Ennenno Janmalabandham March 13th: భ్రమరాంబిక ప్లాన్ సక్సెస్, బలిపశువైన మాళవిక - కిడ్నాప్‌నకు గురైన వేద

యష్, వేద మధ్యలోకి విన్నీ రావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

వేద తన భర్త యశోధర్ కోసం బ్రేస్ లెట్స్ కొనడానికి చూస్తూ ఉంటుంది. అప్పుడే విన్నీ వస్తాడు. యష్ చేతికి బ్రేస్ సరిపోతుందో లేదో అని అనుకుంటుంటే విన్నీ తన చేతికి పెట్టి చూడమని అనేసరికి పెడుతుంది. అప్పుడే యష్ వచ్చి ఏం జరుగుతుందని అంటాడు. విన్నీ కోసం బ్రేస్ కొంటున్నానని చెప్పేసరికి యష్ మొహం మాడిపోతుంది. తన కోసం అని ఎందుకు చెప్పావని విన్నీ అడుగుతాడు. కావాలని అలా చెప్పాను సర్ ప్రైజ్ కదా ఆయన ముందే చూసేశారు అందుకే అలా చేశానని అంటుంది. ఉడికించడం అవసరమా అని విన్నీ అంటాడు. గదిలోకి వెళ్ళిన యష్ కోపంతో రగిలిపోతాడు. నువ్వు మీ ఆయన్ని బాగా లవ్ చేస్తున్నావ్ కానీ మీ ఇద్దరి మధ్య అసలు లవ్ ఉందా? తనకి చాలా ఇగో, యాటిట్యూట్. ఖుషి కోసం అనవసరంగా యశోధర్ దగ్గర ఇరుక్కుపోయావ్ ఏమోనని విన్నీ అంటాడు. నిజమే ఒక్కొక్కసారి నాకు అనిపిస్తుంది.

వేద: మా ఇద్దరి మధ్య ఉన్నది ఒప్పందం విచిత్రమైన పరిస్థితి కానీ అలవాటైపోయింది, ఇద్దరం అడ్జస్ట్ అయిపోయాం. ఆయన నా గురించి బాగా ఆలోచిస్తారు మంచి కేర్ తీసుకుంటారు. అంతకంటే మా ఇద్దరి మధ్య ఇంకేముంటుంది

విన్నీ: మొగుడు పెళ్ళాల మధ్య సీక్రెట్స్ మాకు ఎందుకు చెప్తావ్ వెళ్ళి మీ హజ్బెండ్ ని సర్ ప్రైజ్ చెయ్యి

పంతుల్ని పిలిపించి శాస్త్రం అని అబద్ధాలు చెప్పించారు అవన్నీ మాళవిక నమ్మేసింది. ఇంట్లో నుంచి వెళ్తానని అన్నది కానీ వెళ్ళిందా తీసుకెళ్లాడానికి ఎవరో వస్తారని అన్నది వచ్చారా పైన తిష్ట వేసుకుని కూర్చుందని ఖైలాష్ గాడు నోటికొచ్చినట్టు మాట్లాడతాడు. అప్పుడే వసంత్ వస్తాడు. మాళవికని తనతో తీసుకువెళ్లడానికి వచ్చానని కోపంగా అంటాడు.

వేద సంతోషంగా బ్రేస్ తీసుకొచ్చి యష్ కి ఇస్తుంది. అది మీ బెస్ట్ ఫ్రెండ్ కి కదా అని కోపంగా అంటాడు. మీకు సర్ ప్రైజ్ ఇద్దామంటే సడెన్ గా వచ్చేశారు అందుకే అబద్దం చెప్పానని వేద అంటుంది. కానీ యష్ మాత్రం నమ్మడు.

యష్: వాడికోసం తీసుకుని నేను ఫీల్ అవుతానని నాకోసం అని అబద్దం చెప్తున్నావా?

వేద: కాదు మీకోసమే తీసుకున్నా సైజ్ కోసం విన్నీ చేతికి పెట్టాను ఇది నిజంగా మీకోసమే అని పెట్టబోతుంటే విసిరికొడతాడు

యష్: అబద్ధాలు చెప్పకు

వేద:  నిజంగా మీకోసమే తీసుకున్నా

యష్: ఎవరికోసమో సెలెక్ట్ చేసింది నాకు వద్దు అనేసి కోపంగా వెళ్ళిపోతాడు.

వసంత్ ని చూసి మాళవిక సంతోషపడుతుంది. పాతవి ఏవైనా ఉంటే మర్చిపో మీది రక్తసంబంధం, మీ అక్కని నీ చేతుల్లో పెడుతున్నా టెంపరరీగా పెళ్లి జరిపిస్తాను మళ్ళీ మా ఇంటికి వచ్చేస్తుంది తీసుకెళ్లమని భ్రమరాంబిక అంటుంది. మాళవిక వెళ్లిపోతున్నందుకు ఫీల్ అవుతున్నట్టు అభి నటిస్తాడు. తను వెళ్లిపోగానే ఇద్దరు సంతోషంగా నవ్వుకుంటారు. విన్నీ వేదకి ఫోన్ చేసి గిఫ్ట్ ఇచ్చావా ఏమన్నాడని అడుగుతాడు. వేద పాపం చాలా ఏడుస్తుంది. తర్వాత యష్ కారులో వెళ్లబోతుంటే విన్నీ రోడ్డుకి అడ్డంగా నిలబడతాడు. కోపంగా ఏంటని వస్తాడు. వేద బ్రేస్ ఇస్తే వద్దని అన్నావంట కదా అని విన్నీ అడుగుతాడు. నీకు ఇవ్వాలని అనుకున్నది నాకు ఎలా ఇస్తుంది అలా ఎలా అనుకున్నావ్ అది నీకోసమే కావాలంటే ఫ్రూవ్ చేస్తానని విన్నీ నగల వ్యాపారికి ఫోన్ చేస్తాడు. అది యశోధర్ గారికోసమే కదా తీసుకుందని చెప్తాడు. అది విని యష్ షాక్ అవుతాడు. వేద బ్రేస్ చూసుకుంటూ ఏడుస్తుంది.