Mr Bachchan: రవితేజ, భాగ్యశ్రీ మధ్య కెమిస్ట్రీ అదుర్స్ అంతే - 'మిసర్ బచ్చన్'లో ఫస్ట్ సాంగ్ సితార్ లిరికల్ వీడియో చూశారా?

Mr Bachchan First Single: మాస్ మహారాజా రవితేజ హీరోగా హరీష్ శంకర్ తెరకెక్కిస్తున్న 'మిస్టర్ బచ్చన్' సినిమా నుంచి ఫస్ట్ సింగిల్ 'సితార్'ను విడుదల చేశారు. 

'మిస్టర్ బచ్చన్' సినిమాలోని 'సితార్...' సాంగులో రవితేజ, భాగ్య శ్రీ 

Source : https://www.youtube.com/watch?v=Ef11QtPwREY

Watch Sitar Song Lyrical Video From Mr Bachchan: మాస్ మహారాజా రవితేజ  (Ravi Teja) హీరోగా దర్శకుడు హరీష్ శంకర్ తెరకెక్కిస్తున్న తాజా సినిమా 'మిస్టర్ బచ్చన్'. నామ్ తో సునా హోగా (నా పేరు వినే ఉంటారు)... అనేది ఉప శీర్షిక. 'షాక్', 'మిరపకాయ్' తర్వాత రవితేజ, హరీష్ శంకర్ కలయికలో రూపొందుతున్న హ్యాట్రిక్ చిత్రమిది. ఇవాళ సినిమాలో ఫస్ట్ సాంగ్ 'సితార్'ను విడుదల చేశారు. 

భాగ్య శ్రీతో రవితేజ కెమిస్ట్రీ అదుర్స్ అంతే!
'మిస్టర్ బచ్చన్' సినిమా నుంచి ఫస్ట్ సాంగ్ 'సితార్'ను విడుదల చేశారు. సంగీత దర్శకుడు మిక్కీ జె మేయర్ మాంచి మెలోడియస్ ట్యూన్ ఇవ్వగా... సాకేత్ కోమండూరి, సమీరా భరద్వాజ్ అంతే అందంగా పాడారు. ఈ పాటను లిరిసిస్ట్ సాహితి రాశారు.

'సితార్' పాట ఎంత వినసొంపుగా ఉందో... ఆ పాటలో రవితేజ, హీరోయిన్ భాగ్య శ్రీ బోర్సే మధ్య కెమిస్ట్రీ అంత కంటే ఎక్కువ అందంగా ఉంది. శేఖర్ మాస్టర్ నృత్య దర్శకత్వంలో విదేశాల్లో అందమైన లోకేషన్లలో పాటను తెరకెక్కించారు. హీరో హీరోయిన్లు వేసిన స్టెప్పుల్లో రొమాన్స్, హుషారు కనిపించాయి. రవితేజ యంగ్ లుక్ అదిరిందంతే!

హరీష్ శంకర్ దర్శకత్వం వహించిన 'గబ్బర్ సింగ్' సినిమాలో 'కెవ్వు కేక...' పాటతో పాటు 'దువ్వాడ జగన్నాథం - డీజే' సినిమాలో 'అస్మైక యోగ...' పాటను సైతం సాహితి రాశారు. మరోసారి వీళ్లిద్దరి కలయికలో 'సితార్' హిట్ సాంగ్ అని చెప్పాలి.

ఆగస్టు 15న విడుదల చేస్తారా?
పనోరమా స్టూడియోస్ & టీ సిరీస్ సమర్పణలో పీపుల్ మీడియా ఫ్యాక్టరీ పతాకంపై ప్రముఖ నిర్మాత టీజీ విశ్వ ప్రసాద్ 'మిస్టర్ బచ్చన్' చిత్రాన్ని నిర్మిస్తున్నారు. దీనికి వివేక్ కూచిభొట్ల సహ నిర్మాత. ఇటీవల చిత్రీకరణ అంతా పూర్తి అయ్యింది. కొన్ని రోజుల క్రితం షో రీల్ విడుదల చేయగా... మంచి స్పందన లభించింది. మాస్ మహారాజా రవితేజ రాంపేజ్ అదుర్స్ అన్నారంతా! ఈ సినిమాను ఆగస్టు 15న విడుదల చేయడానికి సన్నాహాలు చేస్తున్నారని సమాచారం. అయితే... ఆ విషయాన్ని దర్శక నిర్మాతలు గానీ, చిత్ర బృందంలోని సభ్యులు గానీ అధికారికంగా చెప్పలేదు. 

'మిస్టర్ బచ్చన్'తో ఉత్తరాది భామ భాగ్య శ్రీ బోర్సే తెలుగు చలన చిత్ర పరిశ్రమకు కథానాయికగా పరిచయం అవుతోంది. ఈ సినిమాలో జగపతి బాబు, సచిన్ ఖేడేకర్ ప్రధాన పాత్రలు పోషిస్తున్నారు. ఈ చిత్రానికి కూర్పు: ఉజ్వల్ కులకర్ణి, ప్రొడక్షన్ డిజైనర్: అవినాష్ కొల్లా, ఛాయాగ్రహణం: అయనంక బోస్, నిర్మాణ సంస్థ: పీపుల్ మీడియా ఫ్యాక్టరీ, చిత్ర సమర్పణ: పనోరమా స్టూడియోస్ & టి సిరీస్, సంగీతం: మిక్కీ జె మేయర్, సహ నిర్మాత: వివేక్ కూచిభొట్ల, నిర్మాణం: టీజీ విశ్వ ప్రసాద్, రచన - దర్శకత్వం: హరీష్ శంకర్.