Hey Balwanth OTT : ఓటీటీలోకి సుహాస్ కామెడీ ఎంటర్టైనర్ హే బల్వంత్ - ఎప్పుడు, ఎందులో స్ట్రీమింగ్ అంటే?

Hey Balwanth OTT Platform : యంగ్ హీరో సుహాస్, శివానీ నాగారం జంటగా నటించిన రీసెంట్ కామెడీ డ్రామా 'హే బల్వంత్' ఓటీటీ రిలీజ్ డేట్ ఫిక్స్ అయ్యింది.

హే బల్వంత్ ఓటీటీ రిలీజ్ డేట్

Source : https://www.instagram.com/p/DU2PqubCanp/

Suhas's Hey Balwanth Movie OTT Release Date Locked : టాలీవుడ్ యంగ్ హీరో సుహాస్, శివానీ నాగారం జంటగా నటించిన రీసెంట్ కామెడీ ఎంటర్టైనర్ 'హే బల్వంత్'. ఫిబ్రవరి 20న ప్రేక్షకుల ముందుకు వచ్చిన ఈ మూవీ బాక్సాఫీస్ వద్ద మంచి టాక్ సొంతం చేసుకుంది. దాదాపు నెల రోజుల తర్వాత ఇప్పుడు ఓటీటీలోకి వచ్చేందుకు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

ఈ మూవీ డిజిటల్ రైట్స్ ప్రముఖ ఓటీటీ ZEE5 సొంతం చేసుకోగా... తాజాగా స్ట్రీమింగ్ డేట్ ఫిక్స్ అయ్యింది. ఈ నెల 31 నుంచి సినిమా అందుబాటులోకి రానుంది. ఈ మేరకు అఫీషియల్ అనౌన్స్‌మెంట్ వచ్చింది. బాక్సాఫీస్ వద్ద డీసెంట్ కలెక్షన్స్ సాధించిన మూవీ ఓటీటీలోనూ అంతే స్థాయిలో రెస్పాన్స్ అందుకుంటుందని మేకర్స్ అంచనా వేస్తున్నారు.

ఈ మూవీకి గోపీ అచ్చర దర్శకత్వం వహించగా... సుహాస్, శివానీలతో పాటు సీనియర్ హీరో నరేశ్, సుదర్శన్, స్రవంతి, హర్షవర్థన్, వెన్నెల కిశోర్, అజయ్ ఘోష్, అన్నపూర్ణమ్మ తదితరులు కీలకపాత్రలు పోషించారు. త్రిశుల్ విజనరీ స్టూడియోస్ బ్యానర్‌పై బి నరేంద్ర రెడ్డి నిర్మించగా... వివికే  సాగర్ మ్యూజిక్ అందించారు.

స్టోరీ ఏంటంటే?

చిన్నప్పుడే తల్లిని కోల్పోయిన కుర్రాడు కృష్ణ (సుహాస్)... నాన్న రావు బల్వంత్ (నరేశ్), నాన్నమ్మ (అన్నపూర్ణమ్మ) సంరక్షణలోనే పెరుగుతాడు. తన తండ్రిని రోల్ మోడల్‌గా తీసుకున్న కృష్ణ... ఎప్పటికైనా ఆయన చేసే బిజినెస్ టేకోవర్ చేసి తనలా మంచి పేరు తెచ్చుకోవాలని కలలు కంటాడు. చదువు పూర్తైన వెంటనే బిజినెస్ అప్పగించాలంటూ తండ్రిని అడుగుతాడు. అయితే, ముందు నో చెప్పినా... అనుకోని పరిస్థితుల్లో తండ్రి బిజినెస్ టేకోవర్ చేస్తాడు.

తీరా తన తండ్రి చేసే బిజినెస్ గురించి తెలిసి బిగ్ షాక్‌కు గురవుతాడు కృష్ణ. ఒక్కసారిగా లైఫ్ తలకిందులైపోతుంది. ఆ బిజినెస్ కారణంగా ప్రేమించిన అమ్మాయి మిత్ర (శివానీ నాగారం)కు దూరం కావాల్సి వస్తుంది. ఇంతకీ కృష్ణ తండ్రి చేసే బిజినెస్ ఏంటి? దీని వల్ల కృష్ణ ప్రేమకు వచ్చిన ఇబ్బందేంటి? ఆ బిజినెస్ జరిగే చోట మిత్ర తాత చనిపోవడం వల్ల వచ్చిన సమస్యలేంటి? ఆయన శవాన్ని యువన్ (వెన్నెల కిశోర్) ఎందుకు మోయాల్సి వచ్చింది? అతనికి కృష్ణ బిజినెస్‌కు ఉన్న సంబంధం ఏంటి? అనేది తెలియాలంటే మూవీ చూడాల్సిందే.

మరిన్ని చదవండి

శర్వానంద్ బైకర్ మూవీపై ప్రభాస్ ప్రశంసలు - ట్రెండింగ్ ట్రైలర్‌పై డార్లింగ్ రియాక్షన్