Renu Desai: నాకు హార్ట్ ప్రాబ్లమ్ ఉంది, అకీరాకు అలాంటివి నచ్చవు.. ఆ నిర్ణయం తీసుకుంటే నేనే చెబుతా: రేణూ దేశాయ్

Renu Desai: రేణూ దేశాయ్.. తన పిల్లల గురించి ఒక ఇంటర్వ్యూలో మాట్లాడారు. కుమారుడు అకీరా, కూతురు ఆధ్య ఇంట్రెస్ట్స్ ఏంటి అని బయటపెట్టారు. అంతే కాకుండా తన ఆరోగ్య సమస్య గురించి కూడా చెప్పుకొచ్చారు.

రేణూ దేశాయ్ (Image Credit: Renu Desai/Instagram)

Renu Desai About Akira And Aadhya: పవర్ స్టార్ పవన్ కళ్యాణ్ మాజీ భార్య రేణు దేశాయ్.. సోషల్ మీడియాలో యాక్టివ్‌గా ఉంటూ తనకు నచ్చినప్పుడు పవన్ గురించి కామెంట్స్ చేస్తూనే ఉంటారు. దానివల్ల ఆమె పవన్ ఫ్యాన్స్ నుంచి ఎంతో నెగిటివిటీ కూడా ఎదుర్కున్నారు. ఇక కొన్నిరోజుల క్రితం రేణూ దేశాయ్ పాల్గొన్న ఒక ఇంటర్వ్యూలో తన పర్సనల్ లైఫ్ గురించి మరెన్నో విషయాలు షేర్ చేసుకున్నారు. అంతే కాకుండా తమ పిల్లలు ఆధ్య, అకీరా భవిష్యత్తు ప్లానింగ్ గురించి కూడా మాట్లాడారు. అకీరా సినీ ఎంట్రీపై కూడా రేణూ ఆసక్తికర వ్యాఖ్యలు చేశారు. తను సినిమాలు సైన్ చేయకపోవడానికి ఆరోగ్య సమస్యే కారణమని అన్నారు.

చిన్నప్పటి నుండే..

‘‘నాకు ఆరోగ్యం బాలేదు. కొన్నిరోజుల పాటు నేను రెస్ట్ తీసుకుందామనుకుంటున్నాను. అందుకే సినిమాలు సైన్ చేయడం లేదు. ముందు ఈ ఆరోగ్య సమస్య మా నాన్నమ్మకు ఉండేది, తర్వాత నాన్నకు ఉంది. ఇప్పుడు నాకు వచ్చింది. నాకు మయోకార్డల్ బ్రిడ్జింగ్ అనే సమస్య ఉంది. దాని వల్ల గుండె చాలా స్పీడ్‌గా కొట్టుకుంటుంది. పుట్టుకతో నా గుండె అలాగే ఉంది. కానీ నాకు ఈమధ్యే తెలిసింది. ఎక్కువ నడిస్తే ఆయాసం రావడం, హార్ట్ బీట్ ఎక్కువ అవ్వడం వల్ల ఈ సమస్య గురించి బయటపడింది. ఈ ఆరోగ్య సమస్యకు మందులు వేసుకోవడం వల్లే నేను చాలా లావు అయ్యాను. నాకు ట్రాకీ కార్డియా, అరెథ్మియా, ఎటోపిక్ హార్ట్ బీట్స్, బ్రిడ్జింగ్.. ఇన్ని సమస్యలు ఉన్నాయి. కాబట్టి నేను చాలా జాగ్రత్తగా ఉండాలి’’ అంటూ తన ఆరోగ్య సమస్య గురించి బయటపెట్టారు రేణూ దేశాయ్.

నేనే ప్రకటిస్తాను..

తన పిల్లలు ఆధ్య, అకీరా గురించి కూడా రేణూ దేశాయ్ మాట్లాడారు. వాళ్ల మనస్థత్వాల గురించి చెప్పుకొచ్చారు. ‘‘ఆధ్య, అకీరా.. ఇద్దరికీ మంచి ఫ్రెండ్స్ ఉన్నారు. అకీరా చాలా ప్రశాంతంగా ఉంటాడు. యోగా, కలరిపయట్టు లాంటివి చేస్తుంటాడు. ఇప్పటికీ ఈ విషయం వందసార్లు చెప్పాను. ఇప్పటివరకు అకీరాకు యాక్టింగ్ అంటే ఇంట్రెస్ట్ లేదు, హీరో అవ్వడానికి ఇంట్రెస్ట్ లేదు. ఒకవేళ తన ఆలోచన ఎప్పుడు మారితే అప్పుడు నేను ఇన్‌స్టాగ్రామ్‌లో ఆ విషయం ప్రకటిస్తాను. ప్రేక్షకులు వాళ్లలో వాళ్లు అనుకోవడం మానేయాలి. అకీరా ఇప్పటివరకు ఏ ప్రాజెక్ట్ సైన్ చేయలేదు. తన అన్నదమ్ముళ్లు, నిర్మాతలు ఎవరూ తనను సినిమాల కోసం సిద్ధం చేయడం లేదు’’ అని చెప్పుకొచ్చారు రేణూ.

మ్యూజిక్ డైరెక్టర్‌కు అసిస్టెంట్‌గా..

‘‘అకీరా నటిస్తే నేనే బ్యాండ్ బాజాతో తను హీరో అవుతున్నాడని ప్రకటిస్తాను. ప్రతీ రెండు నెలలకు తను ఏదో ఒక సినిమాలో యాక్ట్ చేస్తున్నాడని మాట్లాడుకుంటున్నారు. ఒకవేళ అందరూ నన్ను అడుగుతున్నారు ఏం చెప్పను అని తనను అడిగినా కూడా అమ్మ నేను హీరో అవ్వాలని అనుకోవడం లేదు అంటాడు. భవిష్యత్తులో ఇంట్రెస్ట్ వస్తుందా అంటే భవిష్యత్తు గురించి నాకెలా తెలుస్తుంది అంటాడు. తనకు మ్యూజిక్ అంటే చాలా ఇష్టం. పియానో చాలా బాగా ప్లే చేస్తాడు. కొంతకాలం వేరే మ్యూజిక్ డైరెక్టర్లకు అసిస్టెంట్‌గా చేశాడు. ఎక్కువగా హెల్త్ మీద శ్రద్ధ తీసుకుంటాడు. స్మోకింగ్, డ్రింకింగ్ అస్సలు నచ్చదు’’ అంటూ తన కొడుకు గురించి గర్వంగా చెప్పారు రేణూ దేశాయ్.