Vijay Deverakonda: 'ది' ట్యాగ్... ట్రోలింగ్స్... విమర్శలు - విజయ్ దేవరకొండ రియాక్షన్ ఏంటంటే?

Vijay Deverakonda Tag: 'ది' ట్యాగ్‌పై యంగ్ హీరో విజయ్ దేవరకొండ స్పందించారు. ఈ ట్యాగ్ వల్ల తాను ఎన్నో విమర్శలు ఎదుర్కొన్నానని... అందుకే దాన్ని తొలగించాలని చెప్పినట్లు తెలిపారు.

'ది' ట్యాగ్‌పై విజయ్ దేవరకొండ రియాక్షన్

Source : https://www.instagram.com/

Vijay Deverakonda Reaction On The Tag: యంగ్ హీరో విజయ్ దేవరకొండ 'కింగ్ డమ్' మూవీతో త్వరలో ప్రేక్షకుల ముందుకు రానున్నారు. తాజాగా ఓ ఇంటర్వ్యూలో తన ట్యాగ్‌పై ఆయన స్పందించారు. ఇండస్ట్రీలో ఏ ట్యాగ్ లేకుండా ఉన్న హీరో తానొక్కిడినేమోనని అన్నారు.

'ది' ట్యాగ్ తొలగించాలని చెప్పా

గతంలో విజయ్ పేరుకు ముందు 'ది' ట్యాగ్ జోడించడం వల్ల వివాదాస్పదమైన సంగతి తెలిసిందే.  దీంతో దాన్ని తొలగించాలంటూ ఫ్యాన్స్‌కు ఆయన సూచించారు. ఆ ట్యాగ్ ఇతర హీరోలతో పాటు వారి అభిమానులకు ఎవరికీ ఇబ్బంది కలిగించకూడదనే ఈ నిర్ణయం తీసుకున్నట్లు తెలిపారు. 

'నా పేరుకు ముందు 'ది' ట్యాగ్ పెట్టడం వల్ల విపరీతమైన ట్రోలింగ్ నడిచింది. ఇతర హీరోలు ఎవరూ ఎదుర్కోనన్ని ఎదురుదెబ్బలు నాకు తగిలాయి. నా కంటే ఇండస్ట్రీకి ముందు వచ్చిన వారికి కూడా ట్యాగ్ లైన్స్ ఉన్నాయి. యూనివర్సల్ స్టార్ నుంచి పీపుల్ స్టార్ వరకూ ఎన్నో ట్యాగ్స్ ఉన్నాయి. నా కంటే చిన్న వారితో పాటు పెద్ద వారు వీటిని ఉపయోగించుకుంటున్నారు. బహుశా ఏ ట్యాగ్ లేని హీరో నేనొక్కడినే. ట్యాగ్ లైన్‌తో కాదు. ఆడియన్స్ నా నటనతో నన్ను గుర్తుంచుకోవాలి.

అంతకు ముందు రౌడీ బాయ్, రౌడీ స్టార్ అనే పేర్లతో నన్ను పిలిచేవారు. వాటిని యాక్సెప్ట్ చేయకపోవడంతో 'లైగర్' మూవీ ప్రచారంలో టీం 'ది' అనే పదాన్ని జోడించింది. అప్పటివరకూ ఎవరికీ ఈ ట్యాగ్ లేకపోవడంతో అంగీకరించా. కానీ దీని వల్ల ఎన్నో విమర్శలు ఎదుర్కోవాల్సి వచ్చింది. ఆ ట్యాగ్ వల్ల ఎవరికీ తగలనన్ని ఎదురుదెబ్బలు నాకు తగిలాయి. దీంతో దాన్ని తీసేయాలని నా టీంకు చెప్పాను. నన్ను విజయ్ దేవరకొండ అని మాత్రమే పిలవాలి.' అని స్పష్టం చేశారు.

రూమర్స్‌పై ఏమన్నారంటే?

తన పర్సనల్ లైఫ్‌పై వచ్చే రూమర్స్‌పై విజయ్ స్పందించారు. లైఫ్‌లో ప్రతిదీ అవసరమేనని... ఎన్నో ఒడుదొడుకులను కూడా తాను సవాల్‌గా తీసుకుని వాటిని అధిగమిస్తానన్నారు. చిన్నప్పటి నుంచి ఎన్నో క్లిష్ట పరిస్థితులను దాటుకొని ఈ రోజు ఈ స్థాయిలో గుర్తింపు సాధించినట్లు తెలిపారు.

కింగ్‌డమ్ కొత్త రిలీజ్ డేట్

విజయ్ దేవరకొండ లేటెస్ట్ స్పై యాక్షన్ థ్రిల్లర్ 'కింగ్‌డమ్' మూవీ కొత్త రిలీజ్ డేట్‌ను మేకర్స్ సోమవారం అనౌన్స్ చేశారు. ఇప్పటికే పలుమార్లు వాయిదా పడుతూ వచ్చిన ఈ మూవీ ఈ నెల 31న ప్రేక్షకుల ముందుకు రానుంది. ఇప్పటికే రిలీజ్ అయిన టీజర్, సాంగ్, లుక్స్ గూస్ బంప్స్ తెప్పిస్తున్నాయి. సినిమాలో విజయ్ స్పై ఏజెంట్‌గా కనిపించనున్నారు. ఆయన మాస్ లుక్, యాక్షన్ సీన్స్ భారీ హైప్ క్రియేట్ చేస్తున్నాయి.

ఈ మూవీని సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య నిర్మించారు. గౌతమ్ తిన్ననూరి దర్శకత్వం వహిస్తుండగా... విజయ్ సరసన భాగ్యశ్రీ బోర్సే హీరోయిన్‌గా నటిస్తున్నారు. అనిరుధ్ రవిచందర్ మ్యూజిక్ అందిస్తున్నారు.

మరిన్ని చదవండి

కీరవాణి ఇంట తీవ్ర విషాదం - ఆయన తండ్రి కన్నుమూత