Swayambhu Teaser: స్వయంభూ టీజర్ వచ్చేసిందోచ్... 'బాహుబలి' రేంజ్‌లో నిఖిల్ సినిమా - వీడియో చూశారా?

Swayambhu Teaser Review: నిఖిల్ సిద్ధార్థ హీరోగా నటిస్తున్న 'స్వయంభూ' టీజర్ విడుదలైంది. భారీ పాన్ ఇండియా స్థాయి సినిమాలకు ఏమాత్రం తీసిపోని రీతిలో 'బాహుబలి' తరహాలో ఉంది.

స్వయంభూ టీజర్: నిఖిల్ సిద్ధార్థ్ భారీ యాక్షన్ డ్రామా

Source : https://www.youtube.com/watch?v=1J1FAqavUwA

ప్రేక్షకులకు ఎప్పటికప్పుడు కొత్త తరహా కథలు అందించాలని తాపత్రయపడే కథానాయకులలో నిఖిల్ సిద్ధార్థ ఒకరు. ప్రతి సినిమాకు వ్యత్యాసం చూపించాలని, ఇప్పటి వరకు ప్రేక్షకులు తెరపై చూడని కొత్త కథ, సినిమా చూపించాలని ఆయన ప్రయత్నిస్తారు. 'కార్తికేయ 2'తో పాన్ ఇండియా విజయం అందుకున్న ఆయన... ఇప్పుడు మైథాలజీ టచ్ ఉన్న ఓ భారీ ద్వారా డ్రామా చేస్తున్నారు. ఆ చిత్రమే 'స్వయంభూ'. ఇన్నాళ్ళూ ఫస్ట్ లుక్స్ మాత్రమే విడుదల చేశారు. ఈ రోజు టీజర్ విడుదల చేశారు.

'బాహుబలి' స్థాయిలో 'స్వయంభూ'
నిఖిల్ సిద్ధార్థ కథానాయకుడిగా భరత్ కృష్ణాచారి దర్శకత్వం వహిస్తున్న సినిమా 'స్వయంభూ'. ఠాగూర్ మధు సమర్పణలో పిక్సెల్ స్టూడియోస్ పతాకం మీద భువన్, శ్రీకర్ నిర్మిస్తున్నారు. ఇవాళ విడుదలైన టీజర్ చూస్తే... 

'సాక్షాతూ ఆ సదాశివుడే దిగివచ్చి శ్రీరాముడికి అందించిన ఈ సెంగోలికి కూడా అరణ్య వాసమా?' అని అయ్యప్ప శర్మ చెప్పిన మాటతో 'స్వయంభూ' టీజర్ మొదలైంది. తర్వాత శరత్ కుమార్ సహా పలువురు పాత్రలను పరిచయం చేయారు. రాజ్యంలో అంతర్యుద్ధం మొదలైందని పేర్కొన్నారు. విజువల్స్, 'కేజీఎఫ్' & 'సలార్' ఫేమ్ రవి బస్రూర్ అందించిన నేపథ్య సంగీతం వార్ డ్రామా ఫీల్ తీసుకు వచ్చాయి. 

'ఇంత పెద్ద రాజ్యాన్ని చేజిక్కుంచుకున్నాం కానీ ఆ సెంగోలి వల్ల ఇంకెంత కాలం వీళ్ళ నోళ్లను కత్తులతో మూయించాలి' అని విలన్ చెప్పే డైలాగ్ చూస్తుంటే... ఈ కథలో సెంగోలి పాత్ర కీలకం కానుందని అర్థం అవుతోంది. ఆ తర్వాత 'కాలం కత్తై దూస్తే... కాపాడే కవచం ఒకటి కావాలి కదా' అని డైలాగ్ వచ్చిన తర్వాత నిఖిల్ పాత్రను పరిచయం చేశారు. 'బలం ఏదో ఒక చోట నశిస్తుంది మిత్రమా కానీ తెగింపు ఎంత దూరమైనా వెళుతుంది' అని నిఖిల్ చెప్పారు.

యుద్ధ నీతి కాదు... నిజం!
'ఒక్క ప్రాణం కూడా కోల్పోకుండా యుద్ధం నిలవదు కృష్ణా! అదే యుద్ధ నీతి' అని నటుడు సుబ్బరాజు డైలాగ్ చెబితే... 'ఒక వ్యక్తే కదా అని వదులుకుంటే, ఆ ఇంటిని - ఒక ఇల్లే కదా అని వదులుకుంటే ఆ గ్రామాన్ని - ఒక గ్రామమే కదా అని వదులుకుంటే ఆ రాజ్యాన్ని వదులుకోవాల్సి వస్తుంది. ఇది నీతి కాదు... నిజం' అని నిఖిల్ సిద్ధార్థ బదులు ఇచ్చారు. యాక్షన్ సీక్వెన్సులు అన్నీ బావున్నాయి. వేసవిలో ఈ సినిమా విడుదల కానుందని చిత్ర బృందం తెలిపింది.

'స్వయంభూ' సినిమాలో నభా నటేష్, సంయుక్త హీరోయిన్లు. టీజర్‌లో వాళ్ళిద్దరి పాత్రలూ పరిచయం చేశారు. సంయుక్త ఫెరోషియస్ పాత్రలో కనిపిస్తే... రాకుమారి తరహాలో నభా నటేష్ కనిపించారు. పాన్ ఇండియా కాదు... తెలుగు, హిందీ, తమిళ, కన్నడ, మలయాళ భాషలతో పాటు చైనీస్, స్పానిష్, అరబిక్ భాషల్లో సినిమాను విడుదల చేయనున్నట్లు చెప్పారు. ఈ చిత్రానికి విజయ్ కామిశెట్టి మాటలు, రామజోగయ్య శాస్త్రి పాటలు రాస్తున్నారు.