Maa Inti Bangaram Collections : మా ఇంటి బంగారం మరో రికార్డు - ఓవర్సీస్లో గోల్డెన్ నెంబర్
Maa Inti Bangaram : సమంత మా ఇంటి బంగారం ఓవర్సీస్లో సరికొత్త రికార్డు క్రియేట్ చేసింది. వరల్డ్ వైడ్గా మంచి కలెక్షన్స్తో దూసుకెళ్తుండగా... త్వరలోనే 100 కోట్ల క్లబ్లో చేరనుంది.
Samantha's Maa Inti Bangaram New Record In North America : స్టార్ హీరోయిన్ సమంత రీసెంట్ ఫ్యామిలీ యాక్షన్ డ్రామా మా ఇంటి బంగారం బాక్సాఫీస్ వద్ద సంచలన విజయం సాధించిన సంగతి తెలిసిందే. వరల్డ్ వైడ్గా ఇప్పటివరకూ రూ.92 కోట్లకు పైగా గ్రాస్ వసూళ్లు సాధించింది. ఓవర్సీస్లోనూ అదే జోష్ కంటిన్యూ కాగా... తాజాగా మరో రికార్డు అధిగమించింది. ఈ మేరకు అఫీషియల్ అనౌన్స్మెంట్ వచ్చేసింది.
మొత్తం కలెక్షన్స్ ఎంతంటే?
జూన్ 19న ప్రేక్షకుల ముందుకు వచ్చిన 'మా ఇంటి బంగారం' నార్త్ అమెరికాలో 2 మిలియన్ డాలర్ల కలెక్షన్స్ దాటేసింది. అక్కడ ఈ మూవీ రిలీజ్ చేసిన ప్రత్యాంగిర సినిమాస్ సంస్థ అఫీషియల్ అనౌన్స్మెంట్ ఇచ్చింది. తెలుగులో సోలో ఫీమేల్ లీడ్ మూవీగా రూపొందించిన మూవీ... ఉత్తర అమెరికాలో ఈ స్థాయిలో రికార్డు కలెక్షన్స్ సాధించడం ఇదే ఫస్ట్ టైం అని వెల్లడించింది.
ఇక, ఇండియావ్యాప్తంగా దాదాపు రూ.67 కోట్లకు పైగా గ్రాస్ కలెక్షన్స్... రూ.48 కోట్లకు పైగా నెట్ కలెక్షన్స్ సాధించింది. త్వరలోనే వరల్డ్ వైడ్ రూ.100 కోట్ల క్లబ్లో చేరుతుందని సినీ విశ్లేషకులు భావిస్తున్నారు. సమంత కెరీర్లోనే హయ్యెస్ట్ ఓపెనింగ్స్ సాధించిన మూవీగా రికార్డు సృష్టించింది.
Also Read : GDN Trailer Review : మిరాకిల్ మ్యాన్గా మాధవన్ - ఎడిసన్ ఆఫ్ ఇండియా GDN రియల్ లైఫ్ స్టోరీ... ట్రైలర్ చూశారా?
ఈ మూవీకి సమంత ఫ్రెండ్ నందిని రెడ్డి దర్శకత్వం వహించగా... సమంత భర్త రాజ్ నిడిమోరు స్టోరీ అందించారు. సమంతతో పాటు దిగంత్, గుల్షన్ దేవయ్య, మంజూష, శ్రీముఖి, గౌతమి, ఆనంద్, శ్రీలక్ష్మి, శ్రీనివాస్ గవిరెడ్డి తదితరులు కీలకపాత్రలు పోషించారు. సమంత సొంత బ్యానర్ ట్రాలాలా మూవింగ్ పిక్చర్స్ బ్యానర్పై రాజ్ నిడిమోరు, సమంత, హిమాంక్ దువ్వూరు నిర్మించారు.
ఓటీటీ స్ట్రీమింగ్ ఎప్పుడంటే?
'మా ఇంటి బంగారం' ఓటీటీ స్ట్రీమింగ్పై అందరిలోనూ ఆసక్తి నెలకొంది. సినిమా డిజిటల్ రైట్స్ జియో హాట్ స్టార్ సొంతం చేసుకోగా... జులై లాస్ట్ వీక్ లేదా ఆగస్ట్ ఫస్ట్ వీక్లో స్ట్రీమింగ్ కానున్నట్లు తెలుస్తోంది. త్వరలోనే అఫీషియల్ అనౌన్స్మెంట్ వచ్చే ఛాన్స్ ఉంది.
స్టోరీ ఏంటంటే?
చిన్నప్పుడే తల్లిదండ్రును కోల్పోయిన స్వర్ణ (సమంత) అనాథాశ్రమంలో పెరుగుతుంది. ఆ తర్వాత పెద్దింటి అబ్బాయి అనిరుధ్ (దిగంత్)ను పెళ్లి చేసుకుంటుంది. తమకు చెప్పకుండా పెళ్లి చేసుకున్నందుకు అనిరుధ్ను అతని ఫ్యామిలీ దూరం పెడుతుంది. దీంతో అతన్ని తిరిగి ఫ్యామిలీకి దగ్గర చేయాలని స్వర్ణ అనుకుంటుంది. చెల్లి పెళ్లికి భర్తతో అతని ఊరికి వెళ్లిన స్వర్ణ మంచి కోడలిగా పేరు తెచ్చుకోవాలని ఆరాటపడుతుంది.
ఇందు కోసం తన చిన్న నాటి ఫ్రెండ్ కిరణ్మయి (మంజూష) సాయం తీసుకుంటుంది. అయితే, అనుకోకుండా స్వర్ణను ఆమె గతం వెంటాడుతుంది. దీంతో ప్యామిలీకి ఇబ్బందులు ఎదురవుతాయి. అసలు స్వర్ణ ఎవరు? ఆమె జీవితంలో కరుణ (గుల్షన్ దేవయ్య) పాత్ర ఏంటి? శత్రువుల నుంచి తన ఫ్యామిలీని స్వర్ణ ఎలా కాపాడుకుంది? అనేది తెలియాలంటే సినిమా చూడాల్సిందే.
Before You Go
Gundenininda Gudigantalu Serial August 19 | ప్రభావతి, రోహిణిలకు ఊహించని షాక్
టాప్ హెడ్ లైన్స్
ట్రెండింగ్ వార్తలు
