Prabhas: ప్రభాస్‌తో మూడు పాన్ ఇండియా ఫిలిమ్స్... 'సలార్ 2' నుంచి మొదలు పెడితే - హోంబలే నుంచి బిగ్ అప్డేట్
Prabhas Upcoming Movies List: ప్రభాస్ అప్ కమింగ్ మూవీస్ లిస్టులో మరో రెండు యాడ్ అయ్యాయి. ఆయనతో తీయబోయే సినిమాల గురించి బిగ్ అప్డేట్ ఇచ్చింది హోంబలే ఫిలిమ్స్. అది ఏమిటంటే?
బాహుబలి... భారతీయ బాక్సాఫీస్ బాహుబలి ప్రభాస్ (Prabhas) హీరోగా సినిమాలు తీయడానికి నిర్మాతలు క్యూ కడుతున్నారు. ఆయన ఓకే అంటే ఎన్ని వందల కోట్లు అయినా బడ్జెట్ పెట్టడానికి రెడీగా ఉన్నారు. అటువంటి ప్రభాస్ చేత మూడు సినిమాలు చేసే అవకాశం కన్నడ ప్రొడక్షన్ హౌస్ హోంబలే ఫిలిమ్స్ సొంతం చేసుకుంది. ఆ వివరాల్లోకి వెళితే...
హోంబలేలో బ్యాక్ టు బ్యాక్ మూడు సినిమాలు!
హోంబలే ఫిలిమ్స్ (Hombale Films)... తెలుగు ప్రేక్షకులకు ఈ కన్నడ ప్రొడక్షన్ హౌస్ కొత్త ఏమీ కాదు. కన్నడ రాక్ స్టార్ యష్ హీరోగా 'కేజిఎఫ్' తీసి పాన్ ఇండియా హిట్ అందుకున్నారు. ఆ తరువాత 'కాంతార', 'కేజిఎఫ్ 2' సినిమాలతో మరో రెండు భారీ విజయాలు సొంతం చేసుకున్నారు. రెబల్ స్టార్ ప్రభాస్ హీరోగా ప్రశాంత్ నీల్ దర్శకత్వంలో 'సలార్' ప్రొడ్యూస్ చేసింది కూడా ఈ సంస్థే.
ఇప్పుడు ప్రభాస్ కథానాయకుడిగా మూడు భారీ పాన్ వరల్డ్ సినిమాలు ప్రొడ్యూస్ చేయడానికి రెడీ అయింది హోంబలే ఫిలిమ్స్ సంస్థ. ప్రభాస్, ప్రశాంత్ నీల్ కాంబినేషన్ మరోసారి రిపీట్ కానుంది. వాళ్లిద్దరూ కలిసి 'సలార్' సీక్వెల్ చేయనున్నారు. ఆ సినిమాను హోంబలే ఫిలింస్ ప్రొడ్యూస్ చేస్తుంది. దాని తర్వాత బ్యాక్ టు బ్యాక్ మరో రెండు సినిమాలు చేయడానికి రెడీ అవుతోంది. ఆ విషయాన్ని ఇవాళ వెల్లడించారు. 2026, 2027, 2028లో ఆ మూడు సినిమాలు విడుదల అవుతాయని తెలిపారు. ప్రొడక్షన్ హౌస్ అనౌన్స్ చేసిన వివరాల ప్రకారం 'సలార్' సీక్వెల్ 2026 (Salaar 2 Release Date)లో ప్రేక్షకుల ముందుకు రానుంది.
𝐌𝐚𝐝𝐞 𝐢𝐧 𝐈𝐧𝐝𝐢𝐚 𝐚𝐧𝐝 𝐁𝐮𝐢𝐥𝐭 𝐭𝐨 𝐋𝐚𝐬𝐭!#PrabhasXHombal3Films
— Hombale Films (@hombalefilms) November 8, 2024
We are proud to unite with the Rebel Star, #Prabhas, in a groundbreaking three-film partnership that celebrates the essence of Indian cinema and aims to take it to the world. This is a declaration of… pic.twitter.com/E4osJGaMgR
ప్రభాస్ లైన్ అప్ చూస్తుంటే మామూలుగా లేదుగా!
పాన్ ఇండియా సక్సెస్ అందుకున్న హీరోలలో ఇప్పుడు ప్రభాస్ చేతిలో ఉన్న సినిమాలు మరొక హీరో చేతిలో లేవని చెబితే అతిశయోక్తి కాదు. ఆయన లైన్ అప్ మామూలుగా లేదు. ఒకటంటే ఒకటి కాదు... అరడజనుకు పైగా సినిమాలో ప్రభాస్ ఓకే చేశారు.
Also Read: 'అప్పుడో ఇప్పుడో ఎప్పుడో' రివ్యూ: నిఖిల్ ఎప్పుడో చేసిన సినిమా - ఇప్పుడు చూసేలా ఉందా?
'సలార్', 'కల్కి 2898 ఏడీ' విజయాలతో భారీ వసూళ్లు సాధించిన ఆయన... వచ్చే ఏడాది ఏప్రిల్ 10న 'ది రాజా సాబ్' సినిమాతో ప్రేక్షకుల ముందుకు రానున్నారు. ఆ సినిమా సెట్స్ మీద ఉండగా మరొక సినిమా స్టార్ట్ చేశారు ప్రభాస్. హను రాఘవపూడి దర్శకత్వంలో ఓ ప్రేమకథా చిత్రం చేస్తున్నారు. అది పూర్తయిన వెంటనే 'అర్జున్ రెడ్డి', 'యానిమల్' చిత్రాల దర్శకుడు సందీప్ రెడ్డి వంగాతో భారీ పోలీస్ యాక్షన్ ఫిలిం 'స్పిరిట్' స్టార్ట్ చేస్తారు. 'కల్కి' సీక్వెల్ ఎలాగో చేతిలో ఉంది. అదే విధంగా 'సలార్' సీక్వెల్ కూడా. దాని తర్వాత మరో రెండు సినిమాలు హోంబలే ఫిలింస్ లో ప్రభాస్ చేయనున్నారు.
టాప్ హెడ్ లైన్స్
ట్రెండింగ్ వార్తలు
