Aditi Govitrikar: పవన్ కళ్యాణ్ హీరోయిన్... 17 ఏళ్ల తర్వాత తిరుమలలో ప్రత్యక్షం... రీఎంట్రీ కోసం ప్లాన్ వేసిందా?

Pawan Kalyan Thammudu Actress: పవన్ కళ్యాణ్ మూవీ 'తమ్ముడు'లో హీరోయిన్ గా నటించిన అదితి గోవిత్రికర్ తాజాగా తిరుమలలో ప్రత్యక్షమైంది. మరి ఆమె తిరుమల వెంకన్నను ఏం కోరుకుందో తెలుసుకుందాం పదండి.

తిరుమలలో తమ్ముడు హీరోయిన్

Source : twitter

కొంతమంది హీరోయిన్లు ఒకే ఒక సినిమాతో మంచి క్రేజ్ సంపాదించుకుంటారు. కానీ ఆ తర్వాత ఊహించని విధంగా ఫిల్మ్ ఇండస్ట్రీలో కనిపించకుండా మాయమవుతారు. అలాగే చాలా కాలం తరువాత సడన్ గా కనిపించి సర్ప్రైజ్ చేస్తూ ఉంటారు. తాజాగా పవన్ కళ్యాణ్ (Pawam Kalyan) 'తమ్ముడు' మూవీలో నటించిన హీరోయిన్ కూడా ఇలాగే చేసింది. ఒకప్పటి హీరోయిన్ అదితి గోవిత్రికర్ తాజాగా తిరుమలలో కనిపించి అందరినీ ఆశ్చర్యానికి గురి చేసింది. 

పవర్ స్టార్ పవన్ కళ్యాణ్ హీరోగా నటించిన బ్లాక్ బస్టర్ మూవీ 'తమ్ముడు'. ఈ మూవీ వచ్చి ఏళ్ళు గడుస్తున్నప్పటికీ, క్రేజ్ ఏమాత్రం తగ్గలేదు. పవన్ ఫ్యాన్స్ ఆల్ టైమ్ ఫేవరెట్ సినిమాలలో ఇది కూడా ఒకటి. ఇప్పటికీ ఈ సినిమాలోని పాటలు వినడానికి మూవీ లవర్స్ బాగా ఇష్టపడతారు. ఈ సినిమాలోని ఎవర్ గ్రీన్ సాంగ్స్ ఎన్ని తరాలు మారినా బోర్ కొట్టవనే చెప్పాలి. ఇక 1999లో వచ్చిన పవన్ కెరీర్ లోనే మరచిపోలేని హిట్ గా మారిన 'తమ్ముడు' సినిమాలోని పాటల సంగతి పక్కన పెడితే, ఇందులో హీరోయిన్ గా నటించిన అదితి గోవిత్రీకర్ గురించి మాట్లాడుకోవాలి.

'తమ్ముడు' తరువాత తెలుగులో పలు సినిమాలు చేసిన ఈ బ్యూటీ కొన్నాళ్లకే టాలీవుడ్ కు గుడ్ బై చెప్పింది. బాలీవుడ్ లో మాత్రం వరుసగా సినిమాలు చేసి అలరించింది. పైగా కొన్ని వెబ్ సిరీస్ లు కూడా చేసింది. కానీ ఇప్పుడు ఆమె ఎవ్వరికీ గుర్తు లేదు. ఫోటో చూసినప్పటికీ మళ్లీ 'తమ్ముడు' మూవీలో ఆమె ఎలా ఉండేదో ఒకసారి చూస్తేనే గానీ గుర్తు పట్టలేని పరిస్థితి. ఇలాంటి టైంలో సడన్ గా తాజాగా తిరుమలలో ప్రత్యక్షమైంది ఈ అమ్మడు. శ్రీవారి దర్శనం చేసుకుని బయటకు వచ్చిన అదితి కెమెరాల కంటికి చిక్కింది. దీంతో ఆమె ఫోటోలు, వీడియోలు ఇప్పుడు సోషల్ మీడియాలో వైరల్ అవుతున్నాయి. దర్శనం అనంతరం ఆమె మీడియాతో మాట్లాడుతూ ఇన్ని ఏళ్ల తర్వాత అందరినీ చూడడం సంతోషంగా ఉందని చెప్పుకొచ్చింది. 'దాదాపు 17 ఏళ్ల తరువాత బాలాజీ టెంపుల్ కు వచ్చాను' అని గుర్తు చేసుకుంది. 'నేను తెలుగులో తమ్ముడు సినిమా చేశానన్న విషయం మీ అందరికీ తెలుసు. ఇకపై మరిన్ని తెలుగు సినిమాలు చేయాలని కోరుకుంటున్నాను' అంటూ తన మనసులోని మాటను బయట పెట్టింది.

అంటే ఇన్నేళ్ల తరువాత ఆమె సడన్ గా ఇలా ప్రత్యేక్షమవ్వడం వెనుక పెద్ద ప్లానే ఉందన్న మాట. మొత్తానికి శ్రీవారి సాక్షిగా తెలుగులో రీ ఎంట్రీ ఇవ్వాలని ఉందంటూ అసలు విషయాన్ని వెల్లడించింది. అయితే పవన్ కళ్యాణ్ తో అప్పట్లో సినిమా చేసి మైమరిపించిన ఈ బ్యూటీని, ఇప్పటి తరం డైరెక్టర్లు ఎవరు తెరపై చూపించడానికి ఇంట్రెస్ట్ చూపిస్తారో చూడాలి. కాగా ఇప్పటికే భూమిక, సిమ్రాన్, లయ వంటి ఒకప్పటి హీరోయిన్లు రీఎంట్రీ ఇచ్చి అడపాదడపా తెలుగు ప్రేక్షకులను పలకరిస్తున్నారు. మరి రీఎంట్రీలో అదితి అదృష్టం ఎలా ఉండబోతుందో చూడాలి.