సినిమాలకు రిటర్మెంట్ ప్రకటించిన సీనియర్ నటి

సీనియర్ నటీమణుల్లో తులసి ఒకరు. ఆవిడ సినిమాలకు రిటర్మెంట్‌ ప్రకటించారు. డిసెంబర్ 31వ తేదీ తర్వాత నుంచి తాను ఏం చేయబోతున్నదీ వివరించారు.

ఇకపై సినిమాల్లో నటించనని చెప్పిన నటి ఎవరో తెలుసా?

Source : https://www.instagram.com/p/DRKXAuLkQYg

మోస్ట్ ట్యాలెంటెడ్ సీనియర్ ఆర్టిస్టుల్లో తులసి ఒకరు. బాలనటిగా కెరీర్ స్టార్ట్ చేసిన ఆవిడ... దక్షిణాది నాలుగు భాషలు తెలుగు - తమిళ్ - మలయాళం - కన్నడలో సినిమాలు చేశారు. భోజ్‌పురి భాషలోనూ నటించారు. ఇప్పుడు సినిమాలకు, నటనకు స్వస్తి పలుకుతున్నట్టు తులసి ప్రకటించారు. తన రిటర్మెంట్ విషయాన్ని సోషల్ మీడియాలో షేర్ చేశారు.

డిసెంబర్ 31 నుంచి నో మూవీస్...
ఆ షిరిడీ సాయినాథుని సన్నిధిలో!
నటి తులసికి సాయిబాబా అంటే అపారమైన భక్తి. సోషల్ మీడియాలో ఆవిడ అకౌంట్ ఫాలో అయ్యే ప్రేక్షకులకు ఆ సంగతి తెలుస్తుంది. తరచూ షిరిడి వెళ్లి వస్తుంటారు. ఈ ఏడాది డిసెంబర్ 31న తాను షిరిడీ వెళుతున్నట్టు తులసి వివరించారు. ఆ తర్వాత నుంచి సినిమాలకు రిటర్మెంట్ ప్రకటించి సాయినాథుని సన్నిధిలో గడపాలని అనుకుంటున్నట్టు తులసి పోస్ట్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Tulasi (@tulasiactress)

మూడు నెలల వయసులో సినిమాల్లోకి...
సావిత్రి, తులసి మధ్య అనుబంధం ఏమిటంటే?
మూడు నెలల వయసు ఉన్నప్పుడు తులసి తెరంగేట్రం చేశారు. మహానటి సావిత్రి, తులసి తల్లి స్నేహితులు. 'భార్య' సినిమా చిత్రీకరణ చేస్తున్న సమయంలో ఓ పాటలో పసికందు అవసరం అయ్యింది. అప్పుడు తులసి తల్లిని సావిత్రి రిక్వెస్ట్ చేసి పసికందును తన ఒడిలో పెట్టుకున్నారు. అది తులసి మొదటి సినిమా. ఆ తర్వాత నాలుగేళ్ల వయసు ఉన్నప్పుడు 'జీవన తరంగాలు'తో పూర్తిస్థాయి బాలనటిగా మారారు. 'సీతామహాలక్ష్మీ', 'శంకరాభరణం' సినిమాలకు ఉత్తమ బాలనటిగా నంది అవార్డులు సైతం అందుకున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Tulasi (@tulasiactress)

తులసికి 28 ఏళ్ళ వయసు ఉన్నప్పుడు ఆమె పెళ్లి జరిగింది. కన్నడ దర్శకుడు శివమణిని వివాహమాడారు. ఈ దంపతులకు ఓ అబ్బాయి ఉన్నాడు. అతని పేరు సాయి తరుణ్. పెళ్లి తర్వాత నటిగా సినిమాలు కంటిన్యూ చేశారు తులసి. 'మిస్టర్ పర్ఫెక్ట్', 'డార్లింగ్', 'శశిరేఖా పరిణయం', 'శ్రీమంతుడు', 'ఇద్దరమ్మాయిలతో', 'మహానటి', 'డియర్ కామ్రేడ్', 'నేను లోకల్' వంటి సినిమాల్లో తులసి నటించారు.