Operation Raavan: చంపిన శవాన్ని కూడా ద్వేషిస్తున్నాడు - ఇంతకి హంతకుడు ఎవరు?, ఉత్కంఠ పెంచుతున్న ఆపరేషన్ రావణ్ ట్రైలర్
Operation Raavan Trailer Out: రక్షిత్ అట్లూరి హీరోగా క్రైం థ్రిల్లర్గా తన తండ్రి దర్శకత్వంలో తెరకెక్కుతున్న చిత్రం 'ఆపరేషన్ రావణ్'. తాజాగా ఈ మూవీ ట్రైలర్ను రిలీజ్ చేసింది మూవీ టీం.
Operation Raavan Trailer Release: రక్షిత్ అట్లూరి హీరోగా నటించిన తాజా చిత్రం ‘ఆపరేషన్ రావణ్’. సీనియర్ నటి రాధికా శరత్కుమార్ కీలక పాత్ర పోషించారు. ఈ సినిమాకు స్వయంగా రక్షిత్ తండ్రి వెంకట సత్య దర్శకత్వం వహించడం విశేషం. ఈ చిత్రంతోనే ఆయన డైరెక్టర్గా పరిచయం కాబోతున్నారు. ఆగస్ట్ 2న మూవీ విడుదల కానుంది. ఈ నేపథ్యంలో మూవీ ప్రమోషన్స్లో భాగంగా మూవీ ట్రైలర్ రిలీజ్ చేసింది చిత్ర బృందం. తాజాగా విడుదలైన ఈ ట్రైలర్ సస్పెన్స్తో ఆద్యాంతం ఆసక్తిని పెంచుతుంది.
నేడు హైదరాబాద్లో జరిగిన ట్రైలర్ లాంచ్ ఈ ఈవెంట్కి యంగ్ హీరో విశ్వక్ సేన్ ముఖ్య అతిథిగా హాజరై ట్రైలర్ను విడుదల చేశాడు. ‘ఈ చదరంగంలో కపటత్వం, అసత్యం, అతి తెలివితేటలు ఒక్క సెగ్మెట్తో ముగిసిపోతాయి. ఆ దేవుడి ఆట ముగిస్తే అన్ని ఒక్క చోటుకి చేరిపోతాయి’ అనే ఓ గంభీరమైన గొంతుతో ట్రైలర్ ప్రారంభం అవుతుంది. ఆ తర్వాత ఈ సిటీలో ఎప్పుడు లేనటువంటిగా ఓ సీరియల్ కిల్లర్ .. అంటూ జర్నలిస్ట్ మూర్తి కనిపించడం ఆసక్తిగా పెంచింది.
సిటీలో వరుస హత్యలు జరగడం.. ఆ సీరియల్ కిల్లర్ పట్టుకునేందుకు పోలీసులు ప్రయత్నించడం.. హీరో ఛేజింగ్.. ఇలా ట్రైలర్ ఆద్యంతం ఆసక్తికరంగా సాగింది. అసలు ఈ కిల్లర్ ఎవరూ, అతడు ఈ హత్యలు చేయడానికి కారణం ఏంటీ? అనేది సస్పెన్స్. మొత్తానికి క్రైం థ్రిల్లర్గా వచ్చిన ఈ ట్రైలర్ సస్పెన్స్ పెంచుతూ ఉత్కంఠగా సాగింది. ఇక ట్రైలర్ చివరిలో "చంపిన శవాన్ని కూడా ద్వేషిస్తున్నాడు.." అనే డైలాగ్ ఆసక్తిని పెంచుతుంది. ఇంతకి ఆ సీరియల్ కిల్లర్ ఎవరు? దారుణ హత్యల వెనుక ఉన్న కారణం ఏంటి? అనేది తెలియాలంటే ‘ఆపరేషన్ రావణ్’ చిత్రం చూడాల్సిందే. ధ్యాన్ అట్లూరి నిర్మాణంలో తెరకెక్కుతున్న ఈ సినిమాను న్యూ ఏజ్ సస్పెన్స్ థ్రిల్లర్గా దర్శకుడు వెంకట సత్య రూపొందిస్తున్నారు. సంగీర్తన విపిన్ హీరోయిన్గా నటిస్తోంది. ఈ క్రైమ్ సస్పెన్స్ థ్రిల్లర్ మూవీలో తమిళ నటుడు విద్యా సాగర్, రాధికా శరత్ కుమార్, చరణ్ రాజ్, రఘు కుంచే వంటి ఇతర నటీనటులు కీలక పాత్రలు పోషిస్తున్నారు. ఇక ఆగస్ట్ 2న తెలుగుతో పాటు తమిళంలో ఈ మూవీ విడుదల కానుంది.
Also Read: చావును ఎదిరించే వాళ్లకు మాత్రమే ఇక్కడ జీవితం - ఉత్కంఠ పెంచుతున్న 'తంగలాన్' ట్రైలర్
టాప్ హెడ్ లైన్స్
ట్రెండింగ్ వార్తలు
