Mahesh Babu vs Bollywood: మహేష్ బాబును నేషనల్ మీడియా టార్గెట్ చేసుకుందా? ఆ యాడ్‌పై ట్రోలింగ్!
మహేష్ బాబుపై కొన్ని మీడియా సంస్థలు ఇప్పటికీ విమర్శలు గుప్పిస్తున్నాయని ఆయన ఫ్యాన్స్ అంటున్నారు. ఓ ట్వీట్‌ను ఆధారంగా చేసుకుని మహేష్ బాబుపై బురదచల్లే ప్రయత్నం చేస్తున్నాయని అంటున్నారు.
బాలీవుడ్‌పై మహేష్ బాబు చేసిన వ్యాఖ్యలను నేషనల్ మీడియా సీరియస్‌గా తీసుకుందా? తాజా కథనాలను చూస్తుంటే అది నిజమే అనిపిస్తోందని మహేష్ బాబు ఫ్యాన్స్ అంటున్నారు. మహేష్ బాబు చెప్పిన ఉద్దేశాన్ని వక్రీకరిస్తూ కొన్ని నేషనల్ మీడియా సంస్థలు రచ్చ చేస్తున్నాయని, వివిధ బాలీవుడ్ ప్రముఖులను మహేష్ బాబు కామెంట్స్‌‌పై స్పందించాలంటూ కొన్ని పత్రికలు, టీవీ చానెళ్లు ఒత్తిడి తెస్తున్నాయని అంటున్నారు.
ఈ నేపథ్యంలో ఒకప్పుడు మహేష్ బాబు, టైగర్ ష్రాఫ్‌తో కలిసి ఓ పొగాకు బ్రాండ్‌ను ప్రమోట్ చేయడంపై విమర్శలు వస్తున్నాయి. ‘మేజర్’ మూవీ ప్రమోషన్‌లో భాగంగా మహేష్ బాబు మీడియాతో మాట్లాడుతూ.. బాలీవుడ్ తనని భరించలేదని, తాను టైమ్ వేస్టు చేసుకోలేనని అన్నారు. తాను కేవలం తెలుగు సినిమాలే చేయాలని అనుకుంటున్నానని తెలిపారు. మహేష్ వ్యాఖ్యలపై బాలీవుడ్ మీడియా గుర్రుగా ఉంది. మహేష్ బాబు టార్గెట్ చేసుకుంది. ఇలాంటి సందర్భంలో ఓ నెటిజన్.. గతంలో మహేష్ బాబు, టైగర్ ష్రాఫ్‌తో కలిసి పాన్ మసాలాకు చేసిన ప్రకటనను ట్వీట్ చేశాడు. ఆ ట్వీట్‌ను ఆధారంగా చేసుకుని అంతా ట్రోల్ చేయడం మొదలుపెట్టారు.
It's funny how #MaheshBabu said that #Bollywood can't afford him. But a pan masala brand can ( he endorses Pan Bahar and having a Bollywood equivalent in Tiger shroff). Nothing wrong with it. But next time onwards, bring a better arguement to act that Elite. pic.twitter.com/JkDGDBmpUC
— Shikhar Sinha (@pairgame) May 15, 2022
‘‘ఇది చాలా ఫన్నీగా ఉంది. మహేష్ బాబుు బాలీవుడ్ తనను భరించలేదని అన్నారు. మరి పాన్ మసాలా బ్రాండ్ (పాన్ బహార్) భరిస్తుందా? అందులో తప్పేమీ లేదు. కానీ, మరోసారి హూందాగా వ్యవహరించడానికి మెరుగైన వాదన చేయండి’’ అని పేర్కొన్నాడు. ఈ ప్రకటన ఆధారంగా చేసుకుని కొన్ని నేషనల్ మీడియా సంస్థలు మహేష్ బాబుపై బురద చల్లే ప్రయత్నం చేస్తున్నాయని అభిమానులు అంటున్నారు. ఆ వ్యక్తి చేసిన ట్వీట్ వైరల్ కాకపోయినా.. దాన్ని ప్రామాణికంగా చేసుకుని సమాచారం ఇచ్చారంటే.. మహేష్ బాబుపై ఎంత ఆగ్రహంతో ఉన్నారో అర్థమవుతుందని తెలుపుతున్నారు. ఈ నేపథ్యంలో ఈ ట్వీట్‌కు అభిమానులు గట్టి రిప్లైనే ఇస్తున్నారు. వేలాది చిన్నారుల గుండెకు శస్త్ర చికిత్సలు చేయిస్తున్న మహేష్ బాబు గురించి ఏమీ తెలుసుకోకుండా మాట్లాడుతున్నారని కామెంట్లు చేస్తున్నారు. ఇప్పటికే ‘హిందీ’ గురించి వ్యాఖ్యానించిన కిచ్చా సుదీప్‌ను కొన్ని మీడియా సంస్థలు టార్గెట్ చేసుకున్నాయని, ఇప్పుడు మహేష్ బాబును లక్ష్యంగా చేసుకున్నారని తెలుగు సినీ ప్రేమికులు అంటున్నారు.
Also Read: భర్తతో లిప్ లాక్ ఫొటోను షేర్ చేసిన నిహారిక కొణిదెల, అవసరమా అంటున్న ఫ్యాన్స్!
టాప్ హెడ్ లైన్స్
ట్రెండింగ్ వార్తలు
