అప్పుడే ఓటీటీ స్ట్రీమింగ్‌కి రెడీ అయిన 'ఇంటింటి రామాయణం'

రాహుల్ రామకృష్ణ, నవ్య స్వామి, సీనియర్ నటుడు నరేష్ ప్రధాన పాత్రలో ఆహా స్టూడియోస్ నిర్మించిన 'ఇంటింటి రామాయణం' సినిమా తాజాగా ఓటీటీలోకి రాబోతోంది.

Photo Credit: ahavideoin/Twitter

రాహుల్ రామకృష్ణ, నవ్య స్వామి ప్రధాన పాత్రలో తెరకెక్కిన తాజా చిత్రం 'ఇంటింటి రామాయణం'. సీనియర్ నటుడు నరేష్ ఈ సినిమాలో మరో కీలక పాత్ర పోషించగా.. బిత్తిరి సత్తి, గంగవ్వ ఇతర పాత్రలో నటించారు. కంప్లీట్ తెలంగాణ విలేజ్ బ్యాక్ డ్రాప్ తో ఆహా స్టూడియోస్ వారు రూపొందించిన ఈ సినిమా జూన్ 9న థియేటర్స్ లో విడుదలై పాజిటివ్ రెస్పాన్స్ ని అందుకుంది. మారుతీ టాకీస్, సితార నాగ వంశీ సమర్పణలో వెంకట్ ఉప్పుకూరి, గోపీచంద్ ఇన్నమూరి సంయుక్తంగా నిర్మించిన ఈ సినిమాని సురేష్ నారెడ్ల కరెక్ట్ చేశారు. నిజానికి ఈ సినిమాని ముందుగా ఆహా ఓటీటీ ప్లాట్ఫామ్ లోనే విడుదల చేయాలని అనుకున్నారు. కానీ ఆ తర్వాత ఏమైందో తెలియదు సడన్ గా ట్రైలర్ రిలీజ్ చేసి థియేటర్లో విడుదల చేస్తున్నట్లు ప్రకటించారు. ఈ మూవీ ట్రైలర్ను డీజే టిల్లు హీరో సిద్దు జొన్నలగడ్డ లాంచ్ చేశారు. దీంతో సినిమాపై మంచి బజ్ క్రియేట్ అయింది. ఇక అందుకు తగ్గట్టుగానే థియేటర్స్ లో విడుదలైన ఈ సినిమాకి ప్రేక్షకుల నుంచి పాజిటివ్ రెస్పాన్స్ వచ్చింది.

ఇక ఇప్పుడు నేరుగా ఈ సినిమా ఓటీటీ రిలీజ్ కి రెడీ అయింది. ఈ క్రమంలోనే మేకర్స్ తాజాగా ఓటీటీ రిలీజ్ కు సంబంధించి అఫీషియల్ అనౌన్స్మెంట్ ఇచ్చారు. ఈ మేరకు జూన్ 23 నుంచి ప్రముఖ ఓటీటీ ఆహా లో 'ఇంటింటి రామాయణం' మూవీ స్ట్రీమింగ్ కానుంది. నిజానికి ఓ సినిమా థియేటర్లో విడుదలైన 30 రోజుల తర్వాత ఓటీటీ ఎంట్రీ ఇవ్వాలి. కానీ ఇంటింటి రామాయణం సినిమా మాత్రం థియేటర్స్ లో విడుదలై 15 రోజులు కాకముందే ఓటిటిలోకి ఎంట్రీ ఇస్తుండడం గమనార్హంగా మారింది. నిజానికి ఆహా ఓటిటి సంస్థ వాళ్లే ఈ సినిమాని రూపొందించారు కనుకే ఇంత తొందరగా ఓటీటీ స్ట్రీమింగ్ అందుబాటులోకి రాబోతుంది కాబోలు.

ఇక సినిమా కథ విషయానికొస్తే.. తెలంగాణలోని జమ్మికుంట అనే గ్రామంలో జరిగిన కథగా ఈ మూవీ ఉంటుంది. ఇంట్లో జరిగిన ఓ బంగారం చోరీ ఆ ఇంట్లో వాళ్ళ మధ్య ఎలా చిచ్చు పెట్టిందో ఈ సినిమాలో సరదాగా చూపించే ప్రయత్నం చేశారు. అలా అని కేవలం కామెడీ కే ఇంపార్టెన్స్ ఇవ్వకుండా సందర్భం వచ్చినప్పుడల్లా ఎమోషన్స్ తో ఆకట్టుకున్నారు. అప్పటివరకు ఎంతో అన్యోన్యంగా ఆప్యాయంగా కలిసి ఉన్న ఆ కుటుంబం వారి బంధువులు, స్నేహితులు ఈ చోరీ తర్వాత ఎలాంటి పరిస్థితులను ఎదుర్కొన్నారు? అనేది ఈ ఇంటింటి రామాయణం కథ. ఒక్క ముక్కులో చెప్పాలంటే  గ్రామాల్లో ప్రతి ఇంట్లో జరిగే కథే ఈ సినిమా.  సినిమా అంతా తెలంగాణ గ్రామీణ నేపథ్యంలోనే ఉంటుంది. అందుకే తెలంగాణ యాస, సంస్కృతిని ఈ సినిమాలో చూపించే ప్రయత్నం చేశారు. ఈ మధ్య కాలంలో తెలంగాణ బ్యాక్ డ్రాప్ తో వచ్చిన సినిమాలన్నీ కూడా మంచి విజయాలను అందుకుంటున్నాయి. ఆ కోవలోనే 'ఇంటింటి రామాయణం' కూడా ప్రేక్షకుల మెప్పు పొందింది. ఇక థియేటర్స్ లో ఆడియన్స్ ని ఆకట్టుకున్న ఈ సినిమా ఓటీటీ లో ఎలాంటి రెస్పాన్స్ ని అందుకుంటుందో చూడాలి.

ఇంటి దొంగను ఈశ్వరుడు అయిన పట్టలేడు... #IntintiRamayanamOnAHA మీరు చూడకుండా ఉండలేరు 😉
Premieres June 23 ✌🏻@SitharaEnts @DirectorMaruthi @vamsi84 @IVYProductions9 @ItsActorNaresh @eyrahul @Sureshflms @Venkatupputuri @innamuri8888 #NavyaSwamy @GangavvaMilkuri #AnjiMama… pic.twitter.com/6SOA6LUi3j

— ahavideoin (@ahavideoIN) June 15, 2023