Vijay Varma: తమన్నా మాజీ బాయ్‌ఫ్రెండ్‌కు లైంగిక వేధింపులు... కాస్టింగ్ కౌచ్ గురించి విజయ్ వర్మ ఏమన్నాడంటే?

Vijay Varma On Casting Couch: బాలీవుడ్ నటుడు విజయ్ వర్మకు కాస్టింగ్ కౌచ్ వేధింపులు ఎదురు అయ్యాయి. స్వయంగా ఆయన ఆ విషయాన్ని బయట పెట్టారు.

విజయ్ వర్మ కాస్టింగ్ కౌచ్ ఎక్స్‌పీరియన్స్

Source : https://www.instagram.com/itsvijayvarma/

Show Quick Read

Key points generated by AI, verified by newsroom

• నటుడు విజయ్ వర్మ కెరీర్ తొలినాళ్లలో లైంగిక వేధింపులు ఎదుర్కొన్నారు.
• హైదరాబాద్‌లో మోడలింగ్ సమయంలో ఓ కో-ఆర్డినేటర్ అసభ్యంగా ప్రవర్తించాడు.
• ఆ వేధింపులు ఎదురైనా, విజయ్ నటనను విడిచిపెట్టకుండా ముందుకెళ్లారు.
• FTIIలో శిక్షణ పొంది, ప్రస్తుతం పలు విజయవంతమైన చిత్రాలు చేస్తున్నారు.

నటుడు విజయ్ వర్మ (Vijay Varma) తెలుసుగా... నేచురల్ స్టార్ నాని 'మిడిల్ క్లాస్ అబ్బాయి - ఎంసీఏ'లో విలన్ రోల్ చేశారు. హిందీలో 'గల్లీ బాయ్స్', 'డార్లింగ్స్' వంటి హిట్స్ ఆయన ఖాతాలో ఉన్నాయి. ఆయన నటనకు అభిమానులు ఉన్నారు. హిట్ సినిమాలతో పాటు తమన్నా భాటియాతో కొన్నాళ్ళు రిలేషన్షిప్‌లో ఉండటం వల్ల హెడ్ లైన్స్‌లో నిలిచారు. ఇప్పుడు కాస్టింగ్ కౌచ్ మీద ఆయన చేసిన కామెంట్స్ వైరల్ అవుతున్నాయి. లైంగిక వేధింపుల బారిన పడిన నటీనటుల్లో తాను కూడా ఉన్న విషయాన్ని విజయ్ వర్మ బయట పెట్టారు.

మోడల్ కో ఆర్డినేటర్ ఏం చేశాడంటే?
నటుడిగా కెరీర్ స్టార్ట్ చేసిన తొలినాళ్లలో తాను ఎదుర్కొన్న చేదు అనుభవాలు, మరీ ముఖ్యంగా కాస్టింగ్ కౌచ్, లైంగిక వేధింపుల గురించి ఇటీవల ఇచ్చిన ఇంటర్వ్యూలో విజయ్ వర్మ సంచలన విషయాలను బయట పెట్టారు. తన ప్రయాణం ఏమీ అంత సులభంగా సాగలేదని, ఎన్నో అవమానాలు - తిరస్కరణలను ఎదుర్కొని ఇప్పుడు ఈ స్థాయికి చేరుకున్నానని ఆయన వివరించారు.

హైదరాబాద్‌లో మోడలింగ్ రంగంలో ప్రవేశించడానికి ప్రయత్నించిన సమయంలో ఓ మోడల్ కో ఆర్డినేటర్ తనతో వింతగా ప్రవర్తించాడని విజయ్ వర్మ పేర్కొన్నారు. ఆ వ్యక్తి తనను అసభ్యంగా తాకడానికి ప్రయత్నించడంతో పాటు అన్ కంఫర్టబుల్ అయ్యేలా చేశాడని ఆయన గుర్తు చేసుకున్నారు. ఆ మోడల్ కో ఆర్డినేటర్ ప్రవర్తన పట్ల విసుగు చెంది 'బ్రో... ఏంటిది? ఏం చేస్తున్నావు?' అని నిలదీసినట్లు చెప్పారు. అదీ సంగతి. 

కెరీర్ ప్రారంభంలో ఎదురైన కాస్టింగ్ కౌచ్ వేధింపులు నిరాశకు గురి చేశాయని, తాను నిరుత్సాహపడ్డానని విజయ్ వర్మ తెలిపారు. అటువంటి అడ్డంకులు కొన్ని ఎదురైనప్పటికీ... నటనపై ఇష్టాన్ని వదులుకోకుండా, సమస్యలను ధైర్యంగా ఎదుర్కొని ముందుకు సాగినట్టు పేర్కొన్నారు. తన దృష్టి అంతటినీ పూర్తిగా నటనపై మళ్ళించినట్టు చెప్పారు.

హైదరాబాద్‌లోని సూత్రధార్ స్కూల్ ఆఫ్ యాక్టింగ్ తనకు సీటు ఇవ్వలేదని విజయ్ వర్మ తెలిపారు. ఆ తర్వాత పుణేలోని 'ఫిల్మ్ అండ్ టెలివిజన్ ఇన్స్టిట్యూట్ ఆఫ్ ఇండియా'కు అప్లై చేశానని... అక్కడ మొదటి ప్రయత్నంలో సీటు రాలేదని, రెండో ప్రయత్నంలో అడ్మిషన్ వచ్చిందని వివరించారు. రాజ్‌ కుమార్ రావు, జైదీప్ అహ్లావత్ తదితరులతో కలిసి ఆయన నటనలో శిక్షణ పొందారు విజయ్. ఇటీవల నసీరుద్దీన్ షా, ఫాతిమా సనా షేక్‌తో కలిసి 'గుస్తాఖ్ ఇష్క్'లో నటించారు. అమెజాన్ ప్రైమ్ వీడియోలో విడుదలైన 'మట్కా కింగ్' సిరీస్‌లో గ్యాంబ్లింగ్ డాన్ పాత్రలో కనిపించారు.