Ritu Varma : శ్రీవిష్ణు 'స్వాగ్' లో 'పెళ్ళి చూపులు' హీరోయిన్ - మహారాణి రుక్మిణీ దేవిగా రీతూ వర్మ

Swag : శ్రీ విష్ణు హీరోగా నటిస్తున్న 'స్వాగ్' సినిమా నుంచి హీరోయిన్ రీతు వర్మ ఫస్ట్ లుక్ పోస్టర్ రిలీజ్ చేశారు మేకర్స్.

రీతు వర్మ(Image Credit : People Media Factory/Twitter)

Ritu Varma: టాలీవుడ్ అప్ కమింగ్ టాలెంటెడ్ యంగ్ హీరోల్లో ఒకరైన శ్రీ విష్ణు గత ఏడాది 'సామజవరగమన' సినిమాతో కెరీర్ లోనే బిగ్గెస్ట్ హిట్ అందుకున్నాడు. కొంతకాలంగా అపజయాలతో సతమతమవుతున్న శ్రీవిష్ణు కి ఈ సినిమా భారీ బూస్టింగ్ ఇచ్చింది. ఈ సినిమా సక్సెస్ తో ఫుల్ ఫామ్ లో ఉన్న శ్రీవిష్ణు బ్యాక్ టూ బ్యాక్ సినిమాలు చేస్తున్నాడు. ఇప్పటికే ఈ యంగ్ హీరో రెండు సినిమాలను ప్రకటించాడు. అందులో ఒకటి 'స్వాగ్'. ఇప్పటికే ఈ సినిమా నుంచి రిలీజ్ అయిన పోస్టర్, అనౌన్స్మెంట్ వీడియో మంచి రెస్పాన్స్ అందుకుంది. ఇక తాజాగా ఈ సినిమా నుంచి మరో అప్డేట్ ని అందించారు మేకర్స్.

'మహారాణి రుక్మిణీ దేవి'గా రీతూ వర్మ

'స్వాగ్' సినిమా నుంచి ఇప్పటికే శ్రీ విష్ణు ఫస్ట్ లుక్ రిలీజ్ చేశారు. ఈ లుక్ లో శ్రీ విష్ణు సరికొత్త గెటప్ తో ఆకట్టుకున్నారు. ఇక ఈ సినిమాలో శ్రీ విష్ణు సరసన రీతూ వర్మ హీరోయిన్ గా నటిస్తోంది. నేడు ఆమె పుట్టిన రోజు కావడంతో రీతు వర్మ ఫస్ట్ లుక్ ని రిలీజ్ చేస్తూ ఆమెకు బర్త్ డే విషెస్ తెలియజేశారు. 'రాజులను తలదన్నేలా మా వింజామర వంశ మహారాణి రుక్మిణి దేవికి జన్మదిన శుభాకాంక్షలు' అంటూ ఈ ఫస్ట్ లుక్ లో పేర్కొన్నారు. దాని ప్రకారం ఈ సినిమాలో రీతు వర్మ మహారాణి రుక్మిణి దేవిగా ఆకట్టుకోనుందని అర్థమవుతుంది. ఇక ఈ పోస్టర్లో రీతూ వర్మ వైట్ శారీ ధరించి, మెడ నిండా బంగారు ఆభరణాలతో మహారాణిగా సింహాసనంపై కూర్చోవడం గమనించవచ్చు. తాజాగా రిలీజ్ చేసిన రీతూ వర్మ ఫస్ట్ లుక్ ఆడియన్స్ ని ఎంతగానో ఆకట్టుకుంటోంది.

రాజులని తలదన్నే మా వింజామర వంశ మహారాణి రుక్మణీదేవి కి జన్మదిన శుభాకాంక్షలు 💐❤️- Team #SWAG

▶️https://t.co/9BpLaYIQRM#అచ్చతెలుగుసినిమా @sreevishnuoffl @riturv @vishwaprasadtg @hasithgoli @peoplemediafcy @vivekkuchibotla #KrithiPrasad #Viveksagar #VedaramanSankaran… pic.twitter.com/ovGEjCvyCH

— People Media Factory (@peoplemediafcy) March 10, 2024

'రాజ రాజ చోర' ప్రీక్వెల్ గా 'స్వాగ్'

'స్వాగ్' సినిమా శ్రీ విష్ణు నటించిన 'రాజరాజ చోర' సినిమాకి ప్రీక్వెల్ గా తెరకెక్కుతోంది. హసిత్ గోలి ఈ సినిమాని డైరెక్ట్ చేశారు. డిఫరెంట్ కాన్సెప్ట్ తో కామెడీ ని జత చేస్తూ తెరకెక్కిన ఈ సినిమా ఆడియన్స్ ని ఎంతగానో ఆకట్టుకుని బాక్సాఫీస్ వద్ద మంచి సక్సెస్ అందుకుంది. ముఖ్యంగా సినిమాలో దొంగగా శ్రీ విష్ణు తన నటనతో అదరగొట్టేసాడు. ఇందులో శ్రీ విష్ణు సరసన సునైనా, మేఘ ఆకాష్ హీరోయిన్స్ గా నటించారు. ఇప్పుడు ఇదే సినిమాకి ప్రీక్వెల్ గా 'స్వాగ్'ని తెరకెక్కిస్తున్నట్లు ఇప్పటికే అనౌన్స్ చేశారు మేకర్స్. ఇందులో అసలు హీరో దొంగ ఎలా అవుతాడు? అనే అంశాన్ని మరింత ఎంటర్టైనింగ్ గా చెప్పబోతున్నారట. 'రాజరాజ చోర' లో సునైన, మెగా ఆకాష్ హీరోయిన్స్ గా నటిస్తే 'స్వాగ్' లో మాత్రం రీతు వర్మ కథానాయికగా నటిస్తోంది. పీపుల్ మీడియా ఫ్యాక్టరీ బ్యానర్ పై టీజీ విశ్వప్రసాద్ ఈ సినిమాని నిర్మిస్తున్నారు.