Janhvi Kapoor: ప్రేమలో జాన్వీ కపూర్? ఏకంగా అతడిని అన్న ఇంటికే తీసుకెళ్లింది!

బాలీవుడ్ బ్యూటీ జాన్వీ కపూర్ శిఖర్ పహారియాతో ప్రేమాయణం నడుపుతున్నట్లు కొంతకాలంగా వార్తలు వినిపిస్తున్నాయి. తాజాగా అతడిని తన అన్న ఇంటికి తీసుకెళ్తూ మీడియాకు కనిపించింది.

Photo Credit: Varinder Chawla/Instagram

అతిలోక సుందరి శ్రీదేవి కూతురిగా సినిమా పరిశ్రమలోకి అడుగు పెట్టింది అందాల తార జాన్వీ కపూర్. బాలీవుడ్ లో పలు సినిమాలు చేసిన ఈ ముద్దుగుమ్మ ఫర్వాలేదు అనిపించింది. రీసెంట్ గా తెలుగులోనూ ఓ సినిమా చేస్తోంది. ఎన్టీఆర్ తో కలిసి ‘దేవర’ అనే సినిమా చేస్తోంది. అయితే, ఈ ముద్దుగుమ్మ శిఖర్ పహారియాతో ప్రేమాయణం నడుపుతున్నట్లు కొంతకాలంగా వార్తలు వినిపిస్తున్నాయి. తాజాగా ఆ వార్తలు నిజమేనని తేలిపోయింది. ఏకంగా శిఖర్ ను తన అన్న అర్జున్ కపూర్ ఇంటికే తీసుకెళ్లి అందరినీ ఆశ్చర్యపరిచింది. 

అర్జున్ కపూర్ ఆతిథ్యం

అర్జున్ కపూర్ గత కొంతకాలంగా మలైకా అరోరాతో డేటింగ్ చేస్తున్నాడు. ప్రస్తుతం మలైకా బాకులో వెకేషన్ ఎంజాయ్ చేస్తోంది. తాజాగా ముంబైలోని తన నివాసంలో అర్జున్ కపూర్ సన్నిహితులు, ఆత్మీయులకు ఆతిథ్యం ఇచ్చారు. అర్జున్ ఆతిథ్యాన్ని స్వీకరించిన వాళ్లలో నటి, సోదరి జాన్వీ కపూర్, ఆమె రూమర్స్ బాయ్ ఫ్రెండ్ శిఖర్ పహారియా, నటుడు వరుణ్ ధావన్, అతడి భార్య నటాషా దలాల్ ఉన్నారు.

ఒకే కారులో అర్జున్ ఇంటికి జాన్వీ, శిఖర్

ఇక తన సోదరుడు అర్జున్ కపూర్ ఇంటికి జాన్వీ కపూర్, శిఖర్ ఒకే కారులో వెళ్లారు. ఇద్దరూ వైట్ డ్రెస్ లో కనిపించారు.  జాన్వీ తెల్లటి పొట్టి దుస్తులలో ఉండగా, శిఖర్ తెల్లటి షర్ట్‌ లో ఉన్నాడు. ఇద్దరు ఒకేకారులో వెనుక సీటులో కూర్చున్నారు. జాన్వీ కెమెరాలను తప్పించుకోవడానికి విండో షీల్డ్ ఉన్న కిటికీ వైపు జరిగింది. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Varinder Chawla (@varindertchawla)

ఇక వరుణ్ ధావన్ ప్రింటెడ్ బ్లూ షర్ట్‌ లో కనిపించాడు. అతడి భార్య-డిజైనర్ నటాషా దలాల్ తెల్లటి క్రాప్ టాప్, బ్లాక్ ప్యాంటులోఉంది. ఇక అర్జున్ కపూర్ తన  బాల్కనీలో పోజులిచ్చిన కొన్ని ఫోటోలను సోషల్ మీడియా ద్వారా నెటిజన్లతో పంచుకున్నాడు.   “Just gotta be Grateful sometimes” అంటూ క్యాప్షన్ పెట్టాడు. అదే సమయంలో అర్జున్ గర్ల్ ఫ్రెండ్ మలైకా అరోరా స్నేహితులతో కలిసి బాకులో విహారయాత్ర ఎంజాయ్ చేస్తోంది. అజర్‌బైజాన్ రాజధానిలో దిగిన పలు  ఫోటోలను నెటిజన్లతో పంచుకుంది.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Arjun Kapoor (@arjunkapoor)

‘బావాల్’ ప్రమోషన్స్ లో జాన్వీ, వరుణ్  

జాన్వీ, వరుణ్ ప్రస్తుతం ‘బావాల్’ సినిమా ప్రమోషన్స్‌ లో బిజీగా ఉన్నారు. నితేష్ తివారీ దర్శకత్వం వహించిన ఈ చిత్రం జూలై 21న థియేటర్లలో విడుదల కానుంది.  అర్జున్ చివరిగా ఆస్మాన్ భరద్వాజ్ దర్శకత్వంలో తెరకెక్కిన ‘కుట్టే’లో కనిపించాడు.  ప్రస్తుతం రెండు సినిమాలు చేస్తున్నాడు. భూమి పెడ్నేకర్‌తో ‘ది లేడీ కిల్లర్’, భూమి, రకుల్ ప్రీత్ సింగ్‌తో ‘మేరీ పత్నీ కా రీమేక్’ చిత్రాల్లో నటిస్తున్నాడు. ఈ రెండు సినిమాలు త్వరలో విడుదలకు రెడీ అవుతున్నాయి.  

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial