Harikatha Sambhavami Yuge Yuge : మిస్టరీ థ్రిల్లర్ వెబ్ సిరీస్ 'హరికథ' రిలీజ్ అప్డేట్... కొత్త పోస్టర్ రిలీజ్ చేసిన హాట్ స్టార్  

మిస్టరీ థ్రిల్లర్ వెబ్ సిరీస్ 'హరికథ' రిలీజ్ అప్డేట్ ను ఇస్తూ తాజాగా కొత్త పోస్టర్ ను రిలీజ్ చేసింది డిస్ని ప్లస్ హాట్ స్టార్. మరి ఈ సిరీస్ కొత్త అప్డేట్ ఏంటో చూసేద్దాం పదండి.  

Harikatha Sambhavami Yuge Yuge

Source : Instagram

డిస్నీ ప్లస్ హాట్ స్టార్ లో త్వరలో "హరికథ : సంభవామి యుగే యుగే" అనే వెబ్ సిరీస్ రాబోతోంది. తాజాగా ఈ సిరీస్ ఎప్పుడు రిలీజ్ కాబోతోంది అనే విషయంపై 'హాట్ స్టార్' సోషల్ మీడియా వేదికగా అప్డేట్ ఇచ్చింది. 

టాలీవుడ్ లో టాప్ ప్రొడక్షన్ హౌస్ గా కొనసాగుతున్న పీపుల్ మీడియా ఫ్యాక్టరీ ప్రస్తుతం వరుస సినిమాలను తెరకెక్కిస్తున్న విషయం తెలిసిందే. ఈ బ్యానర్ నుంచి ఇప్పటికే 20 కి పైగా సినిమాలు సెట్స్ పై ఉండగా, తాజాగా ఫస్ట్ టైం పీపుల్ మీడియా ఫ్యాక్టరీ "హరికథ సంభవామి యుగే యుగే" అనే వెబ్ సిరీస్ తో ఓటిటిలోకి ఎంట్రీ ఇవ్వబోతోంది. దసరా సందర్భంగా ఈ వెబ్ సిరీస్ కు సంబంధించిన టైటిల్ తో పాటు ఫస్ట్ లుక్ ను కూడా రివిల్ చేశారు మేకర్స్. అయితే పోస్టర్ తో పాటు "సంభవామి యుగేయుగే" అనే ఇంట్రెస్టింగ్ క్యాప్షన్ ఉన్న ఈ మిస్టరీ థ్రిల్లర్ వెబ్ సిరీస్ కు మైథలాజికల్ టచ్ ఉండబోతోందా అనే క్యూరియాసిటీ పెరిగింది. ఈ పీరియాడిక్ బ్యాక్ డ్రాప్ లో తెరకెక్కుతున్న వెబ్ సిరీస్ లో అర్జున్ అంబటి, సీనియర్ నటుడు శ్రీకాంత్, పూజిత పొన్నాడ, దివి, రాజేంద్రప్రసాద్ కీలకపాత్రలు పోషిస్తున్నారు. 

ఈ సిరీస్ ని తెలుగు తో పాటు తమిళ, మలయాళ, కన్నడ భాషల్లో కూడా స్ట్రీమింగ్ చేయబోతున్నట్టు తెలుస్తోంది. 8 ఎపిసోడ్స్ తో ఈ సిరీస్ స్ట్రీమింగ్ కాబోతుండగా, తాజాగా హాట్ స్టార్ లో "హరికథ సంభవామి యుగేయుగే" వెబ్ సిరీస్ రిలీజ్ డేట్ కు సంబంధించిన కొత్త పోస్టర్ ను రిలీజ్ చేశారు. అయితే అందులో రిలీజ్ డేట్ ని వెల్లడించకుండా కేవలం కమింగ్ సూన్ అంటూ ఊరించారు. 'మిథ్స్ టు మీట్ రియాల్టీ వెరీ సూన్' అంటూ శ్రీకాంత్ పోలీస్ ఆఫీసర్ గా గన్ పట్టుకొని అగ్రెసివ్ గా ఉన్న పోస్టర్ని రిలీజ్ చేశారు. అందులో వెనకాల దశావతారంలో ఉన్న శ్రీమహా విష్ణువు, రక్తం ఉండడం సిరీస్ పై మరింత ఆసక్తిని పెంచేసింది. మరి దీన్ని మేకర్స్ ప్రేక్షకుల ముందుకు ఎప్పుడు తీసుకొస్తారు అనేది చూడాలి. అయితే "హరికథ సంభవామి యుగేయుగే" నుంచి రిలీజ్ చేసిన ఆ పోస్టర్ మంచి బజ్ క్రియేట్ చేసింది. కానీ హాట్ స్టార్ ఇలా రిలీజ్ డేట్ ను చెప్పకుండా సస్పెన్స్ లో పెట్టడంతో ఉత్కంఠత పెరిగిపోయింది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Disney+ Hotstar Telugu (@disneyplushotstartelugu)

ఇదిలా ఉండగా అర్జున్ అంబటి, దివి ఇద్దరూ బిగ్ బాస్ షో తో తెలుగు ప్రేక్షకులకు చేరువైన సంగతి తెలిసిందే. అర్జున్ అంబటి బిగ్ బాస్ సీజన్ 7లో కంటెస్టెంట్ అయితే, దీవి బిగ్ బాస్ సీజన్ 4లో కనిపించింది. వీళ్ళిద్దరూ "హరికథ సంభవామి యుగే యుగే" వెబ్ సిరీస్లో కీలకపాత్రను పోషిస్తూ ఉండడం విశేషం. కాగా ప్రస్తుతం అర్జున్ అంబటి 'వెడ్డింగ్ డైరీస్' అనే ఒక రొమాంటిక్ కామెడీ మూవీ చేస్తున్నాడు. దివి చివరిసారిగా 'లంబసింగి' అనే సినిమాలో నటించింది.