Varun Tej: ‘గేమ్ ఛేంజర్’పై వరుణ్ తేజ్ ఆసక్తికర అప్డేట్ - చెర్రీ ఫ్యాన్స్ సంబరాలు

Game Changer Movie Update: రామ్ చరణ్, శంకర్ కాంబినేషన్‌లో తెరకెక్కుతున్న ‘గేమ్ ఛేంజర్’ మూవీపై తాజాగా వరుణ్ తేజ్ ఆసక్తికర అప్డేట్ ఇచ్చాడు. దీంతో చరణ్ ఫ్యాన్స్ అంతా ఖుషీ అయ్యారు.

Image Credit: Varun Tej/Instagram

Varun Tej about Game Changer: దేశవ్యాప్తంగా మాత్రమే కాదు.. ప్రపంచవ్యాప్తంగా సెన్సేషన్ క్రియేట్ చేసిన తెలుగు సినిమా ‘ఆర్ఆర్ఆర్’. ఈ సినిమాలో హీరోలుగా నటించినందుకు ఎన్‌టీఆర్, రామ్ చరణ్ గ్లోబల్ స్టార్స్‌గా మారిపోయారు. కానీ ఈ చిత్రం విడుదలయ్యి దాదాపు రెండేళ్లు అవుతున్నా.. ఈ ఇద్దరు హీరోల నుండి ఇంకా ఒక్క సినిమా కూడా విడుదల కాకపోవడంతో ఫ్యాన్స్‌ను నిరాశకు గురిచేస్తోంది. ముఖ్యంగా రామ్ చరణ్ హీరోగా నటిస్తున్న ‘గేమ్ ఛేంజర్’ సినిమా ఉందా? ఆగిపోయిందా? అని అభిమానుల్లో కలవరం మొదలయ్యింది. తాజాగా ‘గేమ్ ఛేంజర్’పై వరుణ్ తేజ్ ఆసక్తికర అప్డేట్ ఇచ్చాడు.

రోజూ అదే అడుగుతున్నాను..

వరుణ్ తేజ్ అప్‌కమింగ్ మూవీ ‘ఆపరేషన్ వాలెంటైన్’ ట్రైలర్ రామ్ చరణ్ చేతుల మీదుగా విడుదలయ్యింది. ట్రైలర్ విడుదలయ్యి ప్రేక్షకుల ముందుకు వచ్చిన తర్వాత మూవీ టీమ్ అంతా ఫ్యాన్స్‌తో ముచ్చటించడానికి ముందుకొచ్చింది. అదే క్రమంలో రామ్ చరణ్ ఫ్యాన్స్ తరపున స్పెషల్ రిక్వెస్ట్ అంటూ ‘గేమ్ ఛేంజర్’ అప్డేట్ గురించి అడిగాడు ఒక అభిమాని. ‘‘నిజం చెప్పాలంటే నేను కూడా రోజూ అదే అడుగుతున్నాను. ఈరోజు షూటింగ్ స్టార్ట్ అయ్యిందనుకుంటా. అక్కడ నుండే పొద్దున ఫోన్ చేసి మాట్లాడా. త్వరలోనే మీకు అన్ని అప్డేట్స్ చాలా స్ట్రాంగ్‌గా వస్తాయి’’ అని సమాధానమిచ్చి రామ్ చరణ్ ఫ్యాన్స్‌ను ఖుషీ చేశాడు వరుణ్ తేజ్.

నా ఫేవరెట్ కో స్టార్..

ఈ ఫ్యాన్ మీట్‌లో హీరోయిన్ మానుషీ చిల్లర్‌తో కూడా ఇంటరాక్ట్ అయ్యే ప్రయత్నం చేశారు అభిమానులు. వరుణ్ తేజ్‌తో కలిసి నటించడం ఎలా అనిపించింది అని అడగగా.. ‘‘నాకు చాలా మంచిగా అనిపించింది. నేను చెప్పినట్టుగానే తను నా ఫేవరెట్ కో స్టార్. తను సెట్‌లో నేను చాలా సౌకర్యంగా ఫీల్ అయ్యేలా చేశాడు. నేను మొదటిసారి తెలుగు మాట్లాడుతున్నాను. ఆ విషయంలో తను నాకు చాలా సాయం చేశాడు. తనతో కలిసి నటించడం చాలా ఫన్‌గా అనిపించింది. తను పనిని చాలా సులువు కూడా చేసేస్తాడు’’ అని చెప్పుకొచ్చింది మానుషి. మిస్ వరల్డ్‌గా కిరీటం దక్కించుకున్న తర్వాత హీరోయిన్‌గా హిందీలో రెండు చిత్రాల్లో నటించింది మానుషీ. ఇక ‘ఆపరేషన్ వాలెంటైన్’తో తెలుగు కూడా డెబ్యూకు సిద్ధమయ్యింది.

ఇవే తగ్గించుకుంటే మంచిది..

ఫ్యాన్ మీట్‌లో మానుషీని సింగిలా అని అడిగినందుకు వరుణ్ తేజ్ ఒక అభిమానికి వార్నింగ్ కూడా ఇచ్చాడు. ‘‘ఇవే తగ్గించుకుంటే మంచిది’’ అని ముక్కుసూటిగా చెప్పేశాడు. ఇక ‘ఆపరేషన్ వాలెంటైన్’ చిత్రం పలుమార్లు పోస్ట్‌పోన్ అయిన తర్వాత ఫైనల్‌గా మార్చి 1న ప్రేక్షకుల ముందుకు రానుంది. ఇప్పటికే విడుదలయిన టీజర్, ట్రైలర్ ప్రేక్షకులను విపరీతంగా ఆకట్టుకున్నాయి. ఇందులో ఎయిర్ ఫోర్స్ ఆఫీసర్ రుద్ర పాత్రలో వరుణ్ తేజ్ కనిపించనున్నాడు. బాలీవుడ్ దర్శకుడు శక్తి ప్రతాప్ సింగ్.. ఈ మూవీని డైరెక్ట్ చేశారు. నవదీప్, రుహానీ శర్మ ఇందులో ఇతర కీలక పాత్రల్లో నటించారు. తాజాగా ‘ఆపరేషన్ వాలెంటైన్’ తెలుగు ట్రైలర్‌ను రామ్ చరణ్ విడుదల చేయగా.. హిందీ ట్రైలర్ సల్మాన్ ఖాన్ చేతుల మీదుగా విడుదలయ్యింది.