Rishab Shetty : స్పైడర్ మ్యాన్తో రిషబ్ శెట్టి - నేను మీకు బిగ్ ఫ్యాన్... ఫ్యామిలీతో కలిసి మూవీకి...
Rishab Shetty Spider Man : తాను చిన్నప్పటి నుంచి స్పైడర్ మ్యాన్కు బిగ్ ఫ్యాన్ అని చెప్పారు. మార్వెల్ రూపొందించిన స్పెషల్ వీడియోలో ఆయన స్పైడర్ మ్యాన్తో కలిసి కనిపించారు.
Rishab Shetty Meets Spider Man Tom Holland : కన్నడ స్టార్, కాంతార హీరో, డైరెక్టర్, నేషనల్ అవార్డ్ విన్నర్ రిషబ్ శెట్టి తాను చిన్నప్పటి నుంచి స్పైడర్ మ్యాన్కు వీరాభిమాని అని తెలిపారు. మార్వెల్ సినిమాటిక్ యూనివర్స్ నుంచి టామ్ హాలండ్ ప్రధాన పాత్రలో నటిస్తోన్న సోలో మూవీ 'స్పైడర్ మ్యాన్ : బ్రాండ్ న్యూ డే' (Spider Man : Brand New Day). జులై 30న వరల్డ్ వైడ్గా సినిమా రిలీజ్ కానుండగా... మార్వెల్ రూపొందించిన స్పెషల్ వీడియోలో రిషబ్ శెట్టి కనిపించారు. ఇందులో ఆయన స్పైడర్ మ్యాన్ను కలుసుకుని... సూపర్ హీరోపై తన అభిమానం చాటుకున్నారు.
'ఆ రోల్ నాకు ఇన్స్పిరేషన్'
ఎన్నో ఏళ్ల క్రితం సింగిల్ స్క్రీన్ థియేటర్లలో ఫస్ట్ టైం స్పైడర్ మ్యాన్ సినిమా చూశానని తెలిపారు రిషబ్ శెట్టి. 'ఫస్ట్ టైం సినిమా చూసినప్పుడు పీటర్ పార్కర్ పాత్రతో నాకు అనుబంధం ఏర్పడింది. జీవితంలో అవమానాలు జరిగినా, కష్టాలు ఎదురైనా మనలోని మంచితనాన్ని కోల్పోకూడదని ఆ పాత్ర నాకు నేర్పింది. అత్యధిక శక్తి ఉంటే అంతే బాధ్యత కూడా ఉండాలనే సందేశం స్పైడర్ మ్యాన్ ఎప్పటికీ గుర్తు చేస్తాడు. అందుకే నా అభిమానం ఇప్పటికీ అలాగే ఉంది. ఇప్పుడు నా పిల్లలకు కూడా స్పైడర్ మ్యాన్ అంటే చాలా ఇష్టం. వాళ్ల కోసమే Spider Man : Brand New Day టికెట్లు ముందుగానే బుక్ చేశాను. అందరం కలిసి థియేటర్లో ఈ సినిమా చూడబోతున్నాం.' అని చెప్పారు.
ఈ మూవీకి డెస్టిన్ డేనియల్ క్రెట్టన్ దర్శకత్వం వహించగా... టామ్ హాలండ్ స్పైడర్ మ్యాన్గా ప్రధాన పాత్రలో నటించారు. ఆయనతో పాటు జెండయా, సాడీ సింక్, జాకబ్ బటలోన్ తదితరులు కీలకపాత్రలు పోషిస్తున్నారు. ఇప్పటివరకూ వచ్చిన మూడు పార్టులు బాక్సాఫీస్ వద్ద సంచలన విజయం సాధించాయి. జులై 30న (గురువారం) వరల్డ్ వైడ్గా ఇంగ్లిష్తో పాటు హిందీ, తమిళం, తెలుగు, కన్నడ, మలయాళం భాషల్లో ప్రేక్షకుల ముందుకు రానుంది.
Before You Go
Bigg Boss Agnipariksha Uppal Balu | అగ్నిపరీక్షపై ఉప్పల్ బాలు సంచలన వ్యాఖ్యలు
టాప్ హెడ్ లైన్స్
ట్రెండింగ్ వార్తలు
