Merry Christmas : సంక్రాంతి బరిలో 'మేరీ క్రిస్మస్' - విజయ్ సేతుపతి మూవీ థియేటర్స్ లోకి వచ్చేది అప్పుడే?

Merry Christmas : విజయ్ సేతుపతి, కత్రినా కైఫ్ జంటగా నటించిన 'మేరీ క్రిస్మస్' మూవీని వచ్చే ఏడాది సంక్రాంతి కానుకగా జనవరి 12న విడుదల చేస్తున్నట్లు మేకర్స్ అధికారికంగా వెల్లడించారు.

Photo Credit : Katrina Kaif/Instagram

Vijay Sethupathi Merry Christmas Release : విజయ్ సేతుపతి, కత్రినా కైఫ్ జంటగా నటిస్తున్న మేరీ క్రిస్మస్(Merry Christmas) మూవీ రిలీజ్ మరోసారి వాయిదా పడినట్లు తెలుస్తోంది. రీసెంట్ గా డిసెంబర్ రెండో వారంలో సినిమా రిలీజ్ ను ప్రకటించిన మూవీ టీం ఇప్పుడు ఏకంగా వచ్చే ఏడాదికి వాయిదా వేసింది. ఈ మేరకు కొత్త విడుదల తేదీని ప్రకటిస్తూ ఓ పోస్టర్ విడుదల చేశారు మేకర్స్. ఇంతకీ 'మేరీ' క్రిస్మస్ థియేటర్స్ లోకి వచ్చేది ఎప్పుడు? కోలీవుడ్ విలక్షణ నటుడు విజయ్ సేతుపతి(Vijay Sethupathi) భాషతో సంబంధం లేకుండా సినిమాలు చేస్తున్నాడు. ఓవైపు హీరోగా నటిస్తూనే మరోవైపు విలన్ గా, పాత్ర నచ్చితే క్యారెక్టర్ ఆర్టిస్ట్ గాను నటించేందుకు ఓకే చెబుతున్నారు.

తన నటన, హావభావాలతో సౌత్ ఆడియన్స్ ని ఎంతగానో ఆకట్టుకున్న విజయ్ సేతుపతి రీసెంట్ టైమ్స్ లో బాలీవుడ్ పై ఎక్కువ దృష్టి పెట్టాడు. అక్కడ సినిమాలు, వెబ్ సిరీస్ లతో బిజీ అయిపోయాడు. రీసెంట్ గా బాలీవుడ్ లో వచ్చిన ఫర్జీ(Farzi) వెబ్ సిరీస్ లో విజయ్ సేతుపతి నటనకి బాలీవుడ్ ఆడియన్స్ ఫిదా అయిపోయారు. అలాగే షారుక్ జవాన్(Jawan) మూవీలో తన విలనిజంతో అదరగొట్టాడు. ఇక ఇప్పుడు మేరీ క్రిస్మస్ మూవీ తో హీరోగా బాలీవుడ్ ఆడియన్స్ ముందుకు రాబోతున్నాడు. విజయ్ సేతుపతి, కత్రినా కైఫ్ జోడిగా నటిస్తున్న సినిమా ఇది. శ్రీరామ్ రాఘవన్ దర్శకత్వం వహిస్తున్న ఈ చిత్రాన్ని టిప్స్ ఫిలిమ్స్(Tips Films) మ్యాచ్ బాక్స్(Match Box) సంస్థలు సంయుక్తంగా నిర్మిస్తున్నాయి.

ఇప్పటికే ఈ మూవీ నుంచి విడుదలైన పోస్టర్స్ సినిమాపై క్యూరియాసిటీని పెంచగా మొదట క్రిస్మస్ కానుకగా డిసెంబర్ 25న సినిమా విడుదల చేయాలనుకున్నారు. కానీ ఆ సమయానికి బాలీవుడ్ లో షారుక్ ఖాన్ 'డంకీ'(Dunki) టాలీవుడ్ లో ప్రభాస్ సలార్(Salaar) సినిమాలు రిలీజ్ కాబోతుండడంతో మేకర్స్ అంతకంటే ముందుగా అంటే డిసెంబర్ 8న సినిమాని విడుదల చేస్తున్నట్లు ప్రకటించారు. కానీ పలు అనివార్య కారణాలవల్ల డిసెంబర్ 8న కాకుండా వచ్చే ఏడాది సంక్రాంతి కానుకగా జనవరి 12న మేరీ క్రిస్మస్ మూవీని రిలీజ్ చేస్తున్నారు. ఈ విషయాన్ని అధికారికంగా వెల్లడిస్తూ కొత్త రిలీజ్ డేట్ ని పోస్టర్ ద్వారా ప్రకటించారు. ఈ పోస్టర్ చాలా ఇంట్రెస్టింగ్ గా ఉంది.

ఇప్పటికే రెండుసార్లు వాయిదా పడిన ఈ చిత్రం ఎట్టకేలకు వచ్చే సంక్రాంతికి థియేటర్స్ లో సందడి చేయబోతోంది. ఈ చిత్రాన్ని హిందీ, తమిళ భాషల్లో ఏకకాలంలో తెరకెక్కించారు. హిందీ వెర్షన్ లో సంజయ్ కపూర్, రాధిక ఆప్టే, పాటక్ వినయ్, గాయత్రి శంకర్, ప్రతిమ ఖన్నా, టీనూ ఆనంద్ కీలక పాత్రల్లో కనిపించనుండగా తమిళ వెర్షన్ లో రాధిక శరత్ కుమార్, షణ్ముఖ రాజా, కెవిన్ జై బాబు, రాజేష్ విలియమ్స్ కీ రోల్స్ ప్లే చేస్తున్నారు. టాలెంటెడ్ మ్యూజిక్ డైరెక్టర్ ప్రీతం చక్రవర్తి ఈ చిత్రానికి సంగీతం అందిస్తున్నారు. బాలీవుడ్ లో 'బద్లాపూర్', 'అందాదున్' వంటి సినిమాలతో సక్సెస్ అందుకున్న శ్రీరామ్ రాఘవన్ 'మేరీ క్రిస్మస్' తో ఎలాంటి సక్సెస్ ని అందుకుంటాడో చూడాలి.

 

 

 

 

 

View this post on Instagram

 

 

 

 

 

 

 

 

 

 

 

A post shared by Tips Films (@tipsfilmsofficial)