Sridevi Apalla: తమిళ సినిమా ఫినిష్ చేసిన 'కోర్ట్' శ్రీదేవి... హీరో ఎవరంటే?

Haiku Movie Update: 'కోర్ట్'తో శ్రీదేవి ఓవర్ నైట్ స్టార్ అయ్యారు. ఆ తర్వాత 'బ్యాండ్ మేళం' చేశారు. ఇప్పుడు ఆమె తమిళ తెరకు పరిచయం కానున్నారు. ఆ సినిమాలో హీరో ఎవరంటే?

శ్రీదేవి ఆపల్ల 'హైకూ' షూటింగ్ పూర్తి... నెట్‌ఫ్లిక్స్‌తో డీల్ క్లోజ్!

Source : ABPLIVE AI

Show Quick Read

Key points generated by AI, verified by newsroom

• శ్రీదేవి, ఏగన్, ఫెమినా జార్జ్ ప్రధాన పాత్రల్లో 'హైకూ' చిత్రీకరణ పూర్తైంది.
• యువరాజ్ చిన్నసామి దర్శకత్వంలో నిర్మితమైన చిత్రం ప్రస్తుతం పోస్ట్ ప్రొడక్షన్లో ఉంది.
• 'హైకూ' సినిమా పోస్ట్ థియేట్రికల్ డిజిటల్ హక్కులు నెట్‌ఫ్లిక్స్‌కు దక్కాయి.

'కోర్ట్' సినిమాతో శ్రీదేవి ఆపల్ల (Sridevi Apalla) ఓవర్ నైట్ స్టార్ అయ్యారు. ఆమెకు ఫ్యాన్ ఫాలోయింగ్ ఏర్పడింది. ఆ తర్వాత 'కోర్ట్' ఫేమ్ హార్ష్ రోషన్ జంటగా 'బ్యాండ్ మేళం' చేశారు. తెలుగులో సినిమాలు చేస్తున్నారు కూడా. కేవలం తెలుగులో మాత్రమే కాదు... తమిళంలోనూ ఆమెకు అవకాశాలు వస్తున్నాయి. ఏగన్, ‘మిన్నల్ మురళి’ ఫేమ్ ఫెమినా జార్జ్ ప్రధాన పాత్రల్లో నటిస్తున్న 'హైకూ' (Haiku Movie)లో ఆమె కథానాయికగా నటిస్తున్నారు.

'హైకూ' చిత్రీకరణ పూర్తి... పోస్ట్ ప్రొడక్షన్ పనుల్లో!
ఏగన్, ఫెమినా జార్జ్, శ్రీదేవి ఆపల్ల ప్రధాన పాత్రల్లో నటిస్తున్న 'హైకూ' సినిమాను విజన్ సినిమా హౌస్ పతాకంపై డా. డి. అరుళానందు, మాథేవో అరుళానందు నిర్మిస్తున్నారు. ఈ చిత్రానికి యువరాజ్ చిన్నసామి కథ అందించడంతో పాటు దర్శకత్వం వహించారు. నాలుగు షెడ్యూళ్లలో... మొత్తం 90 రోజుల చిత్రీకరణతో సినిమా పూర్తయ్యింది. ప్రస్తుతం సినిమా పోస్ట్ ప్రొడక్షన్ పనులు జరుగుతున్నాయి.

దర్శకుడు యువరాజ్ చిన్నసామి మాట్లాడుతూ... ''ఓ ప్లానింగ్ ప్రకారం సినిమాను పూర్తి చేశాం. ఇది మాకు చాలా ఎమోషనల్ అండ్ హ్యాపీ మూమెంట్. కథను నమ్మి మా నిర్మాతలు నాకు పూర్తి క్రియేటివ్ ఫ్రీడమ్ ఇచ్చారు. డా. డి. అరుళానందు గారికి, మాథేవో అరుళానందు గారికి స్పెషల్ థాంక్స్. సినిమా బాగా వచ్చింది. శ్రీదేవి, ఏగన్, ఫెమినా జార్జ్‌తో పాటు ఆర్టిస్టులు, టెక్నీషియన్స్ సహకారంతో 'హైకూ'ను తీశాం. హృదయానికి హత్తుకునేలా, ప్రేక్షకులకు మంచి థియేట్రికల్ ఫీల్‌ ఇచ్చేలా రూపొందిస్తున్నాం'' అని అన్నారు.

నిర్మాతలు మాట్లాడుతూ... ''హైకూ' చిత్రీకరణ పూర్తయ్యింది. పోస్ట్ ప్రొడక్షన్ పనులు మొదలు పెట్టాం. కథపై దర్శకుడికి క్లారిటీ ఉంది. దాంతో పాటు మేకింగ్‌లో తను చూపిన నిజాయితీ, క్రమశిక్షణ వల్ల ఔట్‌ పుట్ బాగా వచ్చింది. కథ, సినిమాలోని ఎమోషన్స్ ప్రేక్షకులకు బాగా కనెక్ట్ అవుతాయి. ఈ సినిమా పోస్ట్ థియేట్రికల్ డిజిటల్ స్ట్రీమింగ్ హక్కులను నెట్‌ఫ్లిక్స్ సొంతం చేసుకుంది'' అని అన్నారు.

Haiku Movie Cast And Crew: శ్రీదేవి, ఏగన్, ఫెమినా జార్జ్ ప్రధాన పాత్రల్లో నటించిన 'హైకూ'లో అదిర్చి అరుణ్, మైమ్ గోపి, 'సత్యం సుందరం' ఫేమ్ ఇందుమతి, 'లబ్బరు పండు' ఫేమ్ జెన్సన్, 'సిరాయ్' ఫేమ్ ఇస్మత్ బాను, డాక్టర్ శివ ఇతర ప్రధాన తారాగణం.