Preethi Pagadala: మా నాన్న ముద్దు సీన్లు వద్దన్నారు, అయినా వాళ్లు వినలేదు: ఇన్ఫ్లుయెన్సర్ ప్రీతి పగడాల
Preethi Pagadala: టాలీవుడ్లో మరో ఇన్స్టాగ్రామ్ ఇన్ఫ్లుయెన్సర్.. హీరోయిన్గా మారింది. తనే ప్రీతి పగడాల. త్వరలోనే హీరోయిన్గా వెండితెరపై వెలగనున్న ఈ భామ.. తన తండ్రికి ఇచ్చిన మాట గురించి బయటపెట్టింది.
Instagram Influencer Preethi Pagadala: గత కొన్నేళ్లలో ఎంతోమంది సోషల్ మీడియా ఇన్ఫ్లుయెన్సర్స్, యూట్యూబ్ సెన్సేషన్స్ సినిమాల్లో అడుగుపెట్టి తమ అదృష్టాన్ని పరీక్షించుకున్నారు. అందరిలాగా ఒకే కంటెంట్ను ఫాలో అవ్వకుండా తమకంటూ కొత్త కంటెంట్ను క్రియేట్ చేసుకొని ఎక్కువమంది నెటిజన్లు ఆకట్టుకున్న ఇన్ఫ్లుయెన్సర్స్ ఎంతోమంది.. ప్రస్తుతం వెండితెరపై కనిపిస్తున్నారు. ఇప్పుడు ఆ లిస్ట్లోకి ప్రీతి పగడాల కూడా యాడ్ అయ్యింది. అమెరికన్ స్లాంగ్లో తెలుగులో మాట్లాడుతూ లైఫ్స్టైల్ వీడియోలు షేర్ చేసేది ప్రీతి. ఇక ఇండస్ట్రీలో హీరోయిన్గా పరిచయమవుతుండగా పలు ఆసక్తికర విషయాలు బయటపెట్టింది.
గ్లామర్ పాత్రలు ఓకే..
టాలీవుడ్లో చైల్డ్ ఆర్టిస్ట్గా పరిచయమయ్యి.. హాలీవుడ్లో తనకంటూ ఓ గుర్తింపు తెచ్చుకుంది అవంతిక. ఇక అవంతిక లాగానే ప్రీతి కూడా ఒక ఇండో అమెరికన్. అందుకే తన తెలుగు అలా ఉండేది. అమెరికన్ స్లాంగ్లో వీడియోలు చేయడంతో ప్రీతి వైరల్ అయ్యింది. త్వరలోనే తను హీరోయిన్గా నటించిన ‘పతంగ్’ కూడా ప్రేక్షకుల ముందుకు రానుంది. ఇదే సందర్భంలో తాను పాల్గొన్న ఒక ఇంటర్వ్యూలో గ్లామర్ పాత్రలు చేయడంపై తన అభిప్రాయాన్ని వ్యక్తం చేసింది ప్రీతి. ‘‘ఇప్పటికే గ్లామర్ పాత్రల కోసం నన్ను అప్రోచ్ అయ్యారు. గ్లామర్ అంటే ఓకే కానీ ఇంటిమేట్ సీన్స్ మాత్రం చేయను. నాన్న మాత్రం ముద్దు సీన్స్ అసలు చేయొద్దు అని చెప్పారు’’ అంటూ తన తండ్రి గురించి చెప్పుకొచ్చింది.
వరుసగా ఫోన్లు..
‘‘మా నాన్న నన్ను నమ్మి ఇంత దూరం పంపారు. ఆయన చెప్పిన ఒక్క మాట దాటకుండా ఉండలేనా అని అనుకున్నాను. ఆయన మీద గౌరవంతో నేను సినిమాల్లో ముద్దు సీన్స్ చేయకూడదని అనుకుంటున్నాను. అది ఎలాగైనా కచ్చితంగా చేయాల్సిందేమీ కాదు. చిన్న బట్టలు వేసుకోవడంలో అయితే నాకేం ప్రాబ్లమ్ లేదు. ముద్దు సీన్ చేయను అని చెప్పినా వినకుండా ఒక మూవీ టీమ్ దాదాపు రెండు వారాలు ఫోన్లు చేశారు. మంచి డైరెక్టర్, మంచి మూవీ అని చెప్పి ఒప్పించడానికి ప్రయత్నించారు. అయినా నో చెప్పాను. పదేళ్ల తర్వాత నేను పెద్దదాన్ని అయ్యి, నేనేం చేయాలో మా నాన్న చెప్పకుండా ఉన్నప్పుడు అలాంటి సీన్స్ చేస్తానేమో. అప్పుడు ఎవరూ పట్టించుకోరు’’ అంటూ తన అభిప్రాయాన్ని వ్యక్తం చేసింది ప్రీతి పగడాల.
ఇబ్బందేమీ లేదు..
తనను సినిమా అవకాశాల కోసం సంప్రదిస్తున్న సమయంలో ఇబ్బందికరమైన ఎక్స్పీరియన్స్ అయితే ఏమీ ఎదురవ్వలేదని తెలిపింది ప్రీతి. ఒకవేళ తనకు సినిమా చేయాలని అనిపించకపోతే మా నాన్న ఒప్పుకోవడం లేదు అంటూ తన తండ్రి మీద తోసేస్తానని బయటపెట్టింది. ఇన్స్టాగ్రామ్లో ప్రొడక్ట్స్కు ప్రమోషన్స్ చేస్తే.. తనను పూర్తిగా ఇన్ఫ్లుయెన్సర్ అని ఫిక్స్ అయిపోతారని, సినిమాల్లో అవకాశాలు తగ్గుతాయని అభిప్రాయం వ్యక్తం చేసింది ప్రీతి. ప్రస్తుతం తనకు హాలీవుడ్ గురించి, అక్కడ జరిగే ఆడిషన్స్ గురించి ఇంకా ఏమీ తెలియదని, దానికి ప్రయత్నించాలంటే సమయం పడుతుందని చెప్పింది. ఇక తను హీరోయిన్గా లాంచ్ అవుతున్న ‘పతంగ్’.. సమ్మర్లో విడుదల అవ్వడానికి సన్నాహాలు జరుగుతున్నాయి.
Also Read: అల్లు అర్జున్ మూవీలో ఆ పాత్ర చెయ్యాలన్నారు - ఏదో తేడా కొడుతుందని వద్దన్నా: హీరో విశాల్
టాప్ హెడ్ లైన్స్
ట్రెండింగ్ వార్తలు
