Sudheer Babu: టాలీవుడ్ లో నెపోటిజం, సన్నగా ఉన్న హీరోయిన్లు... హీరో సుధీర్ బాబు షాకింగ్ కామెంట్స్

నటుడు సుధీర్ బాబు హీరోయిన్ల పర్సనాలిటీ గురించి ఆసక్తికర వ్యాఖ్యలు చేశారు. సన్నగా ఉండే వారికి లాంగ్ కెరీర్ ఉంటుందన్నారు. ప్రస్తుతం సుధీర్ బాబు వ్యాఖ్యలు సోషల్ మీడియాలో వైరల్ అవుతున్నాయి.

‘దేవకీ నందన వాసుదేవ’ ప్రీ రిలీజ్ ఈవెంట్ లో సుధీర్ బాబు

Source : Social Media

Sudheer Babu Heroines Personality: అశోక్‌ గల్లా, మానస వారణాసి హీరోయిన్లుగా నటించిన తాజా చిత్రం ‘దేవకీ నందన వాసుదేవ’. అర్జున్‌ జంధ్యాల దర్శకత్వం వహించిన ఈ సినిమాకు ప్రముఖ దర్శకుడు ప్రశాంత్‌ వర్మ కథ అందించారు. ఈ శుక్రవారం సినిమా ప్రేక్షకుల ముందుకు రానుంది. ఈ నేపథ్యంలో ప్రీ రిలీజ్ ఈవెంట్ నిర్వహించారు. హీరో సుధీర్‌ బాబు, దర్శకుడు బోయపాటి శ్రీను సహా పలువురు సినీ ప్రముఖులు ఈ వేడుకలో పాల్గొన్నారు.  

హీరోయిన్ల పర్సనాలిటీపై సుధీర్ బాబు ఆసక్తికర వ్యాఖ్యలు

‘దేవకీ నందన వాసుదేవ’ ప్రీ రిలీజ్ ఈవెంట్ లో మాట్లాడిన సుధీర్ బాబు హీరోయిన్ల పర్సనాలిటీ గురించి ఆసక్తికర వ్యాఖ్యలు చేశారు. సన్నగా ఉండే హీరోయిన్లకు కెరీర్ ఎక్కువగా ఉంటుందన్నారు. “ఈ సినిమా హీరోయిన్ మానస చాలా చక్కగా మాట్లాడుతుంది. సినిమాల్లోకి వచ్చిన కొత్తలో నాకు మాట్లాడాలంటే భయంగా ఉండేది. మాట్లాడను అనే చెప్పేవాడిని. కానీ, ఈ అమ్మాయి యాక్టివ్ గా మాట్లాడుతుంది. పాత రోజుల్లో హీరోయిన్ల కెరీర్ సన్నగా ఉన్నప్పుడు మొదలై లావుగా అయ్యే వరకు కొనసాగేది. ఈ అమ్మాయి మరీ సన్నగా ఉంది. లాంగ్ కెరీర్ ఉంటుంది అనిపిస్తుంది” అని కామెంట్ చేశారు. ప్రస్తుతం సుధీర్ బాబు వ్యాఖ్యలు సోషల్ మీడియాలో వైరల్ అవుతున్నాయి.

ఇండస్ట్రీలో నెపోటిజం పై సుధీర్ బాబు ఏమన్నారంటే?

సినిమా పరిశ్రమలో హీరోగా సక్సెస్ కావడం అంత ఈజీ కాదన్నారు సుధీర్ బాబు. “సాధారణం నెపో కిడ్ అని చెప్తుంటారు. ఎవరైనా ఓ వ్యక్తికి బాగా ఆకలేసి తినడానికి అన్నం లేదు. నువ్వుఈ పని చేస్తే నీకు అన్నం దొరుకుతుంది అంటే తప్పకుండా ఆ వ్యక్తి ఆ పని చేస్తాడు. ఇంకో వ్యక్తికి ఇంటి చుట్టూ రెస్టారెంట్లు పెట్టుకునే శక్తి ఉంది. 20 మంది వంట మనుషులను పెట్టుకునే కెపాసిటీ ఉంది. తన సొంత పొలం నుంచే కూరగాయలు, ధాన్యం వచ్చే అవకాశం ఉంది. అలాంటి ఉన్నత స్థితిలో ఉన్న వ్యక్తి కష్టపడి ఫుడ్ సంపాదించుకోవాలి అనుకోవడం నిజంగా గొప్ప విషయం. అలాంటి ప్రయత్నమే చేస్తున్నాడు అశోక్. గత 8 ఏండ్లుగా హీరోగా సక్సెస్ కావాలని ప్రయత్నిస్తున్నాడు. ఏదో ఒక రోజు తప్పకుండా సక్సెస్ అవుతాడు. ఈ సినిమానా, నెక్ట్స్ సినిమా అనేది కాదు. తప్పకుండా మంచి హీరోగా సెటిల్ అవుతాడు. ‘హీరో’ సినిమాతో యాక్టర్ గా మంచి మార్కులు తెచ్చుకున్నాడు. రెండో సినిమాతోనే స్ట్రాంగ్ కమర్షియల్ సినిమా సబ్జెక్ట్ ను ఎంచుకున్నాడు. ఎవరైనా ఇలాంటి సజిషన్ ఇస్తే నేను రిస్కీ అనుకుంటాను. కానీ, ఈ సినిమాకు సంబంధించి ట్రైలర్, పాటలు, డ్యాన్సులు చూశాక తన కటౌట్ కూడా కమర్షియల్ హీరోకి కావాల్సిన అన్ని క్వాలిటీస్ ఉన్నాయి అనిపించింది. డెఫినెట్ గా కమర్షియల్ హీరోగా సక్సెస్ అవుతాడనే విషయంలో ఎలాంటి డౌట్ అవసరం లేదు” అని చెప్పుకొచ్చారు. ఈ సినిమాకు భీమ్స్ సిసిరోలియో సంగీతం అందిస్తున్నారు. సోమినేని బాలకృష్ణ ఈ చిత్రాన్ని ప్రొడ్యూస్ చేస్తున్నారు. ఈ నెల 22న ప్రేక్షకుల ముందుకురానుంది.