Double Ismart: ‘డబుల్ ఇస్మార్ట్’ సాంగ్ వచ్చేసింది - స్టెప్పా మార్ అంటున్న రామ్

Double Ismart Song: పూరీ జగన్నాధ్, రామ్ కాంబినేషన్‌లో తెరకెక్కుతున్న ‘డబుల్ ఇస్మార్ట్’ మూవీపై మాస్ ప్రేక్షకుల్లో భారీ అంచనాలే ఉన్నాయి. ఇక తాజాగా ఈ సినిమా నుండి పాటల సందడి మొదలయ్యింది.

డబుల్ ఇస్మార్ట్ పోస్టర్ (Image Credit: Puri Connects/Instagram)

Steppa Maar Song From Double Ismart: ప్రేక్షకుల్లో హైప్ క్రియేట్ చేసిన ఎన్నో తెలుగు సినిమాలు ఈ ఏడాదిలో విడుదలకు సిద్ధంగా ఉన్నాయి. అందులో ఒక పూరీ జగన్నాథ్, రామ్ పోతినేని కాంబినేషన్‌లో తెరకెక్కుతున్న ‘డబుల్ ఇస్మార్ట్’. ఇప్పటికే వీరిద్దరి కాంబినేషన్‌లో వచ్చిన ‘ఇస్మార్ట్ శంకర్’.. మాస్ బ్లాక్‌బస్టర్ అయ్యింది. అందుకే ఈ సినిమాకు అప్పుడే సీక్వెల్ ప్లాన్ చేశారు మేకర్స్. ఫైనల్‌గా ఇన్నాళ్లకు ఈ సీక్వెల్ వర్కవుట్ అవ్వడంతో పాటు ప్రేక్షకుల ముందుకు రావడానికి కూడా సిద్ధమయ్యింది. ప్యాన్ ఇండియా రేంజ్‌లో తెరకెక్కిన ఈ మూవీలోని ‘స్టెప్పా మార్’ సాంగ్ లిరికల్ వీడియోను సోమవారం సాయంత్రం రిలీజ్ చేశారు.

మాస్ బీట్స్..

‘ఇస్మార్ట్ శంకర్’లో మణిశర్మ అందించిన సాంగ్స్.. మాస్‌తో పాటు క్లాస్ ఆడియన్స్‌ను కూడా విపరీతంగా ఆకట్టుకున్నాయి. ఇప్పుడు మరోసారి తన మాస్ బీట్స్‌తో మూజిక్ లవర్స్‌ను ఆకట్టుకోవడానికి వచ్చేస్తున్నారు మణిశర్మ. ఇప్పటికే ‘డబుల్ ఇస్మార్ట్’ నుంచి ‘స్టెప్పా మార్’కు సంబంధించిన ప్రోమో విడుదల కాగా కాసేపటికే యూట్యూబ్‌లో ట్రెండింగ్ లిస్ట్‌లోకి వెళ్లిపోయింది. కేవలం తెలుగులో మాత్రమే కాకుండా హిందీ, తమిళ, మలయాళ, కన్నడ భాషల్లో కూడా ఈ సాంగ్‌ను రిలీజ్ చేశారు.

అన్ని భాషల్లో..

‘డబుల్ ఇస్మార్ట్’ సినిమాను పూరీ జగన్నాథ్ డైరెక్ట్ చేయడం మాత్రమే కాకుండా తన పూరీ కనెక్ట్స్ సంస్థ ద్వారా తానే స్వయంగా నిర్మించారు కూడా. ఇక ఇందులోని స్టెప్పా మార్ పాట కోసం అన్ని భాషల్లోనూ టాలెంటెడ్ సింగర్స్‌ను రంగంలోకి దించారు. తెలుగులో ఈ పాటను అనురాగ్ కులకర్ణి, సాహితీ చాగంటి పాడారు. హిందీలో నకాష్ అజీజ్, సాహితీ చాగంటి కలిసి ఈ పాటను పాడారు. తమిళంలో సునందన్, సమీరా భరద్వాజ్.. స్టెప్పా మార్ పాటను ఆలపించారు. అలా ప్రతీ భాష నుంచి హైప్ ఉన్న సింగర్స్‌ను ‘స్టెప్పా మార్’ పాట కోసం సెలక్ట్ చేశారు మణిశర్మ. మధ్యమధ్యలో రామ్ కూడా తన వాయిస్‌తో కొన్ని లిరిక్స్‌ను పాడి క్రేజీ అనిపించాడు. 

డబుల్ ఇస్మార్ట్ మూవీ లిరికల్ వీడియోను ఇక్కడ చూసేయండి

టీజర్ అదుర్స్..

‘డబుల్ ఇస్మార్ట్’కు సంబంధించిన టీజర్ సైతం ఇప్పటికే విడుదలయ్యి చాలామంది ప్రేక్షకులను ఆకట్టుకుంది. ఇందులో రామ్ సరసన హీరోయిన్‌గా కావ్య థాపర్ నటించగా బాలీవుడ్ స్టార్ సంజయ్ దత్ విలన్ రోల్‌లో కనిపించనున్నారు. ఆగస్ట్ 15న ఈ సినిమా థియేటర్లలో సందడి చేయడానికి సిద్ధమవుతోంది. ముందుగా ఈ మూవీని డిసెంబర్‌లో విడుదల చేయడానికి ప్లాన్ చేసినా ఆగస్ట్‌లో ‘పుష్ప 2’ తప్పుకోవడంతో ఆ డేట్‌లోకి ‘డబుల్ ఇస్మార్ట్’ వచ్చింది. ‘ఇస్మార్ట్ శంకర్’ మూవీకి సీక్వెల్‌గా ఈ మూవీని తెరకెక్కించిన సంగతి తెలిసిందే. ఇందులో కూడా రామ్ మరోసారి మాస్ అవుతార్‌లో కనిపించనున్నాడు. మరి, ఈ మూవీతో పూరీ మళ్లీ సక్సెస్‌ను అందుకుంటారో లేదో చూడాలి.