Thalapathy Vijay Birthday: దళపతి విజయ్ పుట్టినరోజు వేడుకల్లో అపశ్రుతి..

Boy Catches Fire in Vijay Birthday Celebration: హీరో విజయ్‌ పుట్టిన రోజు వేడుకలో దారుణం చోటుచేసుకుంది. నేడు విజయ్‌ పుట్టిన రోజు సందర్భంగా నిర్వహించిన వేడుకలో మంటలు చెలరేగాయి.

హీరో విజయ్ (Image Credit: Twitter)

Fans Injured in Vijay birthday Celebration Due to Fire: తమిళ స్టార్‌ హీరో, దళపతి విజయ్‌ పట్టిన రోజు వేడుకల్లో అపశ్రుతి చోటుచేసుకుంది. జూన్‌ 22న విజయ్‌ బర్త్‌డే. ఈ సందర్భంగా రాష్ట్రవ్యాప్తంగా ఆయన పుట్టిన రోజు వేడుకుల అభిమానులు ఘనంగా సెలబ్రేట్‌ చేస్తున్నారు. ఈ క్రమంలో విజయ్‌ పుట్టిన రోజు వేడుకల్లో అపశ్రుతి చోటు చేసుకుంది. బర్త్‌డే వేడుకలో ఒక్కసారిగా మంటలు చెలరేగడంతో బాలుడి చేతికి గాయం అయ్యింది. ప్రస్తుతం సంఘటన రాష్ట్రంలో సంచలనంగా మారింది.చ

చెన్నైలోని నీలంగరైలోని ఓ ప్రైవేటు హాలులో ఫ్యాన్స్‌ విజయ్‌ బర్త్‌డే వేడుకలను నిర్వహించారు. ఈ సందర్భంగా ఈ కార్యక్రమంలో పలు వినోద కార్యక్రమాలను నిర్వహించారు. ఇందులో భాగంగా ఓ చైల్డ్‌ ఫ్యాన్ చేతితో టైల్స్‌ పగలగోట్టే సాహస క్రీడలో పాల్గొన్నాడు. అతడు టైల్స్‌ పగలగొట్టేముందు.. పక్కనే ఉన్న కోచ్‌ అతడి చేతిపై సీసాలో ఉన్న పెట్రోల్‌ పోసి నిప్పు అట్టించాడు. అయితే పెట్రోల్‌ ఎక్కువ పడడంతో మంటలు పెద్ద ఎత్తున్న అంటుకున్నాయి. దీంతో బాలుడి చేతికి నిప్పు అంటుకుంది.

పెద్ద ఎత్తున మంటలు చెలరేగడంతో ఆ వేడిని తట్టుకోలేక బాలుడు విలవిల్లాడుతూ కనిపించాడు. దీంతో చూట్టుపక్కన ఉన్నవాళ్లంతా అతడి చేతికి ఉన్న నిప్పులు అర్పేసి ఆస్పత్రికి తరలించి చికిత్స అందించారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌గా మారింది.  ప్రస్తుతం బాలుడి ఆరోగ్యం నిలకడగా ఉందని సమాచారం. ఈ కార్యక్రమాన్ని చెన్నై సబర్బన్ జిల్లా విజయ్ అభిమానుల సంఘం అధ్యక్షుడు ECR శరవణన్ నిర్వహించినట్లు తెలుస్తోంది. 

விஜயின் பிறந்தநாள் கொண்டாட்டத்தின் போது விபரீதம் - சிறுவனின் கையில் பற்றிய தீயால் அதிர்ச்சி#Vijay #VijayBirthDay #Chennai #TamilNews pic.twitter.com/Odv501ltbW

— ABP Nadu (@abpnadu) June 22, 2024