ట్రైలర్‌ను రిలీజ్ చేసింది.

అదిరిపోయే యాక్షన్ సీక్వెన్స్ తో ఆకట్టుకుంటున్న ట్రైలర్ 

 

ప్రస్తుతం ఫస్ట్ పార్ట్ ఎక్కడైతే ఆగిపోయిందో, అక్కడ నుంచే 'ఎక్స్‌ ట్రాక్షన్' సీక్వెల్ ను స్టార్ట్ చేసినట్లు రుస్సో బ్రదర్స్ వెల్లడించారు.   క్రిస్ హెమ్స్‌ వ‌ర్త్‌, తాను ఎక్కడైతే ఓడిపోయాడో అదే ప్రాంతం నుంచి త‌న పోరాటాన్ని కంటిన్యూ చేసిన‌ట్లుగా ఈ ట్రైల‌ర్‌లో అద్భుతంగా చూపించారు. ట్రైలర్ ఆద్యందం పోరాట సన్నివేశాలు ఆకట్టుకుంటాయి. మంచు కొండ‌ల్లో హెలికాప్టర్‌పై గ‌న్‌తో అటాక్ చేయడం, రైలులో రూపొందించిన యాక్షన్ సన్నివేశాలు   ట్రైలర్ లో హైలైట్ గా ఉన్నాయి. యాక్షన్ అండ్ ఇంట్రస్టింగ్ సీన్స్ తో రెండున్న నిమిషాల నిడివి గల ఈ ట్రైలర్ వీడియో ప్రస్తుతం యూట్యూబ్ లో హల్ చల్ చేస్తోంది. కాగా సోషల్ మీడియాలోనూ దీనికి భారీ రెస్పాన్స్ వస్తోంది.  

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix US (@netflix)

డైరెక్టర్ సామ్ హ‌ర్‌గ్రేవ్ ఈ సినిమాతోనే దర్శకుడిగా పరిచయమవుతుండడంతో ఈ చిత్రంపై అభిమానులు మరింత  ఆసక్తిని కనబరుస్తున్నారు. ఇంతకుముందు సామ్.. 'మార్వెల్ సూప‌ర్ సిరీస్‌' సినిమాల‌తో పాటు 'హంగ‌ర్ గేమ్స్' చిత్రాల‌కు యాక్షన్ కొరియోగ్రాఫ‌ర్‌గా ప‌నిచేశారు.  ఇక  'ఎక్స్‌ట్రాక్షన్' మూవీ సీక్వెల్ మూడేళ్ల తర్వాత రాబోతుండడంతో యాక్షన్ మూవీ లవర్స్ ఈ సినిమా ఎంతగానో ఎదురుచూస్తున్నారు.