Singer Jake Flint Died : పెళ్ళి ఫోటోలు చూసుకోవాల్సిన టైమ్లో స్మశానానికి - అమెరికన్ సింగర్ మృతి
అమెరికన్ సింగర్ జేక్ ఫ్లింట్ పెళ్ళైన కొన్ని గంటలకు మరణించారు.
అమెరికన్ సింగర్ జేక్ ఫ్లింట్ (Jake Flint) ఇకలేరు. ఆయన ఆదివారం తుదిశ్వాస విడిచారు. యుఎస్ఏలోని సౌత్ సెంట్రల్ రీజియన్లో గల ఓక్లహోమా ఆయన స్వస్థలం. జేక్ ఫ్లింట్ వయసు 37 సంవత్సరాలు మాత్రమే. ఎంతో భవిష్యత్ ఉన్న ఆయన... చిన్న వయసులో తిరిగి రాని లోకాలకు వెళ్ళడాన్ని ఆయన బంధు మిత్రులు, శ్రేయోభిలాషులు, అభిమానులు జీర్ణించుకోలేకపోతున్నారు. అన్నిటి కంటే విషాదం ఏంటంటే... పెళ్ళైన కొన్ని గంటలకు ఆయన మరణించడం!
శనివారం పెళ్లి చేసుకున్న జేక్...
ఆదివారం నిద్రలో మృతి
జేక్ ఫ్లింట్ శనివారం పెళ్లి చేసుకున్నారు. ఈ ఏడాది జనవరిలో బ్రెండా విల్సన్ (Brenda Wilson) ను సోషల్ మీడియా ద్వారా పరిచయం చేసిన జేక్... త్వరలో పెళ్లికి చేసుకోబోతున్నానని చెప్పారు. సన్నిహితులు, కుటుంబ సభ్యల మధ్య శనివారం జేక్, బ్రెండా ఉంగరాలు మార్చుకున్నారు. ఆ తర్వాత రాత్రి నిద్రిస్తున్న సమయంలో జేక్ ఫ్లింట్ మరణించారు. అయితే... ఆయన మరణానికి గల కారణాలు ఇంకా తెలియలేదు.
ఎవరికీ ఇంత బాధ రాకూడదు! - జేక్ భార్య
భర్త మరణ వార్తను బ్రెండా విల్సన్ కన్ఫర్మ్ చేశారు. ఎవరికీ ఇంత బాధ రాకూడదని ఫేస్బుక్లో చేసిన పోస్టులో ఆమె పేర్కొన్నారు. ''ప్రజలు ఎవరూ ఇంత బాధను అనుభవించకూడదు. నా హృదయం వెళ్ళిపోయింది. ఆయన తిరిగి రావాలి. నేను ఇంత కంటే ఎక్కువ బాధను భరించలేను. ఇప్పుడు నాకు ఆయన కావాలి" అని బ్రెండా ఆ పోస్టులో పేర్కొన్నారు. తామిద్దరం కలిసి పెళ్ళి ఫోటోలు చూడాల్సిన సమయంలో భర్త అంత్యక్రియల కోసం దుస్తులు తీసుకు వెళ్ళాల్సి వస్తోందని ఆమె ఆవేదన వ్యక్తం చేశారు.
Also Read : ప్రభాస్తో ప్రేమ, పెళ్లిపై కృతి సనన్ రియాక్షన్ ఇదే
వెడ్డింగ్ ఫోటోషూట్ వీడియో ఆదివారం ఫేస్బుక్లో పోస్ట్ చేసిన బ్రెండా తనకు ఏం జరుగుతుందో తెలియడం లేదని పేర్కొన్నారు. జేక్ ఫ్లింట్ మేనేజర్ పేరు కూడా బ్రెండా (Brenda Cline). ఆవిడ కూడా జేక్ మరణ వార్తను ధృవీకరించారు. జేక్ తనకు కుమారుడు వంటివాడు అని, అతని మరణం తనకు ఎంతో దుఃఖాన్ని కలిగించిందని, తన గుండె బద్దలైందని బ్రెండా క్లిన్ పేర్కొన్నారు. పెళ్ళైన కొన్ని గంటలకు జేక్ ఫ్లింట్ మరణించడం చర్చనీయాంశం అయ్యింది.
View this post on Instagram
టాప్ హెడ్ లైన్స్
ట్రెండింగ్ వార్తలు
