Jawan: ఇండియన్ సినీ హిస్టరీలోనే ఫస్ట్ టైమ్ - షారుఖ్ ‘జవాన్’ కోసం ఆ ఆరుగురు!

తమిళ డైరెక్టర్ అట్లీతో కలిసి షారుఖ్ ఖాన్ చేస్తున్న సినిమానే ‘జవాన్’. ఇందులో షారుఖ్‌తో మొదటిసారి జతకడుతోంది నయనతార.

Image Credit: Jawan/Twitter

ఒక్కొక్కసారి సినిమా కంటెంట్ మీద ఉన్న నమ్మకం, డైరెక్టర్ మీద ఉన్న నమ్మకంతో ఆ మూవీని ఎంత భారీ బడ్జెట్‌తో అయినా నిర్మించడానికి మేకర్స్ ముందుకొస్తారు. పైగా హీరోనే నిర్మాతగా వ్యవహరిస్తే.. ఆ స్వేచ్ఛతో తనకు నచ్చిన కథపై మరింత ఎక్కువ ఖర్చుపెట్టడానికి కూడా వెనకాడడు. ప్రస్తుతం షారుఖ్ ఖాన్ ‘జవాన్’ విషయంలో కూడా ఇదే జరుగుతోంది. ‘జవాన్‌’ను పూర్తిగా నమ్మిన షారుఖ్.. బడ్జెట్ ఎక్కువ అవుతున్నా కూడా పట్టించుకోకుండా ఖర్చు చేసేస్తున్నాడట. అంతే కాకుండా ఇప్పటివరకు షారుఖ్ కెరీర్‌లో ఇంత భారీ బడ్జెట్ చిత్రం తెరకెక్కలేదని సమాచారం. ఒకవైపు మూవీ బడ్జెట్ గురించి ఇన్ని విధాలుగా వార్తలు వైరల్ అవుతున్న క్రమంలోనే తాజాగా ‘జవాన్’ గురించి మరొక సెన్సేషనల్ విషయం బయటికొచ్చింది.

తమిళ డైరెక్టర్ అట్లీతో కలిసి షారుఖ్ ఖాన్ చేస్తున్న సినిమానే ‘జవాన్’. ఇందులో షారుఖ్‌తో మొదటిసారి జతకడుతోంది నయనతార. అంతే కాకుండా నయనతారకు ఇదే మొదటి హిందీ చిత్రం. ఈ మూవీని తన సొంత బ్యానర్ రెడ్ చిల్లీస్ ఎంటర్‌టైన్మెంట్ ద్వారా నిర్మిస్తున్నాడు షారుఖ్. అందుకే ఇప్పటివరకు ఏ ఇండియన్ సినిమాకు లేని విధంగా ఆరుగురు యాక్షన్ డైరెక్టర్స్‌ను ‘జవాన్’ కోసం రంగంలోకి దించాడట బాలీవుడ్ బాద్‌షా. ఇందులో బాలీవుడ్ మాత్రమే కాదు,కోలీవుడ్‌కు చెందిన యాక్షన్ డైరెక్టర్స్ మాత్రమే కాదు.. హాలీవుడ్‌కు చెందినవారు కూడా ఉన్నారు. 

స్పిరో రాజాటోస్
‘ఫాస్ట్ అండ్ ఫ్యూరియస్’ లాంటి ఫేమస్ హాలీవుడ్ చిత్రానికి యాక్షన్ డైరెక్టర్‌గా పనిచేశాడు స్పిరో. అందుకే ఆయన వర్క్ నచ్చి ‘రావన్’కు యాక్షన్ డైరెక్టర్‌గా అవకాశం ఇచ్చాడు షారుఖ్ ఖాన్. ఇప్పుడు ఈ యాక్షన్ డైరెక్టర్‌తో కలిసి షారుఖ్ చేస్తున్న రెండో చిత్రం ‘జవాన్’.

యానిక్ బెన్
‘ట్రాన్స్‌పోర్టర్ 3’, ‘ఇన్సెప్షన్’లాంటి హాలీవుడ్ చిత్రాలకు యాక్షన్ డైరెక్టర్‌గా పనిచేసిన యానిక్.. పలు హిందీ చిత్రాలకు కూడా పనిచేశాడు. అందులో షారుఖ్ నటించిన ‘రెయీస్’ కూడా ఒకటి. ఈ యాక్షన్ డైరెక్టర్ ఇంగ్లీష్, హిందీతో పాటు పలు తెలుగు చిత్రాలకు కూడా పనిచేశాడు.

క్రెయిగ్ మ్యాక్రే
‘యావెంజర్స్’లాంటి సూపర్ హీరో చిత్రాలలో యాక్షన్‌ను డైరెక్ట్ చేశాడు క్రెయిగ్. దీంతో పాటు ‘మ్యాడ్ మాక్స్’ వంటి చిత్రానికి కూడా పనిచేశాడు.

కెచా ఖంఫాక్డే
హాలీవుడ్‌లోని ప్రముఖ యాక్షన్ డైరెక్టర్లలో కెచా ఒకరు. అయితే ఇంగ్లీష్ సినిమాలకు మాత్రమే కాకుండా ఆయన అప్పుడప్పుడు ఇండియన్ సినిమాలకు కూడా పనిచేశాడు. అందులో ‘తుపాకీ’, ‘బాహుబలి 2’ వంటి సినిమాలు కూడా ఉన్నాయి. ఇక హిందీలో ‘భాగీ 2’ తర్వాత కెచా చేస్తున్న చిత్రం ‘జవాన్’.

సునీల్ రోడ్రీగూస్
సునీల్.. గత కొంతకాలంగా బాలీవుడ్‌లో మోస్ట్ వాంటెడ్ యాక్షన్ డైరెక్టర్‌గా వెలిగిపోతున్నాడు. ‘షెర్షా’, ‘సూర్యవంశీ’, ‘పతాన్’ వంటి చిత్రాలకు ఫైట్స్ డిజైన్ చేసి బ్యాక్ టు బ్యాక్ హిట్స్ అందుకున్నాడు. ఇప్పుడు ‘జవాన్’ కోసం పనిచేయడానికి సిద్ధమయ్యాడు.

అనల్ అరసు
అనిల్ అరసు ఇప్పటికే తమిళ, తెలుగు, మలయాళ, హిందీ భాషల్లో మంచి యాక్షన్ డైరెక్టర్‌గా గుర్తింపు తెచ్చుకున్నాడు. ‘సుల్తాన్’, ‘ఖైదీ’, ‘కిక్’ వంటి చిత్రాలకు పనిచేసినందుకు తనకు మంచి గుర్తింపు లభించింది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial