Venu Swamy: చైతూ, శోభితాపై కామెంట్స్ - వేణు స్వామికి మంచు విష్ణు వార్నింగ్? పోలీసు కేసు నమోదు

Venu Swamy: చాలామంది సెలబ్రిటీల జాతకాలు చెప్పి సెన్సేషనల్ జ్యోతిష్యుడిగా మారారు వేణు స్వామి. తాజాగా నాగచైతన్య, శోభిత ధూళిపాళ ఎంగేజ్‌మెంట్‌పై కూడా కామెంట్స్ చేయడంతో చిక్కుల్లో ఇరుక్కున్నారు.

ఎంగేజ్‌మెంట్ తర్వాత శోభిత, నాగచైతన్య జాతకం చెప్పిన వేణు స్వామి (Images Credit: Instagram)

Source : https://www.instagram.com/parankushamvenu/reel/C-kAeOFSMLH/?utm_source=ig_web_copy_link&igsh=MzRlODBiNWFlZA==

Venu Swamy: ఒకప్పుడు నాగచైతన్య, సమంత ప్రేమించి పెళ్లి చేసుకున్నప్పుడు వారిద్దరూ ఎక్కువకాలం కలిసి ఉండరని జాతకం చెప్పి సెన్సేషన్ క్రియేట్ చేసిన జ్యోతిష్యుడు వేణు స్వామి. ఆ తర్వాత పలువురు సినీ సెలబ్రిటీలు, రాజకీయ నాయకుల జాతకాలు చెప్పి సోషల్ మీడియాలో తెగ వైరల్ అయ్యారు. కొన్నాళ్ల క్రితం రాజకీయ పరంగా ఆయన చెప్పిన జాతకం నిజం కాకపోవడంతో ఇకపై సెలబ్రిటీల జోలికి వెళ్లనని మాటిచ్చారు వేణు స్వామి. అయినా కూడా నాగచైతన్య, శోభితా ధూళిపాళ నిశ్చితార్థం తర్వాత వారి జాతకాన్ని చెప్పారు. దీంతో ఆయనకు చిక్కులు మొదలయ్యాయి. అసలు వారి జాతకాన్ని ఆయన ఎందుకు చెప్పారో వివరించారు.

అదే మాటపై ఉంటాను..

‘‘మూడురోజుల క్రితం నాగచైతన్య, శోభిత ధూళిపాళ జాతకాన్ని నేను విశ్లేషించాను. దానిపై తీవ్రమైన చర్చలు సాగుతున్నాయి. నేను ఇంతకు ముందు సమంత, నాగచైతన్య జాతకాన్ని చెప్పున్నాను కాబట్టి దానికి కొనసాగింపుగా ఈ జాతకాన్ని చెప్పడం జరిగింది తప్పా ఇంకేం లేదు. నేను ఇకపై సెలబ్రిటీల జాతకాలు చెప్పనని, మానేశానని చెప్పాను. రెండు నెలల క్రితం నేను పెట్టిన వీడియోలో రాజకీయ విశ్లేషణలు కూడా చేయనని చెప్పాను. ఇప్పటికీ అదే మాట మీద ఉంటున్నాను. ఇకపై అది కొనసాగించను, వారి జాతకాలు చెప్పాల్సిన పరిస్థితి కూడా లేదు’’ అని గుర్తుచేశారు వేణు స్వామి.

మంచు విష్ణుతో మాట్లాడాను..

‘‘సమంత, నాగ చైతన్యది జరిగింది కాబట్టి దానికి కొనసాగింపుగా ఇప్పుడు చెప్పాను. ఇదే విషయంపై మా ప్రెసిడెంట్ మంచు విష్ణు నాకు ఫోన్ చేసి మాట్లాడారు. వారికి కూడా నేను వివరించాను. ఇకపై సెలబ్రిటీ జాతకాలు, రాజకీయ విశ్లేషణ లాంటివి చేసే అవకాశం లేదు. ఇదే విషయాన్ని మంచు విష్ణుతో కూడా చెప్పాను. ఆయన కూడా మంచి నిర్ణయం తీసుకున్నానని అన్నారు, వచ్చిన తర్వాత కలుద్దామని చెప్పారు. సోషల్ మీడియాలో కూడా వేరేవారి జాతకాలను విశ్లేషించే ఉద్ధేశ్యం నాకు లేదు. ఈ నిర్ణయం ఫైనల్. ఇకపై నా నుంచి సెలబ్రిటీలకు సంబంధించిన జాతకాలు నా నుంచి ఆశించొద్దు. నేను చెప్పను’’ అని వివరించారు వేణు స్వామి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Venu Swamy Parankusham (@parankushamvenu)

ఫిర్యాదు తప్పదు..

నాగచైతన్య, శోభిత ధూళిపాళ జాతకం చెప్పడానికి కారణమేంటో వేణు స్వామి వివరించేలోపే ఆయనపై చర్యలు మొదలయ్యాయి. తెలుగు ఫిల్మ్ జరలిస్టుల అసోసియేషన్, తెలుగు ఫిల్మ్ డిజిటల్ మీడియా అసోసియేషన్ కలిసి వేణు స్వామిపై పోలీసులకు ఫిర్యాదు చేయాలని నిర్ణయించుకున్నాయి. డీజీపీతో పాటు మహిళా కమిషన్‌లో కూడా వేణు స్వామిపై ఫిర్యాదు చేయాలని వారు నిర్ణయించుకున్నట్టుగా ప్రకటించారు. వేణు స్వామి మాత్రమే కాకుండా నాగచైతన్య, శోభితపై నెగిటివ్ కామెంట్స్ చేస్తున్న అందరిపై ఫిర్యాదు చేయనున్నట్టు తెలుస్తోంది.