Bigg Boss 8 Winner Nikhil: ట్రెండింగ్‌లో 'బిగ్ బాస్ 8' విన్నర్ నిఖిల్ వీడియో సాంగ్... మలయాళ భామతో 'తేనెల వానలా'

Thenela Vanala Song: 'బిగ్ బాస్ తెలుగు' సీజన్ 8 విన్నర్ నిఖిల్ గుర్తుకు ఉన్నారా? ఇప్పుడు ఆయన ఓ ఇండిపెండెంట్ మ్యూజికల్ వీడియో సాంగ్ చేశారు. ప్రజెంట్ అది ట్రెండింగ్‌లో ఉంది.

బిగ్ బాస్ విన్నర్ నిఖిల్ కొత్త పాట: మలయాళ భామతో రొమాన్స్.. యూట్యూబ్ లో ట్రెండింగ్!

Source : https://www.youtube.com/watch?v=apAgFs-hQIY

'బిగ్ బాస్ తెలుగు 9' రసవత్తరంగా సాగుతోంది. దీనికి ముందు సీజన్... 'బిగ్ బాస్ తెలుగు 8' విన్నర్ గుర్తు ఉన్నారా? రియాలిటీ షోలో విజేతగా నిలవడానికి కంటే ముందు సీరియల్స్ ద్వారా బుల్లితెర వీక్షకులను ఆకట్టుకున్నారు. ఇప్పుడు ఆయన ఓ ప్రయివేట్ మ్యూజికల్ ఆల్బమ్ సాంగ్ చేశారు. ప్రస్తుతం ఆ సాంగ్ వీడియో యూట్యూబ్‌లో ట్రెండింగ్‌లో ఉంది.  

మలయాళ భామతో నిఖిల్ స్టెప్పులు
ప్రస్తుతం ప్రైవేట్ సాంగ్స్ హవా నడుస్తోన్న సంగతి తెలిసిందే. నిఖిల్ కూడా ఓ సాంగ్ చేశారు. 'తేనెల వానలా...' అంటూ సాగే తెలుగు రొమాంటిక్ మెలోడీ గీతాన్ని నవంబర్ 20న విడుదల చేశారు. కార్వార్, గోవాలోని అద్భుతమైన నేచురల్ లొకేషన్లలో సాంగ్ షూట్ చేశారు. సముద్ర తీరంలోని ఆ విజువల్స్ అందరినీ ఆకట్టుకుంటున్నాయి.

'తేనెల వానలా...' పాటలో మలయాళ భామ ప్రాచీ తెహ్లాన్ (Prachi Tehlan)తో నిఖిల్ స్టెప్పులు వేశారు. ఈ పాటలో ఆవిడ ఎంతో అందంగా కనిపించారు. మామూలుగా ప్రాచీని 'క్వీన్ ఆఫ్ ది కోర్ట్' అని పిలుస్తారు. నిజ జీవితంలో ఆవిడ ఇండియన్ నెట్ బాల్ టీం నేషనల్ ప్లేయర్. ఈ పాటలో ప్రాచీ తెహ్లాన్ తన అందం, నటన, స్క్రీన్ ప్రజెన్స్‌తో ఆకట్టుకుంటోంది.

ప్రాచీ తెహ్లాన్, నిఖిల్ మలయక్కల్ జంట కెమిస్ట్రీ 'తేనెల వానలా...' మెలోడీకి స్పెషల్ ఎట్రాక్షన్‌గా నిలిచింది. ఈ పాటకు యశ్వంత్ కుమార్ జీవకుంట్ల నృత్య దర్శకత్వం వహించగా... పాలచర్ల సాయి కిరణ్ సినిమాటోగ్రఫీ అందించారు. జీ మ్యూజిక్ సంస్థ 'తేనెల వానలా' పాటనునిర్మించింది. ఆ సంస్థ యూట్యూబ్ ఛానల్‌లో పాట ప్రసారం అవుతోంది. ఈ పాటకు చరణ్ అర్జున్ సంగీతం సమకూర్చగా... వీహ ఆలపించింది.