F3 Movie Shooting: తిరిగి ప్రారంభమైన ఎఫ్3 షూటింగ్... ఎక్కడంటే...

కామెడీ ఎంటర్ టైనర్ ఎఫ్2 సీక్వెల్ గా వస్తోంది ఎఫ్ 3. ఆ సినిమాకు సంబంధించి అప్ డేట్ వచ్చింది.

ఎఫ్3 తారాగణం

వెంకటేష్, వరుణ్ తేజ్ హీరోలుగా తెరకెక్కిన సినిమా ఎఫ్2. అనిల్ రావిపూడి దర్శకత్వం వహించిన ఈ సినిమా సూపర్ హిట్ కొట్టింది. మహిళలకు, కుటుంబ ప్రేక్షకుల ప్రశంసలు అందుకుంది. దానికి సీక్వెల్ గా మూడు రెట్లు ఎక్కువ ఎంటర్ టైన్ మెంట్ తో సిద్ధమవుతోంది ‘ఎఫ్3’. తాజాగా ఈ సినిమా షూటింగ్ హైదరాబాద్ లో మళ్లీ ప్రారంభమైంది.  చాలా మేరకు షూటింగ్ పూర్తయిపోయింది. మిగిలిన కొన్ని సన్నివేశాలు తీసేందుకు హైదరాబాద్ లో షెడ్యూల్ చేశారు.  మేకింగ్ వీడియో సోషల్ మీడియాలో తెగ వైరల్ అవుతోంది. దాదాపు సినిమాలోని తారాగణమంతా ఈరోజు షూటింగ్ లో పాల్గొన్నారు. దాదాపు ఎఫ్2లో ఉన్న తారాగణాన్నే ఎఫ్ 3లో కంటిన్యూ చేస్తున్నారు దర్శక నిర్మాతలు. అయితే రాజేంద్రప్రసాద్ మాత్రం లేరు, కొత్తగా సునీల్ యాడ్ అయ్యారు. ఈ సినిమా కాన్సెప్ట్ ఇంతకుముందే రివీల్ చేశారు అనిల్. కథంతా డబ్బు చుట్టూ తిరిగే కామెడీ డ్రామా అని చెప్పారు.  మేకింగ్ వీడియోలో నటీనటులే కాదు, టెక్నిషియన్లు కూడా చిరునవ్వులతో కనిపించారు. 

అనిల్ రావిపూడి సినిమాలకు కుటుంబప్రేక్షకులు ఎక్కువ. ఆయన దర్శకత్వం వహించిన ‘సరిలేరు నీకెవ్వరు’సూపర్ హిట్ కొట్టింది. సెంటిమెంటును నమ్ముకున్న సక్సెస్ ఫుల్ డైరెక్టర్ ఆయన. దర్శకుడిగా ఆయన చేసిన సినిమాలన్నీ సూపర్ హిట్ కొట్టాయి. ఎఫ్ 2, రాజా దిగ్రేట్, సుప్రీమ్, పటాస్, సరిలేరు నీకెవ్వరూ... అన్నీ కుటుంబ ప్రేక్షకులు మెచ్చిన సినిమాలే. ఇక ఎఫ్ 3  మీద కూడా భారీ అంచనాలే ఉన్నాయి. ఇది ఎప్పుడు విడుదల అవుతుందో ఇంకా చిత్ర యూనిట్ ప్రకటించలేదు. 

Triple Fun & Frustration is loading..
Shoot resumes, Finally back to sets with my #𝐅𝟑𝐌𝐨𝐯𝐢𝐞 fam!❤️🎉

▶️https://t.co/vHJH7Ugknd@VenkyMama @IAmVarunTej @tamannaahspeaks @Mehreenpirzada @ThisIsDSP @SVC_official#F3DoseLoading pic.twitter.com/Ias3avHBvq

— Anil Ravipudi (@AnilRavipudi) September 17, 2021