'గుడుంబా శంకర్' రీ-రిలీజ్‌లో మార్పు - కలెక్షన్లపై ఎఫెక్ట్ పడనుందా?

Gudumba Shankar : 2004లో విడుదలైన ‘గుడుంబా శంకర్’ ఏ రేంజ్ లో విజయం సాధించిందో ప్రత్యేకంగా చెప్పాల్సిన అవసరం లేదు. అయితే ఈ సినిమాను పవర్ స్టార్ పవన్ కళ్యాణ్ పుట్టినరోజు సందర్భంగా రీరిలీజ్ చేసేందుకు మేకర్స్ సన్నాహాలు చేస్తున్న విషయం తెలిసిందే. ఈ క్రమంలోనే 'గబ్బర్ సింగ్' ను కూడా రీరిలీజ్ చేస్తామని బండ్ల గణేష్ ప్రకటించడంతో గందరగోళం నెలకొంది. కానీ ‘గుడుంబా శంకర్’ వసూళ్లను జనసేన పార్టీకి ఇవ్వాలని ఇప్పటికే మేకర్స్ నిర్ణయించినందున, బండ్ల గణేష్ ‘గబ్బర్ సింగ్’ రీరిలీజును నిలిపివేశాడు. ఇప్పుడు కథలో మరో ట్విస్ట్ వచ్చింది. ‘గుడుంబా శంకర్’ ముందుగా అనుకున్నట్లుగా ఆగస్ట్ 31న విడుదల చేస్తామని చెప్పిన దర్శకనిర్మాతలు.. ఇప్పుడు పవన్ కళ్యాణ్ పుట్టినరోజు అయిన సెప్టెంబర్ 2న థియేటర్లలోకి రానున్నట్టు ప్రకటించారు. 

సెప్టెంబర్ 2న 'గుడుంబా శంకర్’ సినిమాను రీరిలీజ్ చేస్తామని చెప్పడంతో ఇప్పుడు మరో చిక్కు వచ్చిపడింది. అదేంటంటే రౌడీ హీరో విజయ్ దేవరకొండ, సమంత లవ్ ఎంటర్టైనింగ్ 'ఖుషి' మూవీ సెప్టెంబర్ 1న విడుదలవుతోంది. అందువల్ల మరిన్ని షోలు, స్క్రీన్‌లను వేయడం కష్టం కావచ్చు. కాబట్టి ‘గుడుంబా శంకర్’ రీరిలీజ్ ని టీమ్ ఎలా ప్లాన్ చేస్తుందోనని అభిమానులు సందేహాలు వ్యక్తం చేస్తున్నారు. మామూలుగా పవర్ స్టార్ మూవీ రిలీజ్ అవుతుందంటే ఏ స్థాయిలో రెస్పాన్స్ ఉంటుందో అందరికీ తెలిసిందే. గత కొన్ని రోజుల క్రితం విడుదలైన పవన్ కళ్యాణ్ 'ఖుషి'కి ఎంతటి పాపులారిటీ వచ్చిందో ప్రత్యక్షంగా చూశాం. ఇప్పుడు 'గుడుంబా శంకర్’ రిలీజైనా అదే లెవల్ లో స్పందన వస్తుందని అందరూ భావిస్తున్నారు. కానీ ప్రస్తుతం ప్రేక్షకులు ఎంతగానో ఎదురుచూస్తోన్న సినిమాల్లో ఒకటైన 'ఖుషి' కూడా ఈ సమయంలోనే రిలీజ్ కానుండడంతో.. ఈ ప్రభావం 'గుడుంబా శంకర్’ వసూళ్లపైనా పడనుందని అనుకుంటున్నారు. 

https://t.co/ZXYb9JfORm
We are planning to celebrate the birthday of both my leader and my brother, Pawan Kalyan, by re-releasing the movie "Gudumbashankar" on this special day. The celebration will be filled with joy and Magnum Opus entertainment. We have chosen September 2nd…

— Naga Babu Konidela (@NagaBabuOffl) August 19, 2023

వీరశంకర్ దర్శకత్వం వహించిన 'గుడుంబా శంకర్’లో పవన్ కళ్యాణ్ సరసన మీరా జాస్మిన్ నటించింది. మరోవైపు ఇటీవల రిలీజ్ అయిన 'గుడుంబా శంకర్’ రీరిలీజ్ ట్రైలర్ అందరినీ ఆకట్టుకుంటోంది. యాక్షన్ కామెడీ ఎంటర్టైనర్ గా అప్పటి ఆడియన్స్ ని ఆకట్టుకున్న 'గుడుంబా శంకర్’ సాంగ్స్ కూడా మంచి ఆదరణ అందుకున్నాయి. మరి 'గుడుంబా శంకర్’ మూవీ ఇప్పటి ఆడియన్స్ ని ఎంతవరకు అలరిస్తుందో చూడాలి. నాగ బాబు నిర్మించిన ఈ యాక్షన్-కామెడీ డ్రామాలో ఆశిష్ విద్యార్థి, బ్రహ్మానందం, సాయాజీ షిండే, సునీల్, ఇతరులు ముఖ్యమైన పాత్రలు పోషించారు. మణిశర్మ ఈ చిత్రానికి సంగీత దర్శకుడిగా వ్యవహరించారు. 

Read Also : Yogi Babu: కోలీవుడ్ ‘బ్రహ్మి’ యోగిబాబు - సీరియస్‌గానే కితకితలు పెట్టే ఈ కమెడియన్ గురించి మీకు ఈ విషయాలు తెలుసా?

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial