Rahul Ramakrishna: ఖాళీ థియేటర్లు... చెత్త సినిమాలు... రాహుల్ రామకృష్ణ సెన్సేషనల్ ట్వీట్లు

Rahul Ramakrishna Latest Tweet: ప్రస్తుత తెలుగు సినిమాల గురించి రాహుల్ రామకృష్ణ సెన్సేషనల్ ట్వీట్లు చేశారు. ఖాళీ థియేటర్ల నుంచి ఆడియన్స్ వరకు ఆయన మాట్లాడారు.

తెలుగు దర్శక నిర్మాతలు అహంకారాన్ని పక్కన పెట్టాలని, క్వాలిటీ సినిమాలు తీయాలని రాహుల్ రామకృష్ణ పేర్కొన్నారు.

Source : https://www.instagram.com/weirddivide/

ప్రస్తుతం తెలుగు చలన చిత్ర పరిశ్రమ (Tollywood) అత్యంత కఠినమైన పరిస్థితిని ఎదుర్కొంటోంది. ప్రతి ఏడాదీ సమ్మర్ సీజన్ అంటే స్టార్ హీరోల సినిమాలు, మరీ ముఖ్యంగా బాక్స్ ఆఫీస్ దగ్గర కాసుల గలగలలు వినిపించేవి. ముఖ్యంగా ఈ ఏడాది (2026) వేసవిలో స్టార్ హీరోల సినిమాలు లేకపోవడం వల్ల థియేటర్లు ఖాళీ ఖాళీగా ఉన్నాయి. ప్రేక్షకుల లేక వెలవెలబోతున్నాయి. ఇప్పుడు ప్రేక్షకులు ఆలోచనల్లో కూడా మార్పులు రావడం వల్ల టాలీవుడ్ బాక్సాఫీస్ దగ్గర కాసుల గలగల లేదు. ప్రతి సినిమాకు ప్రేక్షకులు రావడం లేదు. దాంతో నిరాశాజనకమైన పరిస్థితి కనబడుతోంది. ఈ పరిస్థితిపై నటుడు రాహుల్ రామకృష్ణ (Rahul Ramakrishna) సోషల్ మీడియా నెట్వర్కింగ్ సైట్ 'ఎక్స్' (ట్విట్టర్)లో చేసిన కామెంట్ చేశారు. అది పెద్ద చర్చకు దారి తీసే అవకాశం ఉంది. ఇంతకీ, ఆయన ఏమన్నారంటే?

ఖాళీ థియేటర్లు... ప్రేక్షకులు ఇచ్చిన తీర్పు
"ఖాళీగా ఉన్న థియేటర్లు మనం చేసే పని (తీసే సినిమాలు) ఎంత దారుణంగా ఉందో చెప్పడానికి నిజాయితీగా ఇచ్చే తీర్పు" అని రాహుల్ రామకృష్ణ కుండ బద్దలు కొట్టినట్టు చెప్పారు. ఇంకా ఆయన మాట్లాడుతూ... ''ప్రస్తుతం ప్రజలు అలవాటు పడిన మోడ్రన్ లైఫ్ లో సాధారణ మనిషి సినిమాకు రావాలంటే చాలా కష్టం. ప్రేక్షకుడి ముందు చాలా ఉన్నాయ్. భయంకరమైన వేసవి ఎండలు, ట్రాఫిక్ సమస్యలు, పెరుగుతున్న పెట్రోల్ ధరలు, పార్కింగ్ ఖర్చులు, పన్నులు, థియేటర్లలో స్నాక్స్ రేట్లు వంటివి జనాలను థియేటర్లకు రాకుండా చేస్తున్నాయి. వీటిని దాటుకుని ప్రేక్షకులు థియేటర్లకు రావాలంటే... ఫోనులో చూడలేని గొప్ప దృశ్య కావ్యంలా సినిమా ఉండాలి. లేదా అద్భుతమైన అనుభూతిని ఇచ్చేలా ఉండాలి'' పేర్కొన్నారు.

So, unless we can justify the ticket price with some awe-inspiring spectacular event that cannot be easily replicated on a phone screen, it is high time we sincerely introspect on how to really reward the audience’s patience.
You can’t insult them and then demand gratitude.

— Rahul Ramakrishna (@eyrahul) May 12, 2026

ఫిల్మ్ మేకర్స్ అహంకారాన్ని పక్కన పెట్టండి!
Rahul Ramakrishna advice to filmmakers: దర్శక నిర్మాతలు తమ అహంకారాన్ని పక్కన పెట్టాలని రాహుల్ రామకృష్ణ సూచించారు. ప్రేక్షకులు ఏమీ సినిమా మేకింగ్ టెక్నిక్స్‌ని అర్థం చేసుకోలేనంత తెలివితక్కువ వారు కాదని చెప్పారు. ప్రేక్షకులను తక్కువ అంచనా వేయడం, వాళ్లకు ఏమీ తెలియదని భావించడం పెద్ద తప్పు అని ఆయన హెచ్చరించారు. డిజిటలైజేషన్ కారణంగా ప్రతి ఒక్కరికీ కెమెరా టెక్నీక్స్, సినిమా తీసే విధానంపై పూర్తి అవగాహన వచ్చిందన్నారు. అందువల్ల ప్రేక్షకులను తక్కువ అంచనా వేయొద్దన్నారు. క్వాలిటీ సినిమాలు ప్రేక్షకులకు అందించడం మీద దృష్టి పెట్టాలని దర్శక నిర్మాతలకు సలహా ఇచ్చారు.

టికెట్ రేట్స్ మీద పునఃసమీక్షించుకోవాలని రాహుల్ రామకృష్ణ కోరారు. ప్రేక్షకుల గౌరవించేలా సినిమాలు ఉండాలన్నారు. ప్రేక్షకులను అవమానిస్తూ కృతజ్ఞత ఆశించడం, సినిమాలకు ఆదరణ ఉండాలని కోరుకోవడం సరికాదని ఆయన స్పష్టం చేశారు. ప్రతి ఒక్కరూ తమ తమ సినిమాలపై ఆత్మపరిశీలన చేసుకోవడానికి ఇది సరైన సమయమని 'ఎక్స్'లో రాహుల్ రామకృష్ణ పోస్ట్ చేశారు. ఇటీవల విడుదలైన కొన్ని సినిమాలు చూశాక ట్వీట్స్ చేశానని తెలిపారు. తన అభిప్రాయాలను వెల్లడించడంతో రాహుల్ రామకృష్ణ ఎప్పుడూ మొహమాటపడరు. అయితే కాంగ్రెస్ ప్రభుత్వం మీద గతంలో విమర్శలు చేసి ట్రోలింగ్ తట్టుకోలేక ఆ ట్వీట్లు డిలీట్ చేశారు.

Tweeting this after having watched an ENTIRE SEASON of films go kaput at the theatres. That’s it, that’s the only context. Add to it the general dissatisfaction of having to work with redundant material, outdated practices and inflated egos- that’s the reason for my twitter rants

— Rahul Ramakrishna (@eyrahul) May 12, 2026