Sonu Sood Reaction : ఆ మాట అని ఉంటే చాలా సిగ్గుచేటు - కంగనా కామెంట్స్ సోనూ సూద్ రియాక్షన్
Kangana Ranaut : జెన్ జీపై బాలీవుడ్ హీరోయిన్ కంగనా రనౌత్ చేసిన కామెంట్స్పై నటుడు సోనూ సూద్ రియాక్ట్ అయ్యారు. మాట్లాడే ముందు ఒకటికి రెండుసార్లు ఆలోచించుకోవాలని అన్నారు.
Sonu Sood Calls Out Kangana Ranaut Over Crass Comments On Gen Z : జెన్ జీ నిరసనలపై బాలీవుడ్ హీరోయిన్, బీజేపీ ఎంపీ కంగనా రనౌత్ చేసిన కాంట్రవర్సియల్ కామెంట్స్పై నటుడు సోనూ సూద్ రియాక్ట్ అయ్యారు. మాట్లాడే ముందు ఒకటికి రెండుసార్లు ఆలోచించుకోవాలంటూ హితవు పలికారు.
'అది చాలా సిగ్గుచేటు'
తొలుత తాను కంగనా చేసిన కామెంట్స్ వినలేదని చెప్పారు సోనూసూద్. యువతను ఉద్దేశించి గట్టర్ జనరేషన్ అనే పదాన్ని కంగనా వాడారంటూ విలేకరులు చెప్పగా స్ట్రాంగ్గా రియాక్ట్ అయ్యారు. 'కంగనా ఒకవేళ నిజంగా ఆ మాట అని ఉంటే అది చాలా సిగ్గుచేటు. అలా మాట్లాడి ఉండాల్సింది కాదు. నోరు జారే ముందు ఒకటికి రెండుసార్లు ఆలోచించుకోవాలి. నటులకు గుర్తింపు తెచ్చేది యువతే.
వారు మీ వెన్నంటి ఉన్నంత వరకూ మాత్రమే మీరు ఎదుగుతారు. వారి సపోర్ట్ లేకుంటే మీకు కష్టమవుతుంది. కాబట్టి అందరినీ కలుపుకొని పోవాలి. మన ప్రొఫెషన్ ఏదైనా ప్రజలతో మమేకమైనప్పుడే దాని ఓ అర్థం ఉంటుంది. ప్రజలే దేవుళ్లు. అందుకే మాట్లాడే ముందు ఆలోచించుకోవాలి.' అని అన్నారు. ప్రస్తుతం ఈ కామెంట్స్ వైరల్ అవుతున్నాయి.
అసలేం జరిగిందంటే?
రీసెంట్గా ఢిల్లీలోని జంతర్ మంతర్ వద్ద యువత నిరసనలను ఉద్దేశించి కంగనా సోషల్ మీడియాలో తీవ్ర వ్యాఖ్యలు చేశారు. 'జెన్ జీ నిరసనకారుల రీల్స్ వాంతులు తెప్పించేలా ఉన్నాయి. వారు మాట్లాడే విధానం, వాడే భాష నేనెప్పుడూ చూడలేదు. ఫ్రీడమ్ను యువత దుర్వినియోగంం చేస్తోంది. వీరు చదువుల్లో రాణించలేరు. వీరి వల్ల సమాజానికి ఎలాంటి ఉపయోగం లేదు.' అంటూ కామెంట్స్ చేయగా ఇవి తీవ్ర దుమారం రేపాయి.
దీనిపై సీజేపీ ప్రతినిధి సౌరవ్ దాస్ రియాక్ట్ అయ్యారు. 'కనీసం సొంత పార్టీ నాయకులే కంగనా మాటలను సీరియస్గా తీసుకోరు. ఆమె కామెంట్స్ను నేటి తరం జెన్ జెడ్ ఎందుకు పట్టించుకుంటుంది? ఎంపీ పనంటే తక్కువ అనుకున్నానని, ఇంత పని ఉంటుందని ఊహించలేదని ఆమె గతంలో చేసిన కామెంట్సే ఆమె సీరియస్ నెస్ తెలియజేస్తున్నాయి.' అని విమర్శించారు.
కంగనా స్ట్రాంగ్ కౌంటర్
ఈ కామెంట్స్కు కంగనా కూడా స్ట్రాంగ్గా రియాక్ట్ అయ్యారు. 'నేను ఈ వ్యక్తి గురించి గూగుల్ చేశా. అతనికి 28 ఏళ్లు. ఇప్పటికీ స్టూడెంట్ అని ఎలా చెప్పుకుంటున్నాడో నాకు అర్థం కావడం లేదు. నేను పాలిటిక్స్లోకి వచ్చి రెండేళ్లే కావొచ్చు. కానీ గత 20 ఏళ్లుగా ప్రజల మధ్యే జీవిస్తున్నా. అతని వయసు నాకు ఉన్నప్పుడు నా చేతిలో అప్పటికే 2 నేషనల్ అవార్డులున్నాయి.' అని ఇన్ స్టాలో రాసుకొచ్చారు. తాజాగా ఈ వివాదంపై సోనూ సూద్ స్పందించారు.
Before You Go
Aishwarya Varma Unknown Facts | సీరియల్ యాక్టర్ ఐశ్వర్య వర్మ రియల్ లైఫ్ స్టోరీ
టాప్ హెడ్ లైన్స్
ట్రెండింగ్ వార్తలు
