Anjali Mass Steps With Nithiin: మాస్ రెడ్డి ఊర మాస్ జాతర షురూ - నితిన్‌తో అంజలి స్పెషల్ మూమెంట్స్, స్టెప్స్ అదుర్స్ 

Ra Ra Reddy I Am Ready Lyrical Song Released: నితిన్ 'మాచర్ల నియోజకవర్గం' సినిమాలోని ప్రత్యేక గీతంలో అంజలి స్టెప్పులు వేసిన సంగతి తెలిసిందే. ఆ సాంగ్ రిలీజ్ చేశారు. 

'మాచర్ల నియోజకవర్గం' సినిమాలో అంజలి, నితిన్

నితిన్ కథానాయకుడిగా రూపొందుతున్న సినిమా 'మాచర్ల నియోకవర్గం'. ఇందులో తెలుగమ్మాయి అంజలి స్పెషల్ సాంగ్ చేసిన సంగతి తెలిసిందే. ఆల్రెడీ ప్రోమో విడుదల చేశారు. ఈ రోజు 'రా రా రెడ్డి... నేను రెడీ' అంటూ సాగే ఆ పాటను విడుదల చేశారు. 'మాస్ రెడ్డి ఊర మాస్ జాతర షురూ' అని చిత్ర బృందం పేర్కొంది.

'మాచర్ల నియోజకవర్గం' సినిమాకు మహతి స్వర సాగర్ సంగీతం అందిస్తున్నారు. నితిన్‌తో ఆయనకు మూడో చిత్రమిది. ఇంతకు ముందు 'భీష్మ', 'మాస్ట్రో' చేశారు. ఇప్పుడీ 'రా రా రెడ్డి... మాస్ జాతర రెడీ' పాటకు కాసర్ల శ్యామ్ సాహిత్యంగా అందించగా... లిప్సిక ఆలపించారు. 

'మాచర్ల నియోజకవర్గం' ఆగస్టు 12న ప్రేక్షకుల ముందుకు వస్తోంది. ఈ సినిమాతో ఎం.ఎస్. రాజశేఖర్ రెడ్డి (ఎడిటర్ ఎస్.ఆర్. శేఖర్) ద‌ర్శ‌కుడిగా ప‌రిచ‌యం అవుతున్నారు. ఇందులో నితిన్ జోడీగా యువ హీరోయిన్ కృతి శెట్టి నటించారు. కేథరిన్ థ్రెసా మరో హీరోయిన్. 
రాజ్ కుమార్ ఆకెళ్ళ సమర్పణలో శ్రేష్ట్ మూవీస్‌ పతాకంపై ఎన్. సుధాకర్ రెడ్డి, నికితా రెడ్డి ఈ చిత్రాన్ని నిర్మిస్తున్నారు. 

ఈ చిత్రానికి కెమెరా: ప్రసాద్ మూరెళ్ల, డైలాగ్స్: మామిడాల తిరుపతి, ఆర్ట్ డైరెక్టర్: సాహి సురేష్, ఎడిటర్‌: కోటగిరి వెంకటేశ్వరరావు, ఫైట్స్: అనల్ అరసు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sreshth Movies (@sreshthmoviesoffl)