Gagana Margan First Look: ‘గగన మార్గన్’గా విజయ్ ఆంటోనీ... ఫస్ట్ లుక్‌తోనే అంచనాలు పెంచేశాడుగా

విజయ్ ఆంటోనీ ప్రధాన పాత్రలో తెరకెక్కుతున్న తాజా చిత్రం ‘గగన మార్గన్’. లియో జాన్ దర్శకత్వం వహిస్తున్న ఈ సినిమాకు సంబంధించిన ఫస్ట్ లుక్ ను తాజాగా విడుదల చేశారు.

‘గగన మార్గన్’ ఫస్ట్ లుక్

Source : Vijay Antony/X

Gagana Margan First Look Out: సౌత్ హీరో విజయ్ ఆంటోనీ, జాన్ పాల్ కాంబోలో తెరకెక్కుతున్న తాజా చిత్రం ‘గగన మార్గన్’. మర్డర్‌ మిస్టరీ క్రైమ్‌ థ్రిల్లర్‌ గా తెరకెక్కుతున్న ఈ సినిమాకు సంబంధించి రీసెంట్ గా టైటిల్ రివీల్ చేశారు. తాజాగా పోస్టర్ ను విడుదల చేశారు. ఫస్ట్ లుక్ పోస్టర్ విజయ్ ఆంటోనీ రెండు రకాలుగా కనిపిస్తున్నారు.  ఓవైపు గాయపడి ఆవేదనతో కూడిని లుక్ లో కనిపించగా, మరోవైపు బాధలో తల పైకెత్తి గట్టిగా అరుస్తున్న వ్యక్తిగా కనిపించాడు. ఈ పోస్టర్ ప్రేక్షకులలో క్యూరియాసిటీ పెంచుతోంది.      

దర్శకుడిగా పరిచయం అవుతున్న లియో జాన్ పాల్

‘అట్టకత్తి’, ‘బీడ’, ‘సూదు కవ్వుం’, ‘ఇంద్రు నేత్ర నాళై’, ‘తేకడి’, ‘ముండాసుపట్టి’, ‘కదలుం కాదందు పోగుం’, ‘ఏ1’, ‘మాయవన్’ లాంటి సినిమాలకు ఎడిటర్‌గా వ్యవహరించిన లియో జాన్ పాల్... ‘గగన మార్గన్’తో దర్శకుడిగా పరిచయం కాబోతున్నారు. లియో జాన్ పాల్ 2013లో ‘ఇదర్‌ కుతానే ఆసైపట్టై బాలకుమార’ సినిమాకు బెస్ట్ ఎడిటర్ గా తమిళనాడు ప్రభుత్వం నుంచి రాష్ట్ర చలన చిత్ర అవార్డును అందుకున్నారు.  

స్పెషల్ అట్రాక్షన్ గా అండర్ వాటర్ సన్నివేశాలు

‘గగన మార్గన్’ సినిమాలో సముద్రఖని, మహానది శంకర్, ప్రితిక, బ్రిగిడా, వినోద్ సాగర్, అజయ్ ధీషన్, దీప్శిఖ, కలక్క పోవదు యారు అర్చన, కనిమొళి, అంతగారం నటరాజన్ కీలక పాత్రలు పోషిస్తున్నారు.  యువ ఎస్ సినిమాటోగ్రాఫర్‌గా, రాజా ఆర్ట్ డైరెక్టర్‌గా, విజయ్ ఆంటోని మ్యూజిక్ కంపోజర్‌గా పని చేస్తున్నారు. ఈ చిత్రానికి సంబంధించి ముంబైలో కీలక సన్నివేశాలను షూట్ చేశారు. నీటి అడుగు భాగంలో తెరకెక్కించిన సన్నివేశాలు, విజువల్ ఎఫెక్ట్స్ సినిమాకు స్పెషల్ అట్రాక్షన్ గా నిలువనున్నట్లు తెలుస్తోంది. ‘గగన మార్గన్’ అన్ని వర్గాల వారిని ఆకట్టుకునేలా ఉంటుందని చిత్రబృందం తెలిపింది. ఈ చిత్రాన్ని త్వరలో థియేటర్లలో విడుదల చేస్తామని వెల్లడించింది. 

ఆల్ రౌండర్ గా సత్తా చాటుతున్న విజయ్ ఆంటోనీ

విజయ్ ఆంటోనీ సినీ పరిశ్రమలో తనకంటూ ఓ ప్రత్యేక గుర్తింపు తెచ్చుకున్నారు. అన్ని క్రాఫ్ట్ లలో అనుభవాన్ని సంపాదించారు. నటుడిగా, దర్శకుడిగా, లిరిసిస్ట్‌ గా, సంగీత దర్శకుడిగా తన సత్తాను చాటుతున్నారు. మల్టీ టాలెంటెడ్ అయిన విజయ్ ఆంటోనీ డిటెక్టివ్ ఫిక్షన్ ప్రపంచంలోకి అందరినీ తీసుకెళ్లేందుకు గ్రిప్పింగ్ మర్డర్ మిస్టరీ-క్రైమ్ థ్రిల్లర్‌తో రాబోతున్నారు. ‘గగన మార్గన్’ సినిమాను విజయ్ ఆంటోని ఫిలింస్ కార్పొరేషన్ బ్యానర్‌పై మీరా విజయ్ ఆంటోని నిర్మిస్తున్నారు. ‘బిచ్చగాడు‘ సినిమాతో తెలుగు ప్రేక్షకులకు పరిచయం అయిన విజయ్ ఆంటోనీ, తొలి సినిమాతోనే మంచి ప్రేకాదరణ పొందారు. రియల్ స్టోరీ ఆధారంగా తెరకెక్కిన ఈ సినిమా తెలుగులో మంచి వసూళ్లు సాధించింది. ఆ తర్వాత ఆయన నటించిన పలు సినిమాలు తెలుగులో విడుదల అయ్యాయి. గత ఏడాది ‘బిచ్చగాడు 2‘తో ప్రేక్షకుల ముందుకు వచ్చారు. అయితే, ఈ సినిమా ‘బిచ్చగాడు‘ లాంటి సక్సెస్ ను అందుకోలేకపోయింది. ప్రస్తుతం విజయ్ వరుస సినిమాలతో బిజీగా ఉన్నారు.