NTR Devara Story : రాయల్ ఫ్యామిలీ వారసుడిగా ఎన్టీఆర్ - 'దేవర' కథలో అసలు ట్విస్ట్ ఇదే!?

యంగ్ టైగర్ ఎన్టీఆర్ కథానాయకుడిగా రూపొందుతున్న భారతీయ సినిమా 'దేవర'. ఇందులో హీరో క్యారెక్టర్, ఇంకా కథ, అసలు ట్విస్ట్ బయటకు వచ్చేశాయి.

'దేవర' సినిమాలో ఎన్టీఆర్

మ్యాన్ ఆఫ్ మాసెస్, యంగ్ టైగర్ ఎన్టీఆర్ (Jr NTR) కథానాయకుడిగా నటిస్తున్న సినిమా 'దేవర' (Devara Movie). ప్రస్తుతం చిత్రీకరణలో జరుగుతోంది. హైదరాబాద్ సిటీలో సినిమా కోసం ప్రత్యేకంగా వేసిన సెట్‌లో అండర్ వాటర్ ఫైట్ సీక్వెన్స్ తెరకెక్కిస్తున్నట్లు సమాచారం. 

జాతీయ, అంతర్జాతీయ ప్రేక్షకులు మెచ్చిన, 'నాటు నాటు...' పాటకు ఆస్కార్ పురస్కారం అందుకున్న 'ఆర్ఆర్ఆర్ : రౌద్రం రణం రుధిరం' తర్వాత ఎన్టీఆర్ నటిస్తున్న చిత్రమిది. దాంతో సినిమాపై క్రేజ్ నెలకొంది. అంతే కాదు... కథ ఏమిటో తెలుసుకోవాలన్న ఆసక్తి కూడా ప్రేక్షకుల్లో ఉంది. వాళ్ళకు ఓ గుడ్ న్యూస్! 'దేవర' కథ, అందులో ఎన్టీఆర్ క్యారెక్టర్ గురించి తెలిసింది. 

రాయల్ ఫ్యామిలీ వారసుడిగా ఎన్టీఆర్!
అనగనగా ఓ సముద్ర తీరం! అక్కడ ఓ రాయల్ ఫ్యామిలీ ఉంటుంది. నరరూప రాక్షసుల వంటి మృగాల చేతిలో ఆ తీర ప్రాంత ప్రజలు దాడికి గురి అవుతారు. వాళ్ళ సంరక్షణ బాధ్యత తమది అని రాజ కుటుంబం మాట ఇస్తుంది. అప్పటి వరకు అజ్ఞాతంలో ఉన్న రాయల్ ఫ్యామిలీ వారసుడు ఎన్టీఆర్ అడుగు పెట్టి... రాక్షస సంహారం చేస్తారు. మృగాల మధ్య పెరిగిన మేలిమి ముత్యం లాంటి అమ్మాయిని పెళ్లి చేసుకుంటారు. - ఇదీ కథ అని ఐఎండిబి వెబ్ సైట్ పేర్కొంది. హీరోయిన్ జాన్వీ కపూర్ పాలు అమ్మే యువతి పాత్రలో నటిస్తున్నట్లు కూడా తెలిపింది.

ఎన్టీఆర్ ఇమేజ్ గురించి ప్రేక్షకులకు తెలిసిందే. స్టార్ స్టేటస్ అండ్ యాక్టింగ్ టాలెంట్ ఉన్న హీరో ఆయన. ఎన్టీఆర్ నుంచి అభిమానులు ఆశించే కమర్షియల్ అంశాలతో పాటు దర్శకుడు కొరటాల శివ సినిమా తెరకెక్కిస్తున్నారు. ఈ తరహా కథలో ఎన్టీఆర్ అంటే... సినిమా ఓ రేంజ్ ఉంటుందని ఫ్యాన్స్ ఆశిస్తున్నారు. 

వచ్చే ఏడాది ఏప్రిల్ 5న విడుదల
వచ్చే ఏడాది ఏప్రిల్ 5న సినిమా ప్రేక్షకుల ముందుకు రానున్న సంగతి తెలిసిందే. ఈ ఏడాది ఆఖరుకు చిత్రీకరణ పూర్తి కానుందని సమాచారం. ఈ సినిమాలో ఎన్టీఆర్ జోడీగా జాన్వీ కపూర్ తెలుగు తెరకు పరిచయం అవుతున్నారు. ప్రతినాయకుడిగా సైఫ్ అలీ ఖాన్, ఆయన భార్య పాత్రలో సీరియల్ నటి చైత్ర రాయ్, కీలక పాత్రలో కన్నడ నటుడు తారక్ పొన్నప్ప నటిస్తున్నారు. 

'దేవర' చిత్రాన్ని జూనియర్ ఎన్టీఆర్ సోదరుడు, హీరో నందమూరి కళ్యాణ్ రామ్ సమర్పణలో ఎన్టీఆర్ ఆర్ట్స్, యువ సుధ ఆర్ట్స్ సంస్థలు నిర్మిస్తున్నాయి. కొరటాల శివ మిత్రుడు మిక్కిలినేని సుధాకర్, కళ్యాణ్ రామ్ బావమరిది హరికృష్ణ నిర్మాతలు. 'విక్రమ్', 'జైలర్', 'జవాన్'... వరుస విజయాలతో దూసుకు వెళుతున్న యువ సంగీత సంచలనం అనిరుధ్ రవిచంద్రన్ ఈ చిత్రానికి పని చేస్తున్నారు. 

'దేవర' తర్వాత హిందీలో 'వార్ 2' చేయనున్నారు ఎన్టీఆర్. ఆ సినిమాలో హృతిక్ రోషన్, ఆయన కలిసి నటించనున్నారు. ప్రశాంత్ నీల్ దర్శకత్వంలో కూడా ఓ సినిమా చేయనున్నారు. ప్రస్తుతం ఎన్టీఆర్ చేసే చిత్రాలు అన్నీ జాతీయ, అంతర్జాతీయ ప్రేక్షకులను దృష్టిలో పెట్టుకుని తెరకెక్కిస్తున్నవే. 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial