Kushi Film : విజయ్ దేవరకొండ, సమంతకు పెళ్లి - అది అందమైన మెలోడీ అయితే?

రౌడీ బాయ్ 'ది' విజయ్ దేవరకొండ (Vijay Devarakonda), స్టార్ హీరోయిన్ సమంత (Samantha) పెళ్లి చేసుకున్నారు. నిజ జీవితంలో కాదులెండి... సినిమాలో! ఇప్పుడు వీళ్ళిద్దరూ జంటగా నటిస్తున్న సినిమా 'ఖుషి'. ఇందులో రెండో పాట 'ఆరాధ్య'ను నేడు విడుదల చేశారు. 

అందమైన పెళ్లి జీవితం మెలోడీ అయితే?
'ఖుషి'లో ఆరాధ్య పాటకు చిత్ర దర్శకుడు శివ నిర్వాణ సాహిత్యం అందించారు. ఈ పాటను సిద్ శ్రీరామ్, చిన్మయి ఆలపించారు. తెలుగుతో పాటు మరో రెండు భాషల్లో ఈ పాటను తాను పాడినట్లు ఆమె పేర్కొన్నారు. 

విజయ్ దేవరకొండ, సమంతకు పెళ్లి జరిగే సన్నివేశం, తర్వాత వైవాహిక జీవితం నేపథ్యంలో ఆరాధ్య పాట వస్తుందని లిరికల్ వీడియో చూస్తే ప్రేక్షకులకు ఈజీగా అర్థం అవుతుంది. 'ఒకవేళ అందమైన పెళ్లి జీవితం ఓ మెలోడీ అయితే?' అంటూ చిత్ర బృందం ఈ 'ఆరాధ్య' పాటను విడుదల చేసింది. సంగీత దర్శకుడు హేషామ్ అబ్దుల్ వాహాబ్ అందించిన బాణీ వినసొంపుగా, అందంగా ఉంది. పాటలో నటి రోహిణిని కూడా చూడొచ్చు. 

Also Read : విస్కీ పూరితో వెరైటీ మాస్ ఇంట్రో - శివన్న కూడా ఒరిజినల్ గ్యాంగ్‌స్టరే!

ద్రాక్షారామం నుంచి వచ్చిన విజయ్ దేవరకొండ!
'ఖుషి'కి శివ నిర్వాణ దర్శకుడు. మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్ యలమంచిలి నిర్మిస్తున్నారు. ఈ సినిమాలోని కొన్ని కీలకమైన సన్నివేశాలను ఏపీలోని ద్రాక్షారామం, రాజమండ్రి పరిసర ప్రాంతాల్లో చిత్రీకరణ చేశారు. అక్కడ చిత్రీకరణ ముగించుకుని శనివారం సాయంత్రం హైదరాబాద్ చేరుకున్నారు. సమంత కూడా రిటర్న్ అవుతున్నట్లు తెలిసింది. 

Also Read : 'మిషన్ ఇంపాజిబుల్ 7' రివ్యూ : టామ్ క్రూజ్ లేటెస్ట్ యాక్షన్ థ్రిల్లర్ - సినిమా ఎలా ఉందంటే?

మురళీ శర్మ, సచిన్ ఖేడేకర్ కూడా!
ఏపీలో జరిగిన 'ఖుషి' చిత్రీకరణలో మురళీ శర్మ, సచిన్ ఖేడేకర్ కూడా పాల్గొన్నారు. వాళ్ళిద్దరూ యాగం చేస్తుంటే... వెనుక విజయ్ దేవరకొండ, సమంత నిలబడి ఉన్నారు. ఈ వీడియో విజయ్ దేవరకొండ స్వయంగా పోస్ట్ చేశారు. ఇన్‌స్టాగ్రామ్‌లో 'ది దేవరకొండ బ్రాడ్ కాస్ట్' ఛానల్ క్రియేట్ చేసిన ఆయన... అందులో ఈ వీడియో షేర్ చేశారు. ఇది 'ఖుషి' లాస్ట్ షెడ్యూల్ అని ఆయన పేర్కొన్నారు.  

'ఖుషి' చిత్రానికి హేషామ్ అబ్దుల్ వాహాబ్ సంగీతం అందిస్తున్నారు. 'నా రోజా నువ్వే' పాటను ఆయనే పాడారు. పాన్ ఇండియా సినిమాగా 'ఖుషి' తెరకెక్కుతోంది.  తెలుగుతో పాటు తమిళ, కన్నడ, మలయాళ, హిందీ భాషల్లో సినిమా విడుదల కానుంది. సెప్టెంబర్ 1న ప్రపంచ వ్యాప్తంగా 'ఖుషి' సినిమాను విడుదల చేయనున్నట్లు ఆల్రెడీ అనౌన్స్ చేశారు.  

మలయాళ నటుడు జయరామ్, మరాఠీ నటుడు సచిన్ ఖేడేకర్, ఇంకా మురళీ శర్మ, లక్ష్మీ, అలీ, రోహిణి, 'వెన్నెల' కిశోర్, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు 'ఖుషి'లో నటిస్తున్నారు. ఈ చిత్రానికి పాటలు : శివ నిర్వాణ, పోరాటాలు : పీటర్ హెయిన్, సంగీత దర్శకుడు : హేషామ్ అబ్దుల్ వాహాబ్, సీఈవో : చెర్రీ, ఛాయాగ్రహణం: జి. మురళి.