BhagavanthKesari: గ్రౌండ్ ఫ్లోర్ బలిసిందా బే - బాలయ్య ఊరమాస్ అవతార్, 'భగవంత్ కేసరి' సర్ప్రైజ్ అదిరింది
అనిల్ రావిపూడి దర్శకత్వంలో బాలయ్య నటిస్తున్న 'భగవంత్ కేసరి' సినిమా నుంచి మేకింగ్ వీడియో రిలీజ్ చేశారు. ప్రస్తుతం ఈ మేకింగ్ వీడియో నెట్టింట వైరల్ అవుతుంది.
నందమూరి బాలకృష్ణ నటిస్తున్న 'భగవంత్ కేసరి' మూవీ నుంచి ఓ సర్ప్రైజింగ్ వీడియోని రిలీజ్ చేశారు మేకర్స్. దసరా కానుకగా విడుదల కాబోతున్న ఈ సినిమాకు సంబంధించి బ్యాక్ టు బ్యాక్ అప్డేట్స్ తో సినిమాపై మంచి హైప్ క్రియేట్ చేస్తున్నారు. ఇప్పటికే టీజర్ తో పాటు ఓ సాంగ్ ని విడుదల చేయగా, తాజాగా మేకింగ్ వీడియోని రిలీజ్ చేశారు. అనిల్ రావిపూడి దర్శకత్వంలో యాక్షన్ అండ్ ఫ్యామిలీ ఎంటర్టైనర్ గా తెరకెక్కుతున్న ఈ చిత్రంలో బాలయ్యకు జోడిగా కాజల్ అగర్వాల్ హీరోయిన్ గా నటిస్తుండగా, యంగ్ బ్యూటీ శ్రీలీల కీలక పాత్ర పోషిస్తుంది. ఇప్పటికే సినిమాపై ఓ రేంజ్ లో అంచనాలు ఉన్నాయి.
అక్టోబర్ 19న దసరా కానుకగా ఈ చిత్రాన్ని విడుదల చేస్తున్నారు. రిలీజ్ డేట్ దగ్గర పడటంతో ఇప్పటికే ప్రమోషన్స్ లో జోరు పెంచిన మూవీ యూనిట్ తాజాగా అదిరిపోయే సర్ప్రైజ్ వీడియోతో ప్రేక్షకులు ముందుకు వచ్చింది. ఈ సినిమా షూటింగ్ పూర్తయినట్లు తెలియజేస్తూ ఓ ప్రత్యేక వీడియోను షేర్ చేసింది. 'ది జర్నీ ఆఫ్ భగవంత్ కేసరి' పేరుతో షూటింగ్ సెట్ లోని మేకింగ్ వీడియోను మేకర్స్ అభిమానులతో పంచుకున్నారు. 8 నెలలు.. 24 అద్భుత లొకేషన్స్.. 12 భారీ సెట్స్ లో ఈ చిత్రాన్ని చిత్రీకరించినట్లు పేర్కొన్నారు. ఇక వీడియోలో క్లాప్ కొట్టి షూటింగ్ స్టార్ట్ అయిన దగ్గర నుంచి ముగిసే వరకు సెట్ లో జరిగిన పలు విషయాలను చూపించారు.
Started the memorable shoot journey of #BhagavanthKesari on December 8th,2022 and wrapped it after an intense & joyful 8 Months of shoot 🤗
— Anil Ravipudi (@AnilRavipudi) September 28, 2023
Grateful to the legend himself #NandamuriBalakrishna garu and my entire team for the humongous support on the sets always 🙏🏻
I’m sure this… pic.twitter.com/wGF6iKPRWc
కాజల్, శ్రీ లీల, అర్జున్ రాంపాల్, బాలయ్య పై చిత్రీకరించిన సీన్స్ ని ఈ వీడియోలో చూపించారు. సినిమాలో యాక్షన్ సన్నివేశాలు భారీగా ఉన్నట్లు వీడియో చూస్తే అర్థమవుతుంది. ఇక ఈ మేకింగ్ వీడియో చివర్లో.." కలిసి మాట్లాడతా అన్నా కదా. అంతలోనే మందిని పంపాలా. ‘‘గ్రౌండ్ ఫ్లోర్ బలిసిందా బే" అంటూ బాలయ్య తెలంగాణ యాసలో చెప్పే డైలాగ్ నెక్స్ట్ లెవెల్ లో ఉంది. ప్రస్తుతం సోషల్ మీడియాలో వైరల్ అవుతున్న ఈ మేకింగ్ వీడియోతో బాలయ్య ఫ్యాన్స్ పండగ చేసుకుంటున్నారు. 'అఖండ', 'వీర సింహారెడ్డి' వంటి బ్యాక్ టు బ్యాక్ హిట్స్ తర్వాత బాలయ్య నటిస్తున్న చిత్రం కావడంతో 'భగవంత్ కేసరి' కోసం ఫ్యాన్స్ తో పాటు సినీ లవర్స్ ఎంతో ఆసక్తిగా ఎదురు చూస్తున్నారు.
ఈ సినిమాతో బాలయ్య హ్యాట్రిక్ హిట్ కొట్టడం పక్కా అని ఫాన్స్ గట్టిగా నమ్ముతున్నారు. ఇప్పటికే విడుదలైన టీజర్ లో బాలయ్య మొదటిసారి తెలంగాణ యాసలో డైలాగ్స్ చెబుతూ తన మేకోవర్, యాక్షన్ తో అదరగొట్టేశారు. ఇక సినిమాలో తమిళ సీనియర్ నటుడు శరత్ కుమార్ కీలక పాత్ర పోషిస్తుండగా, బాలీవుడ్ యాక్టర్ అర్జున్ రాంపాల్ మెయిన్ విలన్ గా కనిపించనున్నారు. షైన్ స్క్రీన్స్ బ్యానర్ పై సాహు గారపాటి, హరీష్ పెద్ది సంయుక్తంగా నిర్మిస్తున్న ఈ చిత్రానికి తమన్ సంగీతమందిస్తుండగా.. శ్రీ రాంప్రసాద్ సినిమాటోగ్రాఫర్ గా వ్యవహరిస్తున్నారు. త్వరలోనే చిత్ర ట్రైలర్ను విడుదల చేసేందుకు మేకర్స్ ప్లాన్ చేస్తున్నారు.
Also Read : సొంతింటి కలను నెరవేర్చుకున్న కిరణ్ అబ్బవరం - కొత్త ఇంట్లో సందడి చూశారా?
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
