The Raja Saab Collections : ప్రభాస్ ది రాజా సాబ్ కలెక్షన్స్ - నాలుగు రోజుల్లోనే 200 కోట్ల క్లబ్‌లో డార్లింగ్ హారర్ ఫాంటసీ

‌The Raja Saab Day 4 Collections : ప్రభాస్ 'ది రాజా సాబ్' బాక్సాఫీస్ వద్ద దూసుకెళ్తోంది. 4 రోజుల్లోనే 200 కోట్ల క్లబ్‌లో చేరింది. అటు ఓవర్సీస్‌లోనూ టికెట్ బుకింగ్స్‌లో అదరగొడుతోంది.

'ది రాజా సాబ్' 4 రోజుల కలెక్షన్స్

Source : https://www.instagram.com/p/DTcQBhWkd9p/?hl=en

Prabhas's The Raja Saab Four Days Worldwide Collections : పాన్ ఇండియా స్టార్ ప్రభాస్ రీసెంట్ హారర్ ఫాంటసీ థ్రిల్లర్ 'ది రాజా సాబ్' మంచి కలెక్షన్స్‌తో దూసుకెళ్తోంది. ఫస్ట్ డే మిక్స్‌డ్ టాక్ వచ్చినా ప్రభాస్ ఓల్డ్ గెటప్ సీన్స్ యాడ్ చేసినప్పటి నుంచీ సూపర్ రెస్పాన్స్ వస్తోంది. ఫస్ట్ డేనే 100 కోట్ల కలెక్షన్స్ దాటేసిన మూవీ 4 రోజుల్లో 200 కోట్ల క్లబ్‌లో చేరింది.

4 రోజుల్లో కలెక్షన్స్ ఎంతంటే?

'ది రాజా సాబ్' నాలుగు రోజుల్లోనే వరల్డ్ వైడ్‌గా రూ.201 కోట్ల గ్రాస్ వసూళ్లు సాధించినట్లు మూవీ టీం వెల్లడించింది. 'టాలీవుడ్ సంక్రాంతి పండుగ సీజన్‌లో బిగ్గెస్ట్ బ్లాక్ బస్టర్ హవా కొనసాగుతోంది.' అంటూ చిత్ర నిర్మాణ సంస్థ పీపుల్ మీడియా ఫ్యాక్టరీ స్పెషల్ పోస్టర్ రిలీజ్ చేసింది. ముఖ్యంగా ఫ్యామిలీ ఆడియెన్స్, పిల్లలు మూవీని బాగా ఎంజాయ్ చేస్తున్నట్లు తెలిపింది.

ఫస్ట్ డే ప్రపంచవ్యాప్తంగా 112 కోట్ల వసూళ్లు సాధించింది. ఇండియావ్యాప్తంగా 100 కోట్లకు పైగా నెట్ కలెక్షన్స్ సాధించినట్లు సమాచారం. ఆన్ లైన్ టికెట్ బుకింగ్ ప్లాట్ ఫామ్స్‌లో మూవీకి భారీగా టికెట్ బుకింగ్స్ జరుగుతున్నాయి. ఇదే ట్రెండ్ కొనసాగిస్తూ ఫస్ట్ వీక్ బాక్సాఫీస్ వద్ద హ్యూజ్ నెంబర్ క్రియేట్ చేసేందుకు 'రాజా సాబ్' రెడీ అవుతోందని మూవీ టీం చెబుతోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by @peoplemediafactory

మూవీలో ప్రభాస్ సరసన నిధి అగర్వాల్, రిద్ధి కుమార్, మాళవిక మోహనన్ హీరోయిన్స్‌‌గా నటించారు. బాలీవుడ్ యాక్టర్ సంజయ్ దత్ విలన్ రోల్ చేశారు. వీరితో పాటే జరీనా వహాబ్, వీటీవీ గణేష్, సత్య, సప్తగిరి, బొమ్మన్ ఇరానీ, ప్రభాస్ శ్రీను తదితరులు కీలక పాత్రలు పోషించారు. మారుతి దర్శకత్వం వహించగా... తమన్ మ్యూజిక్ అందించారు. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ నిర్మించారు. ప్రభాస్ ఓల్డ్ గెటప్, యాక్టింగ్, యాక్షన్ సీక్వెన్స్ అదిరిపోయాయని ఫ్యాన్స్ కామెంట్స్ చేస్తున్నారు.

స్టోరీ ఏంటేంటే?

దేవనగర సంస్థాన ఒకప్పటి జమీందార్ గంగాదేవి (జరీనా వహాబ్) తన మనవడు రాజు అలియాస్ రాజా సాబ్ (ప్రభాస్)తో కలిసి సాధారణ జీవితం గడుపుతూ ఉంటుంది. నానమ్మ అంటే రాజా సాబ్‌కు ప్రాణం. అయితే, వయసు ప్రభావంతో తన గతం అంతా మర్చిపోయిన గంగాదేవి తన భర్త కనకరాజు (సంజయ్ దత్) ను మాత్రం గుర్తించుకుంటుంది. తన కలలో వస్తున్న తాతను తన దగ్గరకు తీసుకురావాలంటూ మనవడిని అడుగుతుంది.

అలాంటి టైంలో కనకరాజు హైదరాబాద్‌లో ఉన్నాడని తెలిసి రాజా సాబ్ అక్కడకు వెళ్తాడు. అలా వెళ్లిన రాజు నర్సాపూర్‌లోని ఓ పాడుపడిన కోటలో చిక్కుకుంటాడు. ఎన్నో మార్మిక విద్యలు తెలిసిన కనకరాజు రాజా సాబ్‌ను చంపాలనుకుంటాడు. ఈ క్రమంలో రాజా సాబ్ తన తాతయ్యను ఎలా ఎదుర్కొన్నాడు? అసలు కనకరాజు, గంగాదేవిల గతం ఏంటి? రాజా సాబ్ జీవితంలోకి వచ్చిన భైరవి (మాళవిక మోహనన్), అనిత (రిద్ధి కుమార్), బ్లెస్సీ (నిధి అగర్వాల్) ఎవరు? అనేది తెలియాలంటే మూవీ చూడాల్సిందే.

మరిన్ని చదవండి

'భర్త మహాశయులకు విజ్ఞప్తి' వచ్చేది ఆ ఓటీటీలోకే - ఈ టీవీ ఛానల్‌లో రవితేజ మూవీ చూసెయ్యండి