Varun Tej Lavanya Tripathi Marriage : విదేశాలు వెళ్ళిన వరుణ్ తేజ్ & లావణ్య - పెళ్ళికి నాలుగు రోజుల ముందు!

Varun Lavanya marriage : వరుణ్ తేజ్, లావణ్య త్రిపాఠి పెళ్లి సందడి మొదలైంది. గురువారం రాత్రి కాబోయే దంపతులు ఇటలీ ప్రయాణమయ్యారు.

వరుణ్ తేజ్, లావణ్య త్రిపాఠి (Image Courtesy : @ArtistryBuzz / twitter.com)

Varun Tej and Lavanya Tripathi marriage pics : కొణిదెల వారి కుటుంబంలో పెళ్లి  సందడి మొదలైంది. త్వరలో పెళ్లి భాజాలు మోగనున్నాయి. మెగాస్టార్ చిరంజీవి సోదరుడు, నటుడు నాగబాబు కుమారుడు వరుణ్ తేజ్, 'అందాల రాక్షసి' చిత్రంతో తెలుగు చిత్ర పరిశ్రమకు కథానాయికగా పరిచయమైన లావణ్యా త్రిపాఠి చేతిలో చెయ్యి వేసి ఏడు అడుగులు వేసే సమయం దగ్గరకు వచ్చింది. నవంబర్ 1న ఈ హీరో హీరోయిన్లు ఇద్దరూ పెళ్లి చేసుకొనున్నారు. అందుకోసం విదేశాలకు వెళ్లారు. 

ఇటలీ వెళ్ళిన వరుణ్ & లావణ్య
Varun Tej Lavanya Tripathi Wedding Date : ఇటలీలో నవంబర్ 1న వరుణ్ తేజ్, లావణ్య త్రిపాఠి వివాహానికి ఏర్పాట్లు జరిగాయి. గురువారం రాత్రి హైదరాబాద్ నుంచి ఇటలీకి వాళ్లిద్దరూ ప్రయాణం అయ్యారు. వారితో పాటు వరుణ్ చెల్లెలు నిహారికా కొణిదెల, కుటుంబ సభ్యులు కొందరు ఉన్నారు. 

Finally 😍 Megacouple #Varunlav heading to Italy for their dream wedding off from Hyderabad papped together at airport @IAmVarunTej@Itslavanya#Varuntej #lavanyatripathi #bigfatwedding #megacelebration#southpaparazzi #tollywoodcelebs pic.twitter.com/OexWdOjFVC

— ARTISTRYBUZZ (@ArtistryBuzz) October 26, 2023

మెగా ప్రిన్స్ & సొట్ట బుగ్గల సుందరి వివాహానికి ఇరువురి కుటుంబ సభ్యులతో పాటు అతి కొద్ది మంది సన్నిహితులను మాత్రమే ఆహ్వానించారు. కొణిదెల, త్రిపాఠి, అల్లు ఫ్యామిలీ మెంబర్స్ ఇటలీ వెళతారు. వరుణ్ తేజ్ సన్నిహితులలో ఒకరైన యువ హీరో నితిన్, నిహారిక & లావణ్య త్రిపాఠికి సన్నిహితురాలైన రీతూ వర్మ కూడా ఈ పెళ్లికి హాజరు కానున్నారని సమాచారం. 

నవంబర్ 5న భాగ్య నగరంలో రిసెప్షన్!
పెళ్ళైన నాలుగు రోజులకు కొత్త జంట హైదరాబాద్ వస్తారు. వివాహానికి కొద్ది మందిని మాత్రమే ఆహ్వానించడంతో సిటీలో భారీ రిసెప్షన్ ఏర్పాటు చేశారు. నవంబర్ 5న జరగబోయే ఆ వేడుకకు ఆల్రెడీ ఆహ్వానాలు కూడా పంపారు. కార్ పాస్ కూడా ఇవ్వడం విశేషం. 

#VarunLav @IAmVarunTej & @Itslavanya are tying the knot in a dreamy Italian ceremony on November 1st, surrounded by family.

The grand reception awaits in Hyderabad at N-Concetion, Madhapur, on November 5th, where industry celebrities will join in the festivities!💍 pic.twitter.com/b3z1FV9umF

— Team VarunTej (@TeamVarunTej) October 26, 2023

జూన్ 9న వరుణ్ తేజ్, లావణ్య త్రిపాఠి నిశ్చితార్థం జరిగింది. 'మిస్టర్'లో తొలిసారి వాళ్ళిద్దరూ జంటగా నటించారు. ఆ తర్వాత 'అంతరిక్షం' చేశారు. లావణ్యకు ముందు తానే ప్రపోజ్ చేసినట్లు వరుణ్ తేజ్ ఓసారి చెప్పారు. జీవితంలో సరైన సమయంలో తాను సరైన వ్యక్తిని కలిసినట్టు ఆయన పేర్కొన్నారు.

వరుణ్ తేజ్ ప్రస్తుతం చేస్తున్న సినిమాలకు వస్తే... 'ఆపరేషన్ వేలంటైన్' షూటింగ్ పూర్తి అయ్యింది. ఆ సినిమా డిసెంబర్ 8న ప్రేక్షకుల ముందుకు రానుంది. రూ 50 కోట్లకు నాన్ థియేట్రికల్ రైట్స్ అమ్ముడు కావడం గమనార్హం. 'పలాస' ఫేమ్ కరుణ కుమార్ దర్శకత్వంలో చేయనున్న సినిమా 'మట్కా' చిత్రీకరణ ఇంకా ప్రారంభం కాలేదు.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial