Pooja Hegde - Pawan Kalyan Movie: పవన్ కల్యాణ్ 'భవదీయుడు భగత్ సింగ్' గురించి పూజా హెగ్డే ఏమన్నారంటే?

Pooja Hegde reacts when she asked about Pawan Kalyan - Harish Shankar's Bhavadeeyudu Bhagat Singh: పవన్ కల్యాణ్, హరీష్ శంకర్ 'భవదీయుడు భగత్ సింగ్'లో పూజా హెగ్డే నటిస్తున్నారా? లేదా? ఆమె ఏమన్నారు?

పూజా హెగ్డే

సూపర్ స్టార్ మహేష్ బాబుతో 'మహర్షి' సినిమాలోనూ, యంగ్ టైగర్ ఎన్టీఆర్ సరసన 'అరవింద సమేత వీర రాఘవ'లోనూ పూజా హెగ్డే నటించారు. ప్రభాస్‌తో ఆమె నటించిన 'రాధే శ్యామ్' త్వరలో విడుదల కానుంది. రామ్ చరణ్‌కు జంటగా నటించిన 'ఆచార్య' ఏప్రిల్ 29న విడుదల కానున్న సంగతి తెలిసిందే. తెలుగులో యంగ్ సూపర్ స్టార్స్ సరసన ఆమె సినిమాలు చేస్తున్నారు. మరి, పవన్ కల్యాణ్‌తో సినిమా ఎప్పుడు? అంటే... దర్శకుడిని అడగమని పూజా హెగ్డే చెబుతున్నారు.

'పవన్ కల్యాణ్ - హరీష్ శంకర్ సినిమా (భవదీయుడు భగత్ సింగ్) షూటింగ్ ఎప్పుడు స్టార్ట్ చేస్తున్నారు?' అని పూజా హెగ్డేను 'ఏబీపీ దేశం' అడగ్గా... "హరీష్ శంకర్ గారికి ఫోన్ చేయండి. అడగండి' అని సమాధానం ఇచ్చారు. పవన్ సినిమాలో తాను నటిస్తున్నట్టు నేరుగా చెప్పలేదు. కానీ, కన్ఫర్మ్ చేశారు.

త్వరలో చిత్రీకరణ ప్రారంభం కానున్న మహేష్ బాబు - త్రివిక్రమ్ సినిమాలో పూజా హెగ్డే కథానాయిక. త్రివిక్రమ్ దర్శకత్వంలో, హారిక అండ్ హాసిని క్రియేషన్స్ నిర్మాణంలో మూడోసారి సినిమా చేస్తుండటం సంతోషంగా ఉందని ఆమె చెప్పారు.  అలాగే, మహేష్ బాబుతో రెండోసారి సినిమా చేయడం కూడా! ఒకసారి సినిమా చేసిన దర్శక - నిర్మాతలు, హీరోలతో మళ్ళీ సినిమాలు చేసే అవకాశాలు వస్తుండటం సంతోషంగా ఉందని పూజా హెగ్డే చెప్పుకొచ్చారు. హరీష్ శంకర్ దర్శకత్వంలో రెండు సినిమాలు చేశానని, మూడో సినిమా త్వరలో చేసే అవకాశాలు ఉన్నాయని ఆమె తెలిపారు.

హరీష్ శంకర్ నెక్స్ట్ సినిమా పవన్ కల్యాణ్ 'భవదీయుడు భగత్ సింగ్'. అందులో పూజా హెగ్డే కథానాయికగా ఎంపిక చేశారని విశ్వసనీయ వర్గాలు తెలిపాయి. 'రాధే శ్యామ్' విడుదల కోసం ఎదురు చూస్తున్న పూజా హెగ్డే... ఈ ఏడాది మొత్తం మీద ఐదు సినిమాలతో సందడి చేయనున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Pooja Hegde (@hegdepooja)