Suriya injured: ‘కంగువ‘ షూటింగ్ లో ప్రమాదం, హీరో సూర్యకు గాయాలు, డాక్టర్లు ఏమన్నారంటే?

Suriya injured: ‘కంగువ‘ సినిమా షూటింగ్ లో ప్రమాదం జరిగింది. ఈ ఘటనలో హీరో సూర్య గాయపడ్డారు.

హీరో సూర్య(Photo Credit: Suriya Sivakumar/Instagram)

Suriya Gets Injured On The Sets Of Kanguva: కోలీవుడ్ స్టార్ హీరో సూర్య షూటింగ్ లో గాయపడ్డారు. ‘కంగువ’ షూటింగ్ లో జరిగిన ప్రమాదంలో ఆయన తృటిలో ప్రాణాపాయం నుంచి తప్పించుకున్నట్లు తెలుస్తోంది. శివ దర్శకత్వంలో ‘కంగువ’ మూవీ షూటింగ్ శరవేగంగా కొనసాగుతోంది. ఈ షూటింగ్ లో కెమెరా సూర్య భుజం మీద పడినట్టు తెలుస్తోంది. భుజంతో పాటు చేతికి గాయాలు అయినట్లు సమాచారం. వెంటనే ఆయనను చిత్రబృందం సమీప ఆస్పత్రికి తరలించింది. మరీ ప్రమాదకర స్థాయిలో గాయాలేమీ కాలేదని డాక్టర్లు చెప్పినట్లు తెలుస్తోంది. ఒకటి రెండు రోజులు రెస్టు తీసుకుంటే సరిపోతుందని వెల్లడించారట. ఈ ప్రమాదంతో మేకర్స్ సినిమా షూటింగ్ నిలిపివేశారట. మళ్లీ ఎప్పుడు షూటింగ్ మొదలు అవుతుందనే విషయాన్ని ఇంకా వెల్లడించలేదు.  

యాక్షన్ సీన్ షూట్ చేస్తుండగా ప్రమాదం

అటు ‘కంగువ’ మూవీ పీరియాడికల్ మూవీగా తెరకెక్కుతోంది. ఈ సినిమాలో సూర్య గతంలో ఎప్పుడూ లేని విధంగా కనిపించబోతున్నారు. డిఫరెంట్ లుక్ తో ఆడియెన్స్ కు డిఫరెంట్ ఎక్స్ పీరియన్స్ అందించాలని భావిస్తున్నారట. ఈ సినిమా కోసం చాలా కష్టపడుతున్నారట. ఈ నేపథ్యంలో ఆయన రిస్కీ సన్నివేశాల్లోనూ డూప్ లేకుండా నటిస్తున్నారట. ఓ కీలక యాక్షన్ సన్నివేశం షూట్ చేస్తుండగా ఈ తాజా ప్రమాదం జరిగినట్లు తెలుస్తోంది. సూర్య మీద కెమెరా నేరుగా పడిపోయినట్లు సమాచారం. సూర్య భుజంతో పాటు చేతికి గాయం అయినట్లు వార్తలు వినిపిస్తున్నాయి. సూర్య బాగానే ఉన్నారు అని తెలుస్తున్నా, ఈ ప్రమాదానికి సంబంధించి ఎలాంటి  అధికారిక ప్రకటన మాత్రం రాలేదు. సూర్యకు చిన్న గాయాలే అయ్యాయా? లేదంటే ఆందోళనకర పరిస్థితులు ఏమైనా ఉన్నాయా? అని ఆయన అభిమానులు ఆందోళన చెందుతున్నారు.   

#Kanguva - A Minor Accident Happened at Shooting Spot last night at 11PM..😲

• During a Build up shot, The Rope cam got broke and hit #Suriya's Shoulders with a slight blow.. Shoot cancelled for today..✌️ Hope #Suriya is Alright..🤝 pic.twitter.com/QuENNECieB

— Laxmi Kanth (@iammoviebuff007) November 23, 2023

షూటింగ్స్ లో గాయపడుతున్న తమిళ హీరోలు

రీసెంట్ గా తమిళ హీరోలు సినిమా షూటింగ్స్ లో గాయపడం కామన్ అయ్యింది. ప్రేక్షకులను అలరించాలనే ఉద్దేశంతో రిస్కీ సీన్లలో నటిస్తూ ప్రాణాల మీదకు తెచ్చుకుంటున్నారు. విశాల్ తాజాగా ‘మార్క్ ఆంటోని’ సినిమా షూటింగ్ లో గాయపడ్డారు. ఇంకా చెప్పాలంటే ఆయన చేసే ప్రతి సినిమాలోనూ ఏదో ఒక గాయం అవుతూనే ఉంటుంది. ఇక విజయ్ ఆంటోనీ కూడా ‘బిచ్చగాడు 2’ సినిమా షూటింగ్ సమయంలో గాయపడ్డారు. కొద్ది రోజుల పాటు హాస్పిటల్ బెడ్ కు పరిమితం అయ్యారు. తాజాగా ఈ లిస్టులో సూర్య కూడా చేరిపోయారు.  

తెలుగులో స్ట్రెయిట్ సినిమా చేయబోతున్న సూర్య

సూర్యకు తమిళంలోనే కాదు, తెలుగులోనూ మంచి ఫ్యాన్ బేస్ ఉంది. ఆయన నటించిన తమిళ సినిమాలు అన్నీ తెలుగులో డబ్బై విడుదల అవుతున్నాయి. ఇక్కడ కూడా మంచి విజయాన్ని అందుకుంటున్నాయి. తెలుగులో ఇప్పటి వరకు స్ట్రెయిట్ మూవీ చేయలేదు సూర్య. ప్రస్తుతం అదే ప్రయత్నంలో ఉన్నారు. దర్శకుడు చందు మొండేటితో ఓ సినిమా చేయబోతున్నట్లు తెలుస్తోంది. ప్రస్తుతం సూర్య చేస్తున్న సినిమాలు కంప్లీట్ అయ్యాక ఈ సినిమా పట్టాలెక్కే అవకాశం ఉన్నట్లు తెలుస్తోంది. ఇక ప్రస్తుతం సూర్య నటిస్తున్న ‘కంగువ’ సినిమాను యువి క్రియేషన్స్, స్టూడియో గ్రీన్ కలిసి నిర్మిస్తున్నారు. దేవి శ్రీ ప్రసాద్ మ్యూజిక్ అందిస్తున్నారు. సినిమాను పాన్ ఇండియా మూవీగా విడుదల చేస్తున్నారు.