Kaala bhairava: ఉపాసనకు పుట్టబోయే బిడ్డ కోసం కాలభైరవ స్పెషల్ ట్యూన్, సంతోషంలో మునిగిపోయిన చెర్రీ!

రామ్ చరణ్ సతీమణి ఉపాసన రేపు బిడ్డకు జన్మనివ్వబోతున్నారు. ఈ నేపథ్యంలో గాయకుడు కాల భైరవ వారి బిడ్డ కోసం చక్కటి ట్యూన్ కంపోజ్ చేశారు. ఈ ట్యూన్ విని చెర్రీ దంపతులు సంతోషం వ్యక్తం చేశారు.

రామ్ చరణ్, ఉపాసన, కాల భైరవ( Photo Credit: Ram Charan/twitter)

టాలీవుడ్ స్టార్ హీరో రామ్ చరణ్ భార్య ఉపాసన రేపు(మంగళవారం) బిడ్డకు జన్మనివ్వబోతోంది. అపోలో హాస్పటల్ లో ఉపాసన డెలివరీ కోసం డాక్టర్లు ఏర్పాట్లు చేసినట్లు తెలుస్తోంది. టైం ఎప్పుడు అనేది తెలియక పోయినా, కచ్చితంగా రేపే బిడ్డకు జన్మినిస్తుందని మెగా కుటుంబ సన్నిహితులు వెల్లడించారు. అయితే, మెగా ఫ్యామిలీ మాత్రం ఉపాసన డెలివరీ గురించి ఎలాంటి అఫీషియల్ ప్రకటన చేయలేదు. తాజాగా ఉపాసన, రామ్ చరణ్ చేసిన ట్వీట్లు మాత్రం రేపే డెలివరీ అనే విషయాన్ని కన్ఫామ్ చేస్తున్నాయి.   

చరణ్ దంపతుల బిడ్డ కోసం కాల భైరవ ట్యూన్

ఉపాసన, రామ్ చరణ్ దంపతులకు పుట్టబోయే బిడ్డ కోసం యువ సంగీత దర్శకుడు, గాయకుడు కాల భైరవ అద్భుతమైన ట్యూన్ ను రూపొందించాడు. ఈ ట్యూన్ చాలా వీనులవిందుగా ఉంది. ఈ ట్యూన్ విని  చిన్నారులు ఆనందంలో మునిగిపోయేలా ఉందని చెర్రీ దంపతులు ట్వీట్ చేశారు. ఇంత చక్కటి ట్యూన్ క్రియేట్ చేసినందుకు స్పెషల్ గా థ్యాంక్స్ చెప్పారు. ఈ ట్యూన్ ను ట్వీట్ లో వీడియో రూపంలో షేర్ చేశారు.

కాల భైరవ ట్యూన్ గురించి చెర్రీ దంపతులు ఏమన్నారంటే?

కాల భైరవ ట్యూన్ పై చెర్రీ దంపతులు ఉప్పొంగిపోయారు. “ఈ ట్యూన్ మా కోసం తయారు చేసినందుకు థ్యాంక్యూ కాల భైరవ. ఈ భూమ్మీద ఉన్న మిలియన్ల మంది చిన్నారుల్లో ఈ మెలోడి ట్యూన్ సంతోషాన్ని, ఆనందాన్ని తీసుకొస్తుందని నమ్ముతున్నాం” అని ట్వీట్ చేశారు. అంతేకాదు, ఈ ట్యూన్ తో షేర్ చేసిన వీడియోలు ప్రత్యేక సందేశాన్ని కూడా ఇచ్చారు. “ధ్యానంలోకి వెళ్లడంతో పాటు పరివర్తన ఎనర్జీని పెంచడానికి, మనసులో పాజిటివ్ భావాలను తీసుకురావడానికి, ఆధ్యాత్మిక భావనలను కలిగించి బిడ్డలో మేధోసంపత్తి కలిగించడానికి ఈ ట్యూన్ ఎంతో ఉపయోగపడుతుంది” అని పేర్కొన్నారు.

Thank you @kaalabhairava7, for creating this tune for us. We are sure this melody will bring happiness and joy to millions of children across the globe.. pic.twitter.com/911bGK4GZz

— Ram Charan (@AlwaysRamCharan) June 19, 2023

Thank you @kaalabhairava7 , for creating this tune for us. We are sure this melody will bring happiness and joy to millions of children across the globe..
Lots of love from @AlwaysRamCharan & me. ❤️ pic.twitter.com/UFZAmqFd6T

— Upasana Konidela (@upasanakonidela) June 19, 2023

మీ ప్రయాణంలో భాగం చేసినందుకు ధన్యవాదాలు- కాలభైరవ

ఈ ట్యూన్ పట్ల ఉపాసన, రామ్ చరణ్ స్పందనకు కాలభైరవ స్పందించాడు. డియరెస్ట్ చరణ్ అన్న, డియరెస్ట్ ఉప్సీ అక్క అంటూ రిప్లై ఇచ్చాడు.”ప్రియమైన చరణ్ అన్న, నాకూ ఎంతో ఆనందంగా ఉంది. ఎంతో అందమైన మీ ప్రయాణంలో నన్ను కూడా ఒక భాగం చేసినందుకు ధన్యవాదాలు” అని చెర్రీ ట్వీట్ కు రిప్లై ఇచ్చాడు. ఇదే మ్యాటర్ తో ఉపాసనకు కూడా  ధన్యవాదాలు చెప్పాడు కాల భైరవ.  ప్రస్తుతం కాల భైరవ రూపొందించిన ట్యూన్ సోషల్ మీడియాలో వైరల్ అవుతోంది.

Dearest Charan Annaaa, the pleasure was all MINE ❤️❤️
thank you for making me a part of this most beautiful journey of yours 🥰 https://t.co/8xPx8sdU1O

— Kaala Bhairava (@kaalabhairava7) June 19, 2023

Dearest Upsi Akkaa, the pleasure was all MINE. ❤️❤️ thank you so much for making me a tiny part of this most beautiful journey of yours 🤗🤗🤗 https://t.co/MaIqsHhsxb

— Kaala Bhairava (@kaalabhairava7) June 19, 2023

చెర్రీ దంపతులకు అభిమానుల శుభాకాంక్షలు

మరోవైపు చెర్రీ దంపతులకు బిడ్డ పుట్టబోతుందనే విషయం తెలుసుకుని మెగా అభిమానులు సంతోషం వ్యక్తం చేస్తున్నారు. కచ్చితంగా చిన్న మెగాస్టార్ రాబోతున్నాడని కొందరు ట్వీట్ చేస్తుంటే, లేదు పాప పుడుతుందని మరికొంత మంది కామెంట్స్ పెడుతున్నారు. ఎవరైనా ఒకటే అని మరికొంత మంది స్పందిస్తున్నారు. రామ్ చరణ్, ఉపాసన దంపతులకు ముందస్తుగా శుభాకాంక్షలు చెప్తున్నారు.