Thalaivar 173 Director: కమల్ - రజనీకి షాక్ ఇచ్చిన సుందర్ సి... ఇప్పుడు స్టార్ హీరోలిద్దరూ ఏం చేస్తారో!?

Sunder C Letter On Thalaivar 173: రజనీకాంత్ కథానాయకుడిగా కమల్ హాసన్ ఓ నిర్మాతగా ఒక సినిమా రూపొందుతున్న సంగతి తెలిసిందే. ఆ సినిమా నుంచి దర్శకుడు తప్పుకున్నారు.

రజనీకాంత్ సినిమాకు మరో ట్విస్ట్

Source : ABPLIVE AI

సూపర్ స్టార్ రజనీకాంత్, లోకనాయకుడు కమల్ హాసన్... తమిళ్ సినిమా ఇండస్ట్రీలో, ఆ మాటకు వస్తే ఇండియన్ ఫిల్మ్ ఇండస్ట్రీలో ఇద్దరు స్టార్ హీరోలు. అంతకు మించి మంచి స్నేహితులు. వీళ్ళిద్దరూ కలిసి సినిమా చేస్తున్న సంగతి తెలిసిందే. అయితే అందులో ఇద్దరూ నటించడం లేదు. రజనీకాంత్ హీరోగా కమల్ హాసన్ ప్రొడ్యూస్ చేస్తున్నారు. ఈ సినిమాకు దర్శకుడిగా ముందు పలువురి పేర్లు వినిపించినా... చివరకు సుందర్ సి ఫైనలైజ్ అయిన సంగతి తెలిసిందే. ఇప్పుడు సినిమా నుంచి ఆయన కూడా తప్పుకొన్నారు.

రజనీకాంత్ సినిమాను డైరెక్ట్ చేయడం లేదు!
కమల్ హాసన్ నిర్మాణంలో రజనీకాంత్ చేయబోయేది ఆయన 173వ సినిమా. సో Thalaivar 173 వర్కింగ్ టైటిల్‌తో వ్యవహరిస్తున్నారు. ఈ సినిమాకు తొలుత లోకేష్ కనగరాజ్ దర్శకత్వం వహిస్తారని ప్రచారం జరిగింది. కమల్ హీరోగా విక్రమ్ వంటి హిట్ తీసిన క్రెడిట్ ఆయనకు ఉంది. అయితే రజనీకాంత్ హీరోగా డైరెక్ట్ చేసిన 'కూలీ' ఆశించిన విజయం సాధించలేదు. అందుకని, సినిమా నుంచి ఆయన్ను తప్పించినట్టు చెన్నై టాక్. ఆ తర్వాత పలువురి పేర్లు వినిపించినా చివరకు సుందర్ సి దర్శకత్వంలో అనౌన్స్ చేశారు. 

ఇప్పుడు రజనీకాంత్ హీరోగా కమల్ హాసన్ నిర్మించే సినిమా నుంచి సుందర్ సి తప్పుకొన్నారు. ఆ సినిమాను తాను డైరెక్ట్ చేయడం లేదని ఆయన ఓ లెటర్ రిలీజ్ చేశారు. ''తలైవర్ 173 నుంచి నేను తప్పుకోవాలని కష్టమైన డెసిషన్ తీసుకున్నా. భారమైన హృదయంతో, బరువెక్కిన గుండెతో ఈ విషయం చెబుతున్నా. రజని, కమల్... వీళ్ళిద్దరితో నాది చాలా ఏళ్ళ ప్రయాణం. వాళ్ళిద్దరిపై నాకు ఎంతో గౌరవం ఉంది. జీవితంలో ఎన్నో విలువైన పాఠాలు నేర్పారు. వాళ్ళను ఎప్పటికీ స్ఫూర్తిగా తీసుకుంటాను. ఒకవేళ ఈ వార్త ఎవరిని అయినా డిజప్పాయింట్ చేసి ఉంటే క్షమించండి'' అని సుందర్ సి పేర్కొన్నారు. 

BREAKING 🚨: #SundarC Drops out from #Thalaivar173 ..🤯 pic.twitter.com/qdevC3JcnX

— Laxmi Kanth (@iammoviebuff007) November 13, 2025

సుందర్ సి ప్లేసులో వచ్చేది ఎవరు?
కమల్ హాసన్, ఆర్. మహేంద్రన్ నిర్మాణంలో రజనీకాంత్ కథానాయకుడిగా యాక్ట్ చేయనున్న సినిమా నుంచి సుందర్ సి తప్పుకోవడంతో ఆయన స్థానంలోకి ఎవరు వస్తారు? అనే చర్చ మొదలైంది. కార్తీక్ సుబ్బరాజ్ అయితే బావుంటుందని కొంత మంది అభిమానులు అభిప్రాయపడుతున్నారు. ఇప్పుడు రజనీకాంత్ - కమల్ హాసన్ ఏం చేస్తారో చూడాలి.