Manoj vs Vishnu : చావడానికి అయినా సిద్ధమే - విష్ణుతో గొడవపై ఓపెన్ అయిన మనోజ్ 

సారథి ఇంటికి విష్ణు మంచు వచ్చి గొడవ చేసిన వీడియో సోషల్ మీడియాలో పోస్ట్ చేసి డిలీట్ చేసిన మంచు మనోజ్, తొలిసారి ఆ గొడవ మీద పరోక్షంగా స్పందించారు. 

విష్ణు, మనోజ్

మంచు బ్రదర్స్ విష్ణు, మనోజ్ మధ్య గొడవ జరిగింది. అందులో ఎవరికీ సందేహాలు లేవు. స్వయంగా మంచు మనోజ్ తమ మధ్య గొడవను బయట పెట్టారు. అన్నయ్యకు, ఆయనకు మధ్య ఏం జరిగింది? అసలు గొడవకు కారణం ఏమిటి? అనేది పక్కన పెడితే... ఇప్పుడు ఈ గొడవ కొత్త మలుపు తీసుకుంది. సోషల్ మీడియా సాక్షిగా గొడవపై మంచు మనోజ్ పరోక్షంగా స్పందించారు. 

సారథి ఇంటి దగ్గరకు విష్ణు వెళ్లడంతో పాటు ఆగ్రహం వ్యక్తం చేసిన దృశ్యాలు మనోజ్ సోషల్ మీడియాలో పోస్ట్ చేసి డిలీట్ చేశారు. 'రోడ్డున పడ్డ మంచు ఫ్యామిలీ', 'మంచు ఇంట్లో లొల్లి' పేరుతో న్యూస్ ఛానళ్లలో కథనాలు ప్రసారం అయ్యాయి. అయితే, తమ మధ్య జరిగినది చిన్న గొడవ అని విష్ణు చెప్పారు. కానీ, అసలు విషయం వేరుగా ఉన్నట్లు, గొడవ ఇంకా సెటిల్ అవ్వలేదని మనోజ్ పోస్ట్ చూస్తే అర్థం అవుతోంది.
 
చావనైనా చస్తాను కానీ...
''negativity is the enemy of creativity'' (నెగిటివిటీయే క్రిటివిటీకి శత్రువు) అని మంచు మనోజ్ సోషల్ మీడియాలో ఓ పోస్ట్ చేశారు. దాని అర్థం ఏమిటి? తన అన్నయ్య విష్ణు మంచు నెగిటివిటీతో ఉన్నారని చెబుతున్నారా? అన్నయ్య కోపానికి కారణం నెగిటివిటీ అని స్పష్టం చేశారా?

మనోజ్ మరో కోట్ కూడా పోస్ట్ చేశారు. ''I would rather die fighting for what is right, than live passively amidst all that is wrong'' అని! అంటే...  ''ఏమీ జరగనట్టు (తప్పుల్ని) అలా చూస్తూ ఉండిపోవడం కన్నా... నిజం కోసం పోరాటం చేసి చావడానికైనా సిద్ధమే'' అని ఆ కోట్ సారాంశం. ''మీరు బతకండి. మమ్మల్ని బతకనివ్వండి. అందరికీ ప్రేమతో'' అని మంచు మనోజ్ పేర్కొన్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Manoj Manchu (@manojkmanchu)

ఇప్పుడు తెలుగు చిత్రసీమలో, ప్రజల్లో అన్నదమ్ముల మధ్య గొడవ గురించి వేడి వేడిగా చర్చలు జరుగుతున్నాయి. అసలు, గొడవకు కారణాలు ఏమిటి? అని చాలా మంది డిస్కషన్ చేస్తున్నారు. 

సారథితో వాగ్వాదాన్ని ఆపకుండా దాన్ని మనోజ్ వీడియో తీశాడని, అది చిన్న గొడవ అని, తమ మధ్య ఇలాంటి చిన్న చిన్న గొడవలు సర్వ సాధారణమే అని విష్ణు మంచు పేర్కొన్నారు. అయినా మనోజ్ చిన్న వాడని, ఇది స్పందించాల్సినంత పెద్ద విషయం కాదని చెప్పారు. ఏదో ఆవేశంలో మనోజ్ అది వీడియో తీసి పోస్ట్ చేశాడని, దీన్ని భూతద్దంలో చూడొద్దని కోరారు విష్ణు. ఇప్పుడు మనోజ్ పోస్ట్ మీద ఆయన ఏ విధాంగా స్పందిస్తారో చూడాలి. 

విష్ణు, మనోజ్ మధ్య గొడవకు కారణమైన సారథి ఎవరు? అని ఇప్పుడు అందరిలో ఆసక్తి నెలకొంది. తొలుత విష్ణు దగ్గర కొన్ని రోజులు పని చేసిన సారథి.. ఇప్పుడు మనోజ్ దగ్గర పని చేస్తున్నారని, ఆ విషయంలో అన్నదమ్ముల మధ్య చిన్నపాటి గొడవ జరిగిందని టాక్. సారథి ఇంటికి విష్ణు వెళ్లిన సమయంలో మనోజ్ వీడియో తీశారు.