Guppedantha Manasu Rishi: గుప్పెడంత మనసు రిషి హీరోగా తెలుగు - కన్నడ సినిమా... టైటిల్, కాన్సెప్ట్ పోస్టర్ చూశారా?

Priyamaina Nannaku Movie: 'గుప్పెడంత మనసు' సీరియల్ ద్వారా తెలుగు ప్రజల గుండెల్లో 'రిషి'గా గూడు కట్టుకున్న కన్నడ నటుడు ముఖేష్ గౌడ. ఇప్పుడు ఆయన హీరోగా వస్తున్నాడు. కొత్త సినిమా అనౌన్స్ చేశారు.

ప్రియమైన నాన్నకు పోస్టర్... ముఖేష్ గౌడ

Source : https://www.instagram.com/_mukesh_gowda5/

'గుప్పెడంత మనసు' (Guppedantha Manasu Serial) రిషి అభిమానులకు గుడ్ న్యూస్. ఆ సీరియల్ త్వరలో ఆగుతుందని, దానికి శుభం కార్డు పడుతుందని బాధ పడాల్సిన అవసరం లేదు. ఇప్పుడు స్మాల్ స్క్రీన్ మీద కాదు... సిల్వర్ స్క్రీన్ మీద సందడి చేయడానికి రిషి అలియాస్ ముఖేష్ గౌడ రెడీ అయ్యాడు. కొత్త సినిమా అనౌన్స్ చేశారు. 

ప్రియమైన నాన్నకు... రిషి హీరోగా!
'గుప్పెడంత మనసు' సీరియల్ కారణంగా, అందులో పేరే ఒరిజినల్ పేరు అని భావిస్తున్నారు. కానీ, అతని పేరు రిషి కాదు... ముఖేష్ గౌడ. అయితే... ఇప్పుడు సిల్వర్ స్క్రీన్ ఎంట్రీ కోసం నిహార్ ముఖేష్ అని తన పేరును మార్చుకున్నాడు. ఇంతకీ, రిషి అలియాస్ నిహార్ ముఖేష్ నటించే సినిమా ఏమిటంటే...

నిహార్ ముఖేష్ (Nihar Mukesh)గా తెలుగు, కన్నడ చిత్ర పరిశ్రమలకు 'గుప్పెడంత మనసు' రిషి అలియాస్ ముఖేష్ గౌడ పరిచయం అవుతున్న సినిమా పేరు 'ప్రియమైన నాన్నకు' (Priyamaina Nannaku Movie). 'తీర్థ రూప తండేయ వరిగే' (Theertharoopa Thandeyavarige) అనేది కన్నడ టైటిల్. రెండు భాషల్లో ఈ సినిమా రూపొందుతోందని ముఖేష్ గౌడ తెలిపారు. 

వచ్చే ఏడాది వేసవిలో సినిమా విడుదల!
Priyamaina Nannaku Release Date: 'ప్రియమైన నాన్నకు' చిత్రానికి రామేన‌హ‌ల్లి జ‌గ‌న్నాథ దర్శకుడు. ఈ సినిమా కంటే ముందు కన్నడలో 'హొండిసి బరేయిరి' అని ఓ సినిమా తీశారు. దర్శకుడిగా ఆయనకు రెండో చిత్రమిది. వచ్చే ఏడాది వేసవిలో 'ప్రియమైన నాన్నకు' విడుదల చేయనున్నట్లు ముఖేష్ గౌడ చెప్పారు. ఎప్పటిలాగే తన మీద ప్రేక్షకుల ప్రేమ, అభిమానం చూపించాలని ఆయన కోరారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by NIHAR MUKESH B (@_mukesh_gowda5)

'ప్రియమైన నాన్నకు' కంటే ముందు తెలుగులో ముఖేష్ గౌడ హీరోగా 'గీతా శంకరం' అని ఓ సినిమా మొదలైంది. అయితే, అది మధ్యలో ఆగినట్టు ఉంది. కొంత కాలం షూటింగ్ చేశాక, ఫస్ట్ లుక్ సైతం విడుదల చేశాక అప్డేట్స్ ఇవ్వడం మానేశారు. సో, ఇప్పుడు 'ప్రియమైన నాన్నకు' ముఖేష్ గౌడ సిల్వర్ స్క్రీన్ డెబ్యూ కానుంది.

'గుప్పెడంత మనసు'కు రిషి బ్రేక్...
మళ్లీ కొన్నాళ్లకు ఎంట్రీ, ఇప్పుడు ఎండ్!
'గుప్పెడంత మనసు' సీరియల్, నటుడిగా ముఖేష్ గౌడ ప్రయాణాన్ని అసలు వేరు చేసి చూడలేం. ఆ సీరియల్ తెలుగులో నాలుగేళ్లుగా టెలికాస్ట్ అవుతోంది. దాంతో రిషిగా ముఖేష్ గౌడ పాపులర్ అయ్యాడు. అయితే, అనివార్య కారణం (ఓ ప్రమాదం) వల్ల ఏడెనిమిది నెలలు 'గుప్పెడంత మనసు'లో కనిపించలేదు. అప్పుడు టీఆర్పీ రేటింగ్స్ కూడా పడ్డాయి. అయితే, మళ్లీ 'రంగ' పాత్రలో రీ ఎంట్రీ ఇచ్చాడు. టీవీ స్క్రీన్ మీద అతను మళ్లీ కనిపించడంతో ఫ్యాన్స్ పండగ చేసుకున్నారు. అయితే, ఆ ఆనందం ఎక్కువ రోజులు నిలవలేదు. సీరియల్ ఎండ్ అవుతుందని అనౌన్స్ చేశారు. ఇప్పుడు సినిమా చేస్తుండటం అభిమానులకు సంతోషం కలిగించే అంశమే.