Naga Chaitanya Sobhita Wedding: చైతూ తాళి కట్టిన శుభవేళ... మురిసిపోయిన శోభిత - పెళ్లి వీడియో వైరల్

Naga Chaitanya Sobhita Wedding First Video: డిసెంబర్ 4న నాగ చైతన్య - శోభిత పెళ్లి గ్రాండ్ గా జరిగింది. పెళ్లికి సంబంధించి బయటకు వచ్చిన ఓ వీడియో నెట్టింట్లో వైరల్ గా మారింది.

నాగ చైతన్య - శోభిత పెళ్లి వీడియో

Source : twitter

అక్కినేని నాగ చైతన్య - శోభిత ధూళిపాల బుధవారం రాత్రి వివాహ బంధంతో ఒక్కటైన సంగతి తెలిసిందే. హైదరాబాద్లోని అన్నపూర్ణ స్టూడియోస్ లో బుధవారం రాత్రి 8 గంటల 13 నిమిషాలకి నాగ చైతన్య - శోభిత ధూళిపాల మెడలో మూడు ముళ్ళు వేయగా, ఇద్దరూ కలిసి ఏడు అడుగులు నడిచారు. హిందూ సంప్రదాయం ప్రకారం ఘనంగా జరిగిన ఈ జంట పెళ్లికి సినీ, క్రీడా, రాజకీయ ప్రముఖులు హాజరై, ఆశీర్వదించారు. అయితే ఈ నూతన వధూవరుల పెళ్లికి సంబంధించిన వీడియో ఒకటి తాజాగా సోషల్ మీడియాలో చక్కర్లు కొడుతోంది.

వైరల్ అవుతున్న ఆ వీడియోలో నూతన వధూవరులు నాగ చైతన్య - శోభిత ధూళిపాల ఇద్దరూ సంతోషంగా కనిపిస్తున్నారు. వీడియోలో కొత్త జంట చుట్టూ పలువురు సెలబ్రిటీలతో పాటు వారి కుటుంబ సభ్యులు ఉండగా, ఆనందోత్సాహాల మధ్య నాగచైతన్య - శోభితకు తాళి కట్టడం కనిపిస్తోంది. ఈ సందర్భంగా మరోవైపున ఉన్న అక్కినేని అఖిల్ విజిల్స్ వేస్తూ మరింత ఉత్సాహంగా కనబడుతున్నారు. ఇప్పటిదాకా కేవలం శోభిత ధూళిపాల - నాగచైతన్య పెళ్లికి సంబంధించిన ఫోటోలు మాత్రమే బయటకు వచ్చాయి. నాగార్జున తన కొడుకు, కోడలికి సంబంధించిన పెళ్లి ఫోటోలను షేర్ చేస్తూ... వైవాహిక బంధంలోకి అడుగు పెట్టిన నూతన వధూవరులు చై-శోభితకు శుభాకాంక్షలు తెలియజేశారు. ఈ సందర్భంగా పలువురు సినీ సెలబ్రిటీలతో పాటు అభిమానుల నుంచి కొత్త జంటకు శుభాకాంక్షలు వెలువెత్తుతున్నాయి. అయితే తాజాగా వీరి పెళ్లికి సంబంధించి సోషల్ మీడియాలో పోస్ట్ చేసిన పెళ్లి వీడియో వైరల్ అవుతుంది.

 

 

 

View this post on Instagram

 

 

 

 

 

 

 

 

 

 

 

A post shared by Eshwar Harris (@eshwar_harris)

ఇదిలా ఉండగా నాగ చైతన్య - శోభిత పెళ్లికి మెగాస్టార్ చిరంజీవి, రామ్ చరణ్, డైరెక్టర్ చందూ మొండేటి, అడవి శేష్, సుహాసిని, అల్లు అరవింద్ దంపతులు, కీరవాణి, చాముండేశ్వరి నాథ్, డైరెక్టర్ కళ్యాణ్ కృష్ణ, మాజీ ఎంపీ సుబ్బరామిరెడ్డి తదితరులు హాజరయ్యారు. బుధవారం అర్ధరాత్రి వరకు జరిగిన ఈ వివాహ వేడుకలో పాల్గొన్న సెలబ్రిటీలు నూతన వధూవరులను ఆశీర్వదించారు. ఇక ఈ వివాహ వేడుకల్లో అక్కినేని, ధూళిపాళ్ల ఫ్యామిలీతో పాటు దగ్గుబాటి కుటుంబ సభ్యులు కూడా సందడి చేశారు. నాగ చైతన్య - శోభిత పెళ్లికి సంబంధించి ప్రత్యేకంగా అన్నపూర్ణ స్టూడియోలో సెట్ వేయించిన సంగతి తెలిసిందే. దివంగత అక్కినేని నాగేశ్వరరావు విగ్రహం ఎదుట ఏర్పాటు చేసిన ఈ సెట్ లోనే నాగ చైతన్య - శోభిత ఇద్దరూ మూడుముళ్ల బంధంలోకి అడుగు పెట్టారు.

ఇదిలా ఉండగా... సమంతతో విడాకులు తీసుకున్న అనంతరం నాగ చైతన్య చాలా రోజులు సింగిల్ గానే ఉన్నారు. ఆ తర్వాత ఊహించని విధంగా ఒకరోజు లండన్ లో చైతు దిగిన ఫోటో, అందులో శోభిత కనిపించడంతో వీళ్ళ రిలేషన్ పై అనుమానాలు మొదలయ్యాయి. ఈ విషయంపై ఎన్నో రూమర్లు వచ్చినప్పటికీ ఇద్దరూ స్పందించలేదు. కానీ సడన్ గా ఆగస్టు 8న నాగ చైతన్య - శోభిత ధూళిపాల ఎంగేజ్మెంట్ చేసుకుని షాక్ ఇచ్చారు. కింగ్ నాగార్జున స్వయంగా చై- శోభితకు ఎంగేజ్మెంట్ జరిగింది అంటూ ఫోటోలను షేర్ చేశారు.  ఇక ఆ తర్వాత అక్టోబర్ 21న విశాఖలో పెళ్లి పనులు మొదలయ్యాయి. అక్టోబర్ 21న గోధుమ రాయి కట్టి పసుపు దంచుతూ ఆ ఫోటోలను షేర్ చేసింది శోభిత. నవంబర్ 29న కాబోయే వధూవరులు ఇద్దరికీ మంగళ స్నానాలు చేయించారు. అనంతరం పెళ్లికొడుకు,పెళ్ళికూతురును చేసి అచ్చ తెలుగు సంప్రదాయం ప్రకారం పెళ్లి పనులు చేస్తూ వచ్చారు. మొత్తానికి డిసెంబర్ 4న ఈ జంట పెళ్లి జరిగింది.